Matayo 4:24 - I CILAGANE CIPYA 1991

²⁴ Ne zinghani zakwe zikamanyika mu yisi yose ya Suliya. Ne watamwa wose wono wali na wugazice wo wose, kotya, wono wali wena macisi mavu, wono wena lukwale, wanhu we vilema, wose wawo wategulwa kwakwe, nayo yakawaponya wose.

Luganuzi Luswanu Kuli Wanhu Wose 2002

²⁴ Ne zinghani zakwe zikamanyika mu yisi yose ya Siliya. Ne watamwa wose wono wali na wugazice wo wose, kotya, wono wali wena macisi mavu, wono wena lukwale, wanhu we vilema, wose wawo wategulwa kuli mwene, nayo yakawaponya wose.

Matayo 4:24 ပူးပေါင်းရင်းမြစ်များ

Matayo 12:22

Baho i wanhu wakamuletela u munhu yunji mono yali yali cibofu kanyhi yali cibwibwi, ku soko vyono yali yebatwe ne licisi. Yesu yakawa kumuponya, nayo yakasuma kulonga no kuwona kanyhi.

Matayo 14:1

Na mwipango lilyo, u Mutemi Helode, yakawa yazihulika za Yesu.

Matayo 15:22

Baho, u mucekulu yunji we Cikanani wa mu yisi yiyo, yakamuziza, akuno yakuzoza yakutya, “Gwe Muwaha go Mwana wa Dawudi, wumbonelaje lusungu! U mwanangu we cicekulu yakugazwa ne licisi.”

Matayo 17:15

yakatya, “Gwe Muwaha, wumuwonelaje lusungu mwanangu, hambi nha yena cinzilisa, kanyhi yakugazika muno, na kali kenji mwene kagwizaga mu moto na mu malenga.

Matayo 17:18

Waza kumuleta, Yesu yakalitacila lilyo licisi, nalyo likawa kuwuka, no mwana yuyo, yakapona mwidaha lilyo du.

Matayo 4:23

Yesu yapilimaga mose mu yisi ya Galilaya, yakwijiza mu matangʼanilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Matayo 8:28

Yesu yakafika ku nhumbi nzagwe ye lilenga mu yisi ya Wagelaseno, yaketangʼanila kuko na wanhu wejete wono wali wena macisi, wakulawilila ku vitenjelo. Nawo wali wanhu wa kogofya muno muno, hamba hasina munhu wo wose mono yejelelaga kukolela mu nzila yiyo.

Matayo 8:33

Iwadimi we zingubi zizo, wakatiziza ku kaya. Nawo wakazilonga zose na zono zawejelela awalya iwanhu wono wali wena macisi.

Matayo 8:6

yakutya, “Gwe Muwaha u mwitumami wangu yagonile mu kaya, yena wutamwa wo wunyenyanjice, nayo mutamwa muno muno.”

Matayo 9:26

Ne nghani yiyo yikakumuka mu yisi yiyilya yose.

Matayo 9:35

Nayo Yesu yakagajendela i makaya gose ne vitumbi, yakawa kwijiza mu matangʼanilo gawo go wuhembelo akuno yakuluganula u Luganuzi Luswanu lo Wutemi wo Mulungu, hamonga no kuponya imatamwa gose go wusocele we mawala gose.

Maluko 1:28

I zinghani za Yesu zikatandala mbelambela hanhu hose, mu yisi ya Galilaya.

Maluko 1:32

Icinyamihe, lono lizuwa lyali lyagwililicila, i wanhu wakamuletela Yesu iwa tarn wa wose, ne wanhu wono wali wena macisi mavu.

Maluko 2:3

lono munhu yunji mono yali yadejepe, yakaletwa kuli mwene yadinghuywe na wanhu wane.

Maluko 2:4

Ku soko yo winji we wanhu, siwasuma kumutegula behi na Yesu. Holeka wakapula mwitembe hono hali hoyali Yesu. Wali waza kondya kutuga hanhu ho kumukozeza, hodu wakamutimya munhu yuyo mono yali yagonile mu citanda.

Maluko 2:9

Alu yahayi imhelu muno, yo kumutya u munhu yuyu mono yadejepe ‘Kunenelwa wubi wako,’ hamba yokumutya, ‘Winuce, witwice citanda cako wubite’?

Luka 2:2

Lulo lo lwandiko lulongozi lono lwandikwa lono Kuleniyo yali yatemile Suliya.

Luka 4:14

Baho Yesu yakawuya ku Galilaya kuno yamemile vilungo vyo Muhe Mono Yelile. Ne zinghani zakwe zikatandala mu yisi yose yono yipilime.

Luka 4:38

Yesu yakawuka mu nhangʼanilo yiyo yo wuhembelo, yakenjila mu nyumba ya Simoni, u mukwewe we cicekulu wa Simoni, yali yebatwe na mhungo mbaha, wakamulomba yamuponye,

Luka 5:15

Ninga zinghani za Yesu zikacila kumanyika hanhu hose. Na wanhu wenji wakekonghola ho wamuhulicize, no kuponywa wutamwa wawo.

Luka 5:24

Ninga nyendile mumanye vyono u Mwana wo Munhu yena Wulajilize kononze kunenela wubi. Baho yakamutya munhu mono yali yadejepe, “Winuce, udinghule citanda cako ubite kukaya.”

Luka 7:17

Ne nghani yakwe yiyi yikamanyika mu Wuyahudi mose, na mu yisi yose yono yipilime.

Yohana 10:21

Wanji wakatya, “I milonjele ayi, si ya munhu mono yena lukwale, hambi i licisi lyosuma kunuguza meso ge wabofu?”

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Metumo ge Watumwa 15:23

Wakawapela baluwa ayi, “Sese iwatumwa ne wanyamhala, wandugu zenyu, cikumulamusenyi anye mo wandugu we makungugo ganji, wono muli kuko ku Antiyokiya, Siliya, na Kilikiya.

Metumo ge Watumwa 15:41

Mu muhinzo wuwo, yakakolela ku Siliya na Kilikiya yakuzisinyhimika zikanisa.

Metumo ge Watumwa 28:9

Zaza kondya zizi, wanji we zinhamwa wa mumo mwizingwa, nawo wakaza wakaponywa.

Metumo ge Watumwa 8:7

Hambi nha wenji wono wali wena macisi mavu, gawukaga akuno wakuzoza ne mazi mawaha. Na wenji wono wali wadejepe imiwili yawo na we vilema, wakaponywa.