Matayo 28:6 - I CILAGANE CIPYA 1991

⁶ Ninga alu, yali hasina ahano, hambi nha kazuka nha vyono yalonga mweneco. Ale muze muhawone ihanhu hono wali wamuwicile.

Luganuzi Luswanu Kuli Wanhu Wose 2002

⁶ Ninga alu, yali hasina ahano, hambi nha kazuka nha vyono yalonga mweneco. Ale, muze muhawone ihanhu hono wali wamuwicile.

Matayo 28:6 ပူးပေါင်းရင်းမြစ်များ

Matayo 12:40

Nha vyono Yona yakekala munda ye lisomba liwaha vilo vidatu cilo na misi, ale nha vivyo u Mwana wo Munhu nayo, si koleka kwikala vilo vidatu cilo na misi mugati ye yisi.

Matayo 16:21

Na vyono kulawa baho, Yesu yakawa kuwamanyiza cagalanze du i wejizwa wakwe, yakawatya, “Yinojeye ane mbite ku Yelusalemi ho nghatuje wugazwe winji wono wolawilila muli wanyamhala ne Wakohani wawaha, hamonga ne wejizi wo Wulajilize. Nane nowulagwa na mwizuwa lye kadatu, nozukulwa.”

Matayo 17:23

Womuwulaga, ninga mwizuwa lye kadatu, kozukulwa.” Nawo wejizwa wakakalala muno muno.

Matayo 17:9

Nawo lono watimaga wakulawa mwitunda, Yesu yakawakongʼonheza muno, yakutya, “Alu mulece kumulonjela yunji muli zono muziwene sunga kolo u Mwana wo Munhu yakuzukulwa kulawa muli wafu.”

Matayo 20:19

Womukombola kuli wanhu we makungugo ganji ho wamuzwajize no kumukuna viboko, no kutumbikwa, ninga mwizuwa lye kadatu kozukulwa.”

Matayo 27:63

wakamutya, “Gwe muwaha, cikumbuciye vyono ayulya u mukonji yalonga lono yakali mumi vyono ati, ‘Vilaza kupuluta vilo vidatu, nozuka kanyhi.’

Maluko 16:6

Ninga u muzelelo yuyo yakawatya, “Mulece kwizina. Mukumulondola Yesu wa Nazaleti mono yatumbikwa mu musalaba. Kazuka, ahano yali hasina. Lanjenyi ta, hono wali wamuwicile.

Maluko 8:31

Yesu yakanza kuwejiza iwejizwa wakwe, yakutya, “Yimunojeye u Mwana wo Munhu yatuje magazo menji no kulemwa ne wanyamhala, ne wakohani wawaha ne wejizi wo Wulajilize. Kowulagwa na hanyuma ye vilo vidatu, kozuka.”

Luka 24:12

Ninga Petelo yakenuka, yakabita lumangho sunga ku citenjelo. Nayo yaza kusunjilila mugati mu citenjelo, yakawona myenda ye bafuta du yili wene. Yakawuya kwakwe, akuno yakwizina muli zizo zono ziweye.

Luka 24:23

Nawo hamba si wawuwene muwili wakwe, weza kuwuya, wawa kutya, ati wamalayika wawalawila, wono wateye vyono mumi.

Luka 24:44

Yakawatya, “Azi zo nghani zono namulonjelenyi, lono nali nghali hamonga nanye, nha vyono yali yinojeye kuzifisiliza zose, zono nandicilwa mu Wulajilize wa Musa, na mu wawizi, na mu Zabuli.”

Yohana 10:17

“Ku soko yiyo holeka Baba yanyendile, vyono nghuwulavya u wumi wangu, ho niwusole kanyhi.

Yohana 2:19

Yesu yakawapitula yakatya, “Muyimwagulaje Nyumba yiyi yo Mulungu, nane noyizenga mu vilo vidatu.”

Metumo ge Watumwa 2:24

Ninga u Mulungu yamuzukula, yakamuponya mu wusungu we lifwa, ku soko si yali yisumice hamba hadodo lifwa limwibate.