Matayo 3:6 - I CILAGANE CIPYA 1991

⁶ wakawuvumila u wubi wawo, nayo Yohana yakawabaputiza mwikolongo lya Yoludani.

Luganuzi Luswanu Kuli Wanhu Wose 2002

⁶ wakawuvumila u wubi wawo, nayo Yohana yakawabaputiza mwi'kolongo lya Yoludani.

Matayo 3:6 ပူးပေါင်းရင်းမြစ်များ

Matayo 3:11

Ane nghumubaputizenyi mu malenga, kulajila nha vyono mwanena. Ninga ayulya mono yakuza mu nyuma yangu, yo we vilungo yanyhizize na nene. Hamba ane si nghwiliye kuwudinghula ne malatu gakwe. U Mwene ko mubaputizenyi ko Muhe Mono Yelile no ko moto.

Maluko 1:5

I wanhu kulawa mbavu zose za Yudiya, na wanya Yelusalemi wose wakamuziza Yohana, wakavumila wubi wawo, nayo yakawabaputiziza mwikolongo lya Yoludani.

Luka 1:16

nayo komemywa Muhe Mono Yelile kulawa muʼnda yo nyina.

Luka 3:16

Yohana yapitula yakawatya wose, “Ane nghumubaputizenyi mu malenga, ninga yakuza mono yali vilungo kuciza ane, hamba si nghwiliye kukowolola mikowa ye malatu gakwe, mwene komubaputizenyi mu Muhe Mono Yelile na mu Moto.

Metumo ge Watumwa 1:5

Hambi Yohana nha yabaputizaga mu malenga; ninga anye mu vilo vicefu, mobaputizizwa mu Muhe Mono Yelile.”

Metumo ge Watumwa 11:16

Baho nghayikumbucila nghani yo Muwaha vyono yatya, ‘Yohana yabaputizaga na malenga, ninga anye molobaputizwa mu Muhe Mono Yelile.’

Metumo ge Watumwa 19:18

Na wenji wono wehuwila wakaza, wakavumila cagalanze ze metumo gawo gono wetumaga.

Metumo ge Watumwa 22:16

Nhawule lu wukucela? Winukaje, wubaputizwe wuwusizwe lukulu uwubi wako, kuno wukulicemeleza ilitagwa lyo Muwaha.’

1 Wakolinto 10:2

Na wose wakabaputizizwa mu wumonga na Musa, mwivunde lililya ne lilenga lililya.

Wakolosayi 2:12

Hambi lono mwabaputizizwa, nha mwazikanwa hamonga na Kilisito, na kanyhi mumo mu wubaputizo nha mwazukulanwa hamonga nayo mu nzila yo wihuwilo wenyu mu vilungo vyo Mulungu mono yamuzukula muli wafu.

Wahebelaniya 6:2

i mafundo go wubaputizo, no wuwicilwe we miwoko, wuzuce we wafu no wulingʼanizwe we cibitilila.

Wahebelaniya 9:10

hambi zizi zose zono zili mu zindigwa, no wungʼwe na mu wityatye wunji wunji wo wihovuji. Vyose vivyo go malajilizo ga munze du; ne vilungo vyayo vyoficila ku mudumo wayo kolo u Mulungu yakuvinoza wupya i vinhu vyose.

Yakobo 5:16

Ale, mweze kwiyivumilila mabi genyu, mwilombelaje, ho muponywe. Uwulombe wo munhu we lingʼani wina vilungo vyo kwituma nyinji.

1 Petelo 3:21

I lilenga lyono lyali yo hwani yo wubaputizo wono wukumuponyenyi nyenyeʼlu. Wubaputizo si nghani yo wuwusa makwe mu muwili, langa co cilagane kuli Mulungu cono cinozezagwa mu ciselinji ciswanu. Cikumuponyenyi mu nzila yo wuzuce wa Yesu Kilisito,

1 Yohana 1:9

Langa hono ciwuvumile u wubi wetu, u mwene u Mulungu yo mwihuwilwa, kanyhi yali lingʼani, nayo kocinenela u wubi wetu wose, no kucikwema ne masutya getu gose.