Matayo 5:12 - I CILAGANE CIPYA 1991

¹² Musecelele, kanyhi muwe musangalaye, hambi nha mwina wuhumbilizwe wenyu wuwaha ku wulanga. Hambi nha vivyo nha vyo wanhu wawagaza i wawizi wono wamulongolelenyi.

Luganuzi Luswanu Kuli Wanhu Wose 2002

¹² Musecelele, kanyhi muwe musangalaye, hambi nha mwina wuhumbilizwe wenyu wuwaha ku wulanga. Hambi nha vivyo nha vyo wanhu wawagaza i wawizi wono wamulongolelenyi.

Matayo 5:12 ပူးပေါင်းရင်းမြစ်များ

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

Matayo 6:16

“Na lono mukuleka kulya, mulece kusininghala ha wusu nhe wanhu wakoci. Hambi iwene nha wasininghalaga ha wusu, ho wejele hali wanhu vyono walecile kulya. Nghumulonjelenyi mbeka, vyono wawo, wakondya kucituga icihumbilizwa cawo.

Luka 13:34

“Yelusalemi! Gwe Yelusalemi! Kuwawulagaga wawizi, no kuwatowa na mabwe wono wakutumwa kuliʼgwe! Kalinga nali kuhila kuwakongholela wanago hamonga, nha vyono nghuku yikunyanjilaga viziyoziyo vyayo mu mabawa gayo, ninga walemaga?

Luka 6:23

Mucidaha cico zilakwijela zizo, nhondo muze musecelele mwizuwa lilyo so nyemo. Hambi wuhumbilizwe wenyu nha wuwaha ku wulanga. Hambi wasogo zawo nha vyo wawatendela i wawizi.”

Luka 6:35

Vyo si yinha, ninga muwendaje walugu wenyu, muwatendelaje viswanu, mweze kuwakopesa, kuno si mukulanjilila kugomolelwa. No wuhumbilizwe wenyu wowa wuwaha, nanye mowa wana wo Mulungu Mono Yalawiliciye Muli Vyose: hambi mwene nha muswanu kuli wono wasina ilumbo na kuli wabi.

Metumo ge Watumwa 16:25

Ninga mu cilo mugati, Pawulo na Sila walombaga no kumwimbila u Mulungu nyimbo, zo kumukumyo Mulungu, kuno wawopwa wayawo wawahulicize.

Metumo ge Watumwa 5:41

Watumwa wakalawila hanze ye libalaza wasangalaye, vyono wejela wanojeye kukozwa cevu ku soko ye litagwa lya Yesu.

Walumi 5:3

Kanyhi si nhavivyo du, ninga cikusangalala nha vivyo sunga na mumagayo, akuno cimanyile vyono imagayo galetaga wukangalile,

1 Wakolinto 3:8

Ayulya mono yayihadika, na ayulya mono yayimwajilile malenga, wose wawo wali sawa du, hamba wawe wolobocela i cihumbilizwa munhu na lwakwe mu nghango yo wuhidimbale wo witume wawo weneco.

2 Wakolinto 4:17

Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nha vivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

Wafilipi 1:29

Hambi anye nha mwapegwa cipegwa co kumwitumamila Kilisito, si so kumwihuwila du, langa na so kugazwa ku soko yakwe nha vivilya.

Wafilipi 2:17

Ninga hamba ndavywe hamonga no wihuwilo wenyu wono lye kumbiko kuli Mulungu, hodu nosecelela muno kanyhi nosangalalana na nyenye wose mu nyemo yiyo.

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

Wakolosayi 3:24

Akuno mukumanya vyono u Mulungu kolomupelenyi i mafungu go wuhazi gono yawawiciye i wanhu wakwe. Mumwitumamilaje Kilisito u Muwaha!

1 Watesalonike 2:15

wono wamuwulaga u Muwaha Yesu ne wawizi, wakacigaza sunga na sese nha vivyo. Iwanhu wono si wakumwendeza u Mulungu, kanyhi wali sili ne wanhu wose.

Wahebelaniya 10:34

Mwahangana u wugazwe ne wafungwa, na lono mwabokagwa zisawo zenyu, mwakangalila na nyemo, hambi nha mwali mumanyile vyono mwina sawo yono swanu muno muno kanyhi yono yikalaga cibitilila.

Wahebelaniya 11:26

Yakamanya vyono kuwutuga magazo ku soko ya Kilisito ko cili cambuzi ciwaha muno muno, si nho u wugoli wose wa mu Misili, hambi nha yali yalanjiliye u wuhumbilizwe wa hanyuma.

Wahebelaniya 11:33

So wihuwilo wawa wose wehoma ne watemi, wakasuma. Wetuma zo wilingʼano, nawo wakabocela zono yehuwiza u Mulungu. Wadinda i milomo ye masimba,

Wahebelaniya 11:6

Holeka si yosumika kumwendeza u Mulungu hono hasina wihuwilo. Vyono u munhu wo wose mono yakusaka kumwendeza u Mulungu, yimunojeye yehuwile vyono u Mulungu yali baho, na kanyhi vyono u Mwene kawakamisaga wose wono wakumulondola.

Yakobo 1:2

Wandugu zangu, muweze na nyemo kolo mukuzizwa ne majelo ganji ganji,

Yakobo 5:10

Wandugu zangu, hono muwe mukusaka kuwona musambo we ngola no wukangalile muli magazo, mwihwesaje ze wawizi wono waganulaga mwitagwa lyo Muwaha.

1 Petelo 4:13

Langa musangalale vyono mukuhanga imagazo ga Kilisito, ho musume kuwa na nyemo mbaha muno muno mwidaha lono ulukumyo lwakwe lukugubulwa.