Matayo 27:42 - I CILAGANE CIPYA 1991

⁴² “He! yawaponyaga wanji ninga alu kuwiponya mweneco, hamba si yakusuma yaye! Ati u mwene yo mutemi we Wayahudi! heya, yatime le, mu musalaba, nase ho cimwihuwile.

Luganuzi Luswanu Kuli Wanhu Wose 2002

⁴² “He! Yawaponyaga wanji ninga alu kuwiponya mweneco, hamba si yakusuma yaye! Ati u mwene yo mutemi we Wayahudi! Heya, yatime le, mu musalaba, nase ho cimwihuwile.

Matayo 27:42 ပူးပေါင်းရင်းမြစ်များ

Matayo 2:2

wakawa kuwuza wakutya, “Yalihayi mwana, u Mutemi we Wayahudi mono yaleligwe? Hambi nha ciyiwona i nyelezi yakwe lono yilawiye kulubavu lwa kucilima, alu nase ciza ho cimuhembe.”

Matayo 27:37

Na hacanyha yo mutwe wakwe, wakawika u wusitakwe wakwe wono wali wandicigwe nhavi, “Ayu yo Yesu u Mutemi we Wayahudi.”

Matayo 27:40

“Alu gwe! si watezaga vyono kosuma kuyimwagula i Nyumba yo Mulungu, no kuyizenga kanyhi mu vilo vidatu du? Ale ta, luno wiponyaje go mweneco. Hono agwe wuli Mwana wo Mulungu, ale wutime mu musalaba!”

Matayo 27:41

Nha vivilya sunga i Wakohani wawaha, ne wejizi wo Wulajilize, ne wanyamhala wose wakamuzwajiza wakutya.

Maluko 15:31

Nawo wakohani wawaha hamonga ne wejizi wo Wulajilize, wakamuzwajiza wakutya, “Yawaponyaga wanji, ninga kwiponya mweneco siyakusuma!

Maluko 15:32

Ati mwene yo Kilisito, u Mutemi wa Isilayeli! Ale, lu ta, yatime mu musalaba ho ciwone no kwihuwila.” Sunga ne wanhu wawalya wono watumbikwa mu musalaba hamonga nayo, nawo wakamutovula.

Luka 19:38

wakutya, “Mumoti u Mutemi mono yakuziza mwitagwa lyo Muwaha, Mulamu ku wulanga, no lukumyo lweze kuli Mulungu.”

Luka 23:35

Wanhu wakawa wemile baho wakulanga. Ne wawaha walongola wakamuzwaga, wakutya, “Yaponyaga wanji, alu yeponye mweneco hono yo mweneco Kilisito wo Mulungu, u muhagulwa wakwe.”

Luka 23:37

wakutya, hono yo gwegwe Mutemi we Wayahudi, ale wiponye go mweneco.

Yohana 1:49

Hobaho Nataneli yakamutya, “Mwijizi, yo gwegwe Mwana wo Mulungu, yo gwegwe Mutemi wa Isilayeli.”

Yohana 12:13

ale wakasola i manhambi ge mitende, wakalawila, wakabita kumuhinjliiza, wakazoza wakutya, “U Mulungu yalumbwe! Mumoti mono yakuziza mwitagwa lyo Muwaha. Mumoti mutemi wa Isilayeli.”

Yohana 12:47

Na munhu hono yazihulice zono nghulonga, nayo ho yalece kuzibata, ane singhumulingʼaniza, hambi ane nha si naza ho niwalingʼanize wa mononze, langa niwaponye wa mononze.

Yohana 9:24

Hobaho wakawa kumucema lwe kejete, yuyulya mono yali yali cibofu, wakamutya, “Lonje mbeka hali Mulungu! Ase cimanyile vyono munhu yuyu yena wubi.”

Metumo ge Watumwa 4:14

Nawo waza kumuwona munhu mono yaponywa vimane nawo, wakawa wasina ya kulonga.