Matayo 5:20 - I CILAGANE CIPYA 1991

²⁰ Holeka nghumulonjelenyi nghutya, u wuswanu wenyu, hono wulece kuciza awulya we Wafalisayo ne wejizi wo Wulajilize, nanye si mwokwinjilila lukulu mu wutemi wa ku wulanga.

Luganuzi Luswanu Kuli Wanhu Wose 2002

²⁰ Holeka nghumulonjelenyi nghutya, u wuswanu wenyu, hono wulece kuciza awulya we Wafalisayo ne wejizi wo Wulajilize, nanye si mokwinjilila lukulu mu wutemi wa ku wulanga.”

Matayo 5:20 ပူးပေါင်းရင်းမြစ်များ

Matayo 16:12

Alu baho nhondo, iwejizwa wakwe ho wakamanya, vyono yali kuwalonjela wasuguce, si ku cisase co mukate, langa kumbe, wasuguce kuli i mejizo ge Wafalisayo na ge Wasadukayo.

Matayo 18:5

Na muli wose mono yakumubocela u mwana yumonga nha vyono yenha yuyu mwitagwa lyangu, yuyo yakumbocela nene.

Matayo 3:10

Hambi inhemo nha yikondizye kuwikanizwa so wutemanga imilela yo mubici, holeka u mubici wo wose wono si wulelaga mikalo miswanu, ale, wodumulwa no kutagwa mu moto.

Matayo 7:21

“Si munhu wo wose mono yakunyitya, ‘Muwaha, Muwaha,’ yo kokwinjila mu wutemi wo Mulungu, langa yuyo du mono yakwituma u wuhile wo Sogo yangu mono yali ku wulanga.

Maluko 10:15

Nane nghumulonjelenyi mbeka, vyono munhu wo wose mono siyakuwubocela u Wutemi wo Mulungu kotya mwana mudodo, hamba sikokwinjila mu wutemi wuwo ngʼo.”

Maluko 10:25

Ninga kupelu kuli ngamiya kuwinjila mu cilanga co lusingʼani, si nha u munhu mugoli kuwinjila mu Wutemi wo Mulungu.”

Luka 11:44

Woyi he nye! Hambi nha mwinha vitenjelo vyono si vijelaga, ne wanhu wono wakuvikanyaga si wamanyile.”

Luka 12:1

Baho lono wanhu maelufu menji wali wetangʼanila, sunga wakawa kwikanyanjila, Yesu yakamula kuwalonjela wejizwa wakwe, “Musuje kuli cisase ce Wafalisayo wo wukoci.

Luka 18:17

Mbeka nghumutyenyi, muli wose mono si kowubocela wutemi wo Mulungu nho mwana mudodo, si kokwinjila mumo ngʼo.”

2 Wakolinto 3:9

Holeka hono hawe hali howuli lukumyo mu witumami wuwo wono waleta i ningʼaniza, ale, yili calinze muno, vyono u witumami wulya wono wukuleta u wuvumilwe hali Mulungu, wowa no lukumyo lono lucilile muno muno.

2 Wakolinto 5:17

No munhu wo wose hono vilunze na Kilisito, yakuwa ciwumbwa cipya, i ze katali zapuluta, alu zaweza mhya.

Wafilipi 3:9

no kwilunziza nayo lukulu. Alu ane si nghuwusacila lukulu kanyhi u wilingʼano wa mu wuhulika u wulajilize, hambi alu nha nawutuga u wilingʼano wono wukwijelela mu nzila yo kumwihuwila Kilisito, u wilingʼano wono wukulawa kuli Mulungu, wono wukuziza mu wihuwilo.

Wahebelaniya 12:14

Muweze no wuhile wo kuwa na mulamu ne wanhu wose. Mwikalaje mu mikalile yono yelile, ku soko vyono hasina u munhu mono kosuma kumuwona u Muwaha hono yawe yayisina mikalile yono yinha yiyo.

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjlia mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.