Matayo 5:11 - I CILAGANE CIPYA 1991

¹¹ “Muli wamoti nyenye, kolo wanhu wakumulijenyi, no kumugazenyi, no kumusulenyi, kanyhi no kumulonjenyi makani mabi ku soko vyono muli watyatyi wangu.

Luganuzi Luswanu Kuli Wanhu Wose 2002

¹¹ “Muli wamoti nyenye, kolo wanhu wakumulijenyi, no kumugazenyi, no kumuvilenyi, kanyhi no kumulonjenyi makani mabi ku soko vyono muli watyatyi wangu.

Matayo 5:11 ပူးပေါင်းရင်းမြစ်များ

Matayo 10:18

Kanyhi motegulwa kuli wawaha ne watemi, kusoko yangu, ho musume kuluganula u Luganuzi Luswanu kuli wene na kuli makungugo.

Matayo 10:22

Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

Matayo 10:25

Ninga yakwiliye kuli mwijizwa yawe nho mwijizi wakwe, no mwitumami nayo yawe nho muwaha wakwe. Alu hono wakumucema Belizebuli u mulongola we mhuga, wowacemela matagwa i mabi muno muno iwanhu wanji wa mu mhuga yiyo.”

Matayo 10:39

Nayo mono yakuwibatiliza u wumi wakwe, yo kowajiliza, langa mono yakuwajiliza u wumi wakwe ku soko yangu, yuyo langa kowutuga.

Matayo 19:29

Na muli wose mono yalecile nyumba yakwe, hamba wawahaze, hamba walumbuze, hamba u sogwe, hamba u nyina, hamba wanagwe, hamba migunda ku soko yangu, nayo kobocela kali igana na kuciza, na hanyuma kowutuga u wumi we cibitilila.

Matayo 24:9

“Kanyhi nawo wolomulavyenyi ho mutamiswe no kuwulagwa. Ne makungugo gose kono galila, golomusulenyi anye, ku soko ye litagwa lyangu.

Matayo 27:39

Ne wanhu wono wapulutaga baho, wakawa wakuzugunza i mitwe yawo, akuno wakutya,

Maluko 13:13

Ne wanhu wose wolomusulenyiʼnye, ku soko ye litagwa lyangu. Ninga mono kolokangalila sunga ko ku ndumo, ale, yuyo yo kolopona.

Maluko 13:9

“Ninga nye musuguce. Hambi iwanhu nha wolomutegulenyi kuli mahakama, no kumutowenyi mu matangʼanilo go wuhembelo. Molotegulwa ha mwande ye walongola ne watemi ku soko yangu, ho muhomelele kuli wene.

Maluko 4:17

Ninga siyikuwenjila no kuwa na milela muli wene, nawo wakujendelela kuyibata inghani yiyo cidaha cidodo du, na kolo wukwijela wugaye, hamba wuwinjilizwe so nghani yiyo, hodu wakutukuwike i mitima yawo, no kuyileka kamonga.

Maluko 8:35

Hambi munhu mono yakuhila kuwuponya wumi wakwe mweneco, nha kowajiliza, langa munhu mono kowajiliza u wumi wakwe, ku soko yangu na ku soko yo Luganuzi Luswanu, yuyo, langa kowuponya u wumi wakwe.

Luka 21:12

Ninga lono zikali si nawa zizi zose, womwibatenyi, no kumutegulenyi mu matangʼanilo go wuhembelo, no kumudindilenyi mu zijela, motegulwa hali watemi ne walongola, ku soko ye litagwa lyangu.

Luka 21:17

Ne wanhu wose womusulenyi ku soko ye litagwa lyangu.

Luka 6:22

“Muli wamoti nye, kolo wanhu wakumusulenyi, na kolo wakumusiwanulenyi, no kumulijenyi, no kuliviza litagwa lyenyu nha wetuma vibi, ku soko yo Mwana wo Munhu.

Luka 9:24

Hambi muli wose mono yakuhila kuyiponya nhumbula yakwe, yuyo yo koyajiliza; ninga muli wose mono koyajiliza nhumbula yakwe ku soko yangu, yuyo yo koyiponya.

Yohana 15:21

Womutendelenyi zizi zose ku soko ye litagwa lyangu, vyono si wamumanyile mono yanhuma.

Yohana 9:28

Ninga wene wakamutovula wakatya, “Agwe yo gwegwe mwijizwa wakwe, ase langa cili wejizwa wa Musa.

Metumo ge Watumwa 9:16

Nane no mweneco, nomulajila zi nyinji zono zimunojeye yagazwe ku soko ye litagwa lyangu.”

Walumi 8:36

Nha vyono i Mandiko Gono Gelile gakulonga gakutya, “Ku soko yako, cidomile ne lifwa cilo ne misi Cikutendelwa nhe zingholo zo kuwulagwa.”

1 Wakolinto 4:10

Ase cili walele ku soko ya Kilisito, ninga anye muli we mahala ku soko yo wilunze na Kilisito! Ase cisoceye, ninga anye muli vilungo. Anye mukupegwa lilumbo, ninga ase cikubedegalwa.

2 Wakolinto 4:11

Heya, vyono mu mikalile yetu yose, cili mu mbali ye lifwa ku soko ya Kilisito, u wumi wakwe Yesu ho wanzalikwe mu muwili wetu wuwu wono wukufwa.

Wafilipi 1:29

Hambi anye nha mwapegwa cipegwa co kumwitumamila Kilisito, si so kumwihuwila du, langa na so kugazwa ku soko yakwe nha vivilya.

1 Petelo 2:23

Na lono wamuligaga, yaza kuligwa mwene siyawapitula neʼligo, nha lono yagazizwa, mwene siyapinjicila langa yamuwicila u Mulungu u witumbilo wakwe wose, u mulingʼanizi we lingʼani.

1 Petelo 4:14

Hambi nha muli wamoti, hono muliʼgwe ku soko ye litagwa lya Kilisito, ne nghani yiyo, yikulajila vyono Muhe Mono Yelile, yuyo Muhe wo Mulungu kekalaga muliʼnye.

Wugubule 2:3

Agwe wuli ngola, kanyhi wakangalila mu wugaye winji muno, ku soko ye litagwa lyangu, hamba kukatala yaye.