Matayo 5:22 - I CILAGANE CIPYA 1991

²² Ninga ane nghumutyenyi, muli wose mono yakumuwonela likuwo u nduguye, yuyo yimunojeye yalingʼanizwe. Nayo mono yakumubedegala unduguye, ale yuyo kotegulwa ku wulingʼanizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Luganuzi Luswanu Kuli Wanhu Wose 2002

²² Ninga ane nghumutyenyi, muli wose mono yakumuwonela likuwo u nduguye, yuyo yimunojeye yaling'anizwe. Nayo mono yakumubedegala u nduguye, yuyo kotegulwa ku wuling'anizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Matayo 5:22 ပူးပေါင်းရင်းမြစ်များ

Matayo 10:17

Mwilanjililaje kuli wanhu, hambi nha womutegulenyi kuli mahakama, kanyhi womukunenyi viboko mu matangʼanilo gawo go wuhembelo.

Matayo 10:28

Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mumoto we gehena.

Matayo 12:24

Ninga i Wafalisayo waza kuzihulika zizo wakatya, “U munhu yuyu, kagalavizyaga macisi mu vilungo vya Belizebuli u muwaha we macisi.”

Matayo 17:5

Nayo lono yali yakali kulonga nha vivyo du, livunde yizelu likawa kuwagubika, ne lizi likahulikwa likulawilila mwivunde lilyo, likutya, “Ayu yo Mwanangu, u mwendece wangu, mono nyendezwe nayo, holeka mumuhulikaje.”

Matayo 18:21

Hanyuma Petelo yakamubitila Yesu, yakamuwuza yakutya, “Alu mwene, hono u ndugu yangu yasutizye, ane yinojeye nimunenele nghanghulo yilinga? Kali mupunghati?”

Matayo 18:35

Ale, no Sogo yangu wa ku wulanga nayo, komutendelenyi nha vivyo nanye, hono mulece kwiyinenela munhu na nduguye kwe mitima yenyu yose.”

Matayo 23:15

“Woyi he kuliʼnye mo wejizi wo Wulajilize ne Wafalisayo mo wakoci! Mono mukujenda mwilenga na mu yisi nghavu ho mutuje munhu monga yatyatye dini yenyu. Na kolo mwamutuga, mukumunoza kanyhi yawe yawunojeye u moto we Gehena kali kejete si nha nyenye mo weneco.

Matayo 23:33

Anye mo wana we zinzoka, zono zina sumu! Alo mosuma nhawule kuwilega u wulingʼanizwe wo moto we Gehena?

Matayo 25:41

“Ale, baho ho kowalonjela na awalya wono wali ku lubavu lwakwe lo kucekulu yawe kutya, ‘Ale, mbucilenyi anye mono mwalijitwa! Bitenyi mu moto we cibitilila wono wawicilwa Setani ne wamalayika wakwe.

Matayo 26:59

Hodu i Wakohani wawaha ne libalaza lyose, wakalondola wuhomelezi wo wulambi kuli Yesu, ho wamuwulaje,

Matayo 3:17

Ne lizi likalawa ku wulanga likutya, “Ayu yo Mwanangu u mwendece wangu, mono nendezwe nayo.”

Matayo 5:34

Ninga ane nghumulonjelenyi nghutya, mulece kwilahiziza lukulu mwitagwa lya cinji co cose, hamba ku wulanga, hambi nha lyo ligoda lyo lukumyo lyo Mulungu,

Matayo 5:44

Ninga ane nghumutyenyi, ‘Muwendaje iwalugu wenyu, kanyhi mweze kuwalombela wono wakumugazenyi nyenye,

Maluko 14:55

Iwakohani wawaha ne Libalaza lyose, wakalondola wuhomelezi wo kumusitacila Yesu ho wamuwulaje, ninga hamba nha vivyo, si wawutuga yaye.

Maluko 15:1

Wali weza kwela hakali mitondo muno muno, iwakohani wakalaganila kumonga, hamonga ne wanyamhala ne wejizi wo Wulajilize, hamonga ne libalaza lyose, wakamuwopa Yesu ne manyolo, wakamutegula no kumukombola kuli Pilato.

