Matayo 5:28 - I CILAGANE CIPYA 1991

²⁸ Ninga ane nghumulonjelenyi vyono, umunhu mono komulanga mucekulu sunga yamusulumile, yuyo yakondya kusenyha nayo mu nhumbula yakwe.

Luganuzi Luswanu Kuli Wanhu Wose 2002

²⁸ Ninga ane nghumulonjelenyi vyono, umunhu mono komulanga mucekulu sunga yamusulumile, yuyo yakondya kusenyha nayo mu nhumbula yakwe.

Matayo 5:28 ပူးပေါင်းရင်းမြစ်များ

Matayo 15:19

Ku soko mu nhumbula yo munhu nha momulawaga i mahweso mabi gono galetaga no wu wulaji, kanyhi, mulawaga u wusenyha, wuhizi, wuhomelezi wo wulambi, ne maligo.

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yalingʼanizwe. Nayo mono yakumubedegala unduguye, ale yuyo kotegulwa ku wulingʼanizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Matayo 5:39

Ninga ane nghumutyenyi, wulece kumulipiciza u munhu mubi. U munhu hono yakutowe kofi mu luzagasa lo kulume, ale wumupitusizaje no luzagasa luyagwe.

Walumi 7:14

Cimanyile vyono, Wulajilize wo we cinya muhe, ninga ane nili wa mu muwili, muguzwa mu wuwanda wo wubi.

2 Petelo 2:14

Ne meso gawo gamemile wusenyha wose, sunga ne masulumizi gawo go kwituma wubi, si gamalikaga hamba hadodo. Wawo wo wakuwa kuwakongakonga wanhu wono wasoceye sunga wawagwiziza mu mitego. Ne mitima yawo yizoweleze muwusulumizi we zisawo. Iwanhu wawo wali mu wulijitwe wo Mulungu!

1 Yohana 2:16

I vinhu vyose vya mononze, wusulumizi wo muwili, i vinhu vyono i wanhu wakuviwona, wawa kuvisulumila, hamonga no wiwoni wono wukuletwa so sawo, vyose vivyo sivikulawa muli Baba, langa vikulawa mononze.