Matayo 26:55 - I CILAGANE CIPYA 1991

⁵⁵ Lo lulo lulo, Yesu yakawa kulilonjela ilipuga lye wanhu wono wazaga ho wamwibate, yakawatya, “Alu mwene ho muza kunyibata akuno mwina ne mimaje ne zinhumbi, kotya ane nha nili muhizi? Alu ane, nha nhondo zose nali kuwezaga hamonga nanye mu Nyumba yo Mulungu nghwijiza, nanye kumbe hamba si mwanyibata!

Luganuzi Luswanu Kuli Wanhu Wose 2002

⁵⁵ Lo lulo lulo, Yesu yakawa kulilonjela ilipuga lye wanhu wono wazaga ho wamwibate, yakawatya, “Alu mwene ho muza kunyibata akuno mwina ne mimaje ne zinhumbi, kotya ane nha nili muhizi? Alu ane, nha nhondo zose nali kuwezaga hamonga nanye mu Nyumba yo Mulungu nghwijiza, nanye kumbe hamba si mwanyibata!

Matayo 26:55 ပူးပေါင်းရင်းမြစ်များ

Matayo 21:23

Yesu yakenjila kanyhi mu Nyumba yo Mulungu yakawa yakwijiza mumo, na lono yejizaga, i wakohani wawaha, hamonga ne wanyamhala we wanhu wakamuwuza, wakutya, “Alu mwene, wukwitumila zizi zose mu wulajilize wa hayi? Hamba yo nani mwene mono yakupelile u wulajilize wuwuno?”

Matayo 26:47

Nayo Yesu lono yali yakali kulonga nawo, hobaho nayo Yuda yakawa kuza u muyagwe na awalya we likumi na wejete. Wakaza wanhu wenji wali hamonga nayo, nawo wali wena, ne mimaje ne zinhumbi, wono watumwa kulawa kuli wakohani wawaha ne wanyamhala we wanhu.

Maluko 10:1

Nayo Yesu yakawuka baho, yakabita ku yisi ya Yudiya sunga ko ku nhumbi nzagwe ye likolongo lya Yoludani. Ilipuga lye wanhu likamuziza kanyhi, nayo yakawejiza kanyhi nha vyono yali yazoweye.

Maluko 12:35

Na lono Yesu yejizaga mu Nyumba yo Mulungu, yakawuza yakutya, “Alu nhawule iwejizi wo Wulajilize watezaga vyono Kilisito yo mwana wa Dawudi?

Luka 19:47

Yesu yakawa kwijiza vilo vyose mu Nyumba yo Mulungu. Ninga wakohani wawaha, ne wejizi wo Wulajilize ne walongola we wanhu, wasakaga kumuwulaga,

Luka 20:1

Kukawa izuwa linji, lono yawejizaga wanhu mu Nyumba yo Mulungu, no kuganula Luganuzi Luswanu, Wakohani wawaha ne wejizi wo Wulajilize ne wanyamhala wakamuziza,

Luka 4:20

Yaza kukondya kusoma, yakacigubika icitabu, yakamupela u mwitumami, yakekala, ne meso ga wose wono wali wali mu nhangʼanilo yo wuhembelo gakawa gamulanjile.

Yohana 7:14

Lono sikukuu yali yikali yijendeleye, Yesu nayo yakenjila mu Nyumba yo Mulungu, yakawa kwanza kwijiza.

Yohana 7:28

Holeka Yesu lono yejizaga mu Nyumba yo Mulungu, yakenula lizi lyakwe, yakatya, “Ati, mumanyile hongo, sunga na kono ndawile mukumanyile! Hamba yiwe nha vivyo, ane si neyiziza ko wulajilize wangu no mweneco, ninga u mwene mono yanhuma yo we mbeka, nanye si mumumanyile.

Yohana 8:2

Waza kwela hakali mitondo, yakaza kanyhi mu Nyumba yo Mulungu. Wanhu wose wakamuziza, nayo Yesu yakekala yakawa kuwejiza.

Yohana 8:20

Yesu yazilonga zinghani zizi lono yejizaga mu Nyumba yo Mulungu, lono yali mu cinyumba cono cali wuwiko we cisanduku ce vilavya. Hamba munhu si yamwibata, hambi i cidaha cakwe nha cali cikali si cinafika.