Luka 12:5

Ninga nghumulajilenyi mono yinojeye mumogope: Mogopenyi mwene, mono yena wulajilize wo kumutajilila munhu mu moto we gehena, kolo yakondya kuwulaga, heya ye, nghumutyenyi, Mumogopaje yuyo.

Luka 22:66

Waza kwela, mukungʼano we walongola we wanhu wakekongholela hamonga ne Wakohani wawaha hamonga ne wejizi wo Wulajilize, wakamutegula Yesu hamwande ye libalaza lyawo.

Yohana 11:47

Holeka i Wakohani wawaha, ne Wafalisayo wakekonghola hamonga, wakatya, “Alu conoza nhawule? Hambi munhu ayu nha yakunoza vitanjilo vinji muno.

Yohana 15:25

Na vyo yinojeye, zizilya zono zandikwa mu Wulajilize wawo zifisilizwe, zono zikutya, “Wasula bwete.”

Yohana 7:20

Iwanhu wakamupitula wakatya, “Alu mwene wina lukwale! Nani mono yakusaka kukuwulaga?”

Yohana 8:48

Iwayahudi wakapitula wakamutya, “Alo si cikulonga mbeka vyono uli Musamaliya, na kanyhi wina macisi?”

Metumo ge Watumwa 17:18

Na wanji wono wali webate mejizo ge Waepikuliyo ne Wasitoyiko, wakewanganila nayo. Wanji wakatya “Alu yakusaka kulonga cici yuyu Cilomo?” Na vyono Pawulo yaganulaga za Yesu na zo wuzuce, wanji wakatya, “Yikwijela kotya mono yakuganula ze milungu mijenzi.”

Metumo ge Watumwa 22:30

Imitondo yaco, u muwaha we wasilikale, vyono yasaka kumanya i mbeka yono Wayahudi wakumusonjezeza Pawulo, yakamuwopolela Pawulo manyolo gakwe, yakalajiliza wakohani wawaha ne wanyamhala wose wekonghole. Nayo yakamuleta Pawulo, yakamuwika ha mwande yawo.

Metumo ge Watumwa 23:1

Nayo Pawulo, yakawalanga muno wanhu wono wali baho he balaza, hanyuma yakawa kutya, “Nye wandugu zangu, ane nikalaga na nhumbula nzelu hali Mulungu sunga ne nzuwayi.”

Metumo ge Watumwa 24:20

Hamba, lunji awa weneco wono wali baha, walonje lisutya lyono waliwona muliʼne, lono nali nyimile hamwande ye libalaza lyawo liwaha.

Metumo ge Watumwa 4:15

Holeka wakawatya walawile kunze yo mukungʼano, wene ho watuje cilejeho co kwiheha.

Metumo ge Watumwa 5:21

Nawo watumwa wakahulika, wakenjila mu Nyumba yo Mulungu hakali mitondo muno, wakawa kwanza kwijiza. Ninga u Mukohani Muwaha, hamonga na wono wali nayo, wali weza kuza, wakacema mukungʼano we libalaza lyose, hamonga ne wanyamhala wose we wana wa Isilayeli, hanyuma wakawatuma wanhu ku jela wakawalete watumwa.

Metumo ge Watumwa 5:27

Waza kuwaleta, wakawawika ha mwande ye libalaza. U Mukohani muwaha yakawawuza, yakutya.

Metumo ge Watumwa 6:12

Na so yiyo wakawasagahaza wanhu, iwanyamhala, ne wejizi wo Wulajilize. Wakamuziza Sitefano, wakamwibata, wakamuleta ha mwande ye libalaza liwaha.

Metumo ge Watumwa 6:15

Na wose wono wali wali baho he balaza, wakamulanga Sitefano, wakawuwona wusu wakwe weza winha wusu wa Malayika.

Metumo ge Watumwa 7:37

Yo mwene yuyo Musa mono yawatya wana wa Isilayeli, ‘U Mulungu kolomwinulilenyi Muwizi kulawa mu wandugu zenyu yenha nene.’

Walumi 12:10

Mweze mwiyendile nha Wakilisito, wana wa munhu yumonga, namo mu lukumyo, mweze kwamula kuwehweseza iwayenyu.

1 Wakolinto 6:10

hambe wahizi, hamba i wabuguci, hamba i wagaloʼjimbi, na wono wendile kuwaheha i wayawo, ne walambilambi wose, wawo wose si wosuma kwinjila mu Wutemi wo Mulungu.

1 Wakolinto 6:6

Alu du mbeka weza nha wuzowele wenyu kuli we ndugu, yakumutegula u nduguye kuli mahakama, kanyhi hamba nha vivyo, kuli wanhu wono si wehuwiye.

1 Watesalonike 4:6

Holeka munhu wo wose yalece kumusutizya hamba kumukapa u muyagwe mu nghani yiyi. Hambi nha cakondya kumulonjelenyi muli zizo kanyhi cikamusugulenyi vyono u Muwaha kowalipiciza wono wakwituma zono zinha zizo.

Tito 3:2

Wuwalonjelaje vyono walece kumuliga munhu wo wose, langa wekalaje welamuye akuno wakwiyihulika, kanyhi weze wapolo kuli wanhu wose.

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze si wapona yaye. Alu ase cosuma kupona wule hono cileme kumuhuliciza ayulya mono yakucisugula mono yalawa ku wulanga?

Wahebelaniya 5:9

Nayo yaza kukwilanicizwa, yakawa wo mwamulizo wo wukombozi we cibitilila kuli wose wono wakumuhulika,

Yakobo 2:20

Go mulele gwe ma, wukusaka kulajilwa vyono u wihuwilo wono wusina metumo wufwiye?

Yakobo 3:6

Ale nha vivyo no lulimi nalo, lwinho moto. Hambi nha lumemile wubi winji muno, nalo lwina cilejeho mu miwili yetu, kanyhi lutajilaga wubi mu miwili yetu yose. Wutakamizaga u wumi wetu wose nho moto wono wulawaga yose. Wutakamizaga u wumi wetu wose nho moto wono wulawaga ku Gehena yeneco.

1 Petelo 2:23

Na lono wamuligaga, yaza kuligwa mwene siyawapitula neʼligo, nha lono yagazizwa, mwene siyapinjicila langa yamuwicila u Mulungu u witumbilo wakwe wose, u mulingʼanizi we lingʼani.

1 Petelo 3:9

Mulece kuwagomolezeza wanhu wubi na wubi, hamba iligo ne ligo, langa muwalombele wumoteswe hambi anye nha mwacemwa no Mulungu ho muwubocele wumoti.

1 Yohana 2:9

Holeka mono yakutya yali mu wuzelu, akuno ho yamusulile u nduguye, munhu yuyo yakali yali mu wutitu.

1 Yohana 3:10

Ninga muli wose mono siketumaga ze lingʼani, hamba mono siyamwendile u nduguye, yuyo yo si mwana wo Mulungu. Na wuwo wo wisimajile wa muli wana wo Mulungu ne wana wa Setani.

1 Yohana 5:16

U munhu hono yamuwone nduguye yakwituma wubi wono siwomufisa ku wufwe, yimunojeye yamulombele kuli Mulungu, nayo Mulungu komupela wumi. Nghulonga yiyi kuli awalya wono wetumile wubi wono si wo wufwe. Ninga ho wuli u wubi wono wudahile kumufisa munhu ku wufwe, nane singhutya vyono munojeye mumulombe Mulungu ku so wuwo.

Yuda 1:9

Hamba na Mikayeli Malayika u muwaha, si yanoza zono zinha zizo. Na muwiwanganile wawo u mwene na Setani lono wewanganilaga zo muwili wa Musa, Mikayeli si yejelela ho yamuhose Setani na nhovu, langa yamanya kutya du, “U Muwaha mweneco yakukalipilaje.”

Wugubule 20:14

Hanyuma ilifwa hamonga ne yinze ye wafu, vikatagwa mwilamba lyo moto. Ne lilamba lilino lyo moto, lyo lifwa lye kejete.