Matayo 5:30 - I CILAGANE CIPYA 1991

³⁰ Na hono u muwoko wako wo kulume wukukusutizya, ale wuwudumulaje no kuwutaga kutali. Yili ciba muno wajilize cilunzwa cimonga co muwili, si nho u muwili wako wose wutegulwe mu moto we Gehena.

Luganuzi Luswanu Kuli Wanhu Wose 2002

³⁰ Na hono u muwoko wako wo kulume wukukusutizya, ale, wuwudumulaje no kuwutaga kutali. Yili ciba muno wajilize cilunzwa cimonga co muwili, si nho u muwili wako wose wutegulwe mu moto we Gehena.”

Matayo 5:30 ပူးပေါင်းရင်းမြစ်များ

Matayo 11:6

Holeka, yo mumoti u munhu mono si yakuyiwona nghani yo yose yimbi muli nene.”

Matayo 13:21

Ninga inghani yeneco si yikumwinjlia muno muno no kuwa ne milela muli mwene, holeka yakujendelela kuyikamisa inghani yiyo kwa cidaha cidodo vivi du, na kolo gakumuziza i magayo hamba wutamiswe ku soko ye nghani yiyo, u munhu yuyo hodu yakuyileka kamonga.

Matayo 16:23

Ninga Yesu yakapituka, yakamulonjela Petelo yakatya “Wuwuce hono hangu gwe Setani! Agwe wuli cikobazo kuliʼne. Ne mahweso gako, hamba si gakulawa kuli Mulungu ngʼo, langa ga cimunhu munhu du!”

Matayo 17:27

Ninga alu ho cilece kuwakobaza, ale wubite kwilenga, wukayitajile ndowano, nagwe nhondo wusole yi somba yinongozi yono koyibata, hanyuma wuyahamulaje mulomo wayo, na mugati koziwona zipesa zono zikwiliye so kodi. Ale wuzisolaje wubite wukawapele, ku soko yangu na gwegwe!”

Matayo 18:8

“Holeka hono u muwoko wako, hamba u mugulu wako wukwiwajize, ale ciba wuwudumulaje no kuwutaga kutali nagwe. Ku soko yili ciba kuliʼgwe winjile mu wumi akuno wina muwoko hamba mugulu monga, si nho kutagwa mu moto we cibitilila, akuno ho wina ne miwoko myejete hamonga ne migulu yako myejete.

Matayo 22:13

Hodu, u mutemi yakawalonjela iwetumami yakatya, ‘Ale mumusolaje yuyu, mumuwope migulu ne miwoko yakwe, hanyuma mukamutaje ku citi, kunze, nayo kuko kowa kulila no kugwezula meno.’ ”

Matayo 25:20

Ale yuyulya u mwitumami mono yapegwa zisilinje ze elufu makumi mejete neʼhano, yakaza akuno yaleteleze hamonga na azilya ze elufu makumi mejete neʼhano zono yazituga ze cambuzi, yakamutya, ‘Muwaha, wamhela silinje makumi mejete neʼhano du, ninga wulanje, ahano nina zinji kanyhi elufu makumi mejete neʼhano ze cambuzi zono nazituga.’

Matayo 26:31

Hanyuma Yesu yakawatya, “Icilo cici ce zuwalili, anye wose motiza mondeka nili wene, hambi i Mandiko Gono Gelile nha gakutya, ‘Nomutowa u mudimi, Nazo izingholo zokwiyagala.’

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yalingʼanizwe. Nayo mono yakumubedegala unduguye, ale yuyo kotegulwa ku wulingʼanizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Matayo 5:29

Holeka, hono iliso lyako lyo kulume likusutizye, ale wuliwusaje wulitaje kutali. Yili ciba muno kuliʼgwe, wajilize cilunzwa cimonga co muwili, si nho kutagwa u muwili wako wose mu moto.

Maluko 9:43

No muwoko wako hono wukwiwajize, ale wuwudumulaje! Hambi nha yili ciba kuliʼgwe winjile mu wumi, akuno wusina muwoko monga, si nho kuwa ne miwoko yose vyono myejete no kubita ku moto we Gehena. [

Luka 12:5

Ninga nghumulajilenyi mono yinojeye mumogope: Mogopenyi mwene, mono yena wulajilize wo kumutajilila munhu mu moto we gehena, kolo yakondya kuwulaga, heya ye, nghumutyenyi, Mumogopaje yuyo.

Luka 17:2

Ciba yali yawopelezwe izala iwaha mu singo, yatagwe mwilenga, si nha kumwiwajiza mudodo monga muyagwe na wawa.

Walumi 9:33

nha vyono gakutya i Mandiko Gono Gelile: “Langa ta, nghuwika mu Sayuni, libwe lyo wikobale, Ne litalawe lyono lyowatelezya wanhu wagwe! No munhu mono komwihuwila yuyo mono lyo libwe lilyo, ale, yuyo si kolokozwa soni.”

1 Wakolinto 8:13

Holeka hono ndigwa yiwe yikuwa kumuletela ndugu yangu wugwe, hodu sinolila lukulu nyama, ho ndece kumugwisiza ndugu yangu mu wubi.

Wagalatiya 5:11

Ane ku lubavu lwangu, anye mo wandugu zangu, hono niwe nghali kuganula vyono yinojeye kwalama, alu nhawule nghali kuwingwa-wingwa? Hamba nha vivyo u wuganule wangu muli zo musalaba wa Kilisito si wali wulete cevu co cose.

1 Petelo 2:8

Kanyhi i Mandiko gakutya, “Libwe lilyo lyo libwe lyo wikobale, italawe lyo kuwagwisa wanhu.” Ne wanhu wekobalaga vyono siwehuwila inghani yiyilya. Ku soko vyo watemezezwa kuwulawa mwamulizo.