Matayo 26:42 - I CILAGANE CIPYA 1991

⁴² Yakabita kanyhi lwe kejete yakalomba yakutya, “Baba hono yiwe si yisumice icikombe cicino co wusungu cimhulute ndece kucigʼwa, ale, hodu, u wuhile wako witumwe.”

Luganuzi Luswanu Kuli Wanhu Wose 2002

⁴² Yakabita kanyhi lwe kejete, yakalomba yakutya, “Baba, hono yiwe si yisumice icikombe cicino co wusungu cimhulute ndece kucig'wa, ale, hodu, u wuhile wako witumwe.”

Matayo 26:42 ပူးပေါင်းရင်းမြစ်များ

Matayo 20:22

Yesu yakapitula, yakatya, “Anye si mucimanyile cono mukulomba yaye. Alu mosuma kucingʼwela icikombe ce magazo cono nocingʼwela nene?” Nawo wakamupitula wakatya, “Heya cosuma.”

Matayo 26:39

Hanyuma yakatela tela hamwande hadodo, yakagwa funama, yakalomba, yakutya, “Gwe Baba, hono yiwe yisumice, ale icikombe cicino co wusungu cimhulutaje, ninga yilece kuwa nha vyono nyendile nene ngʼo, langa yiwe nha vyono wendile du gwegwe.”

Matayo 26:43

Yakawabitila iwejizwa wakwe, yakawagana kanyhi wagona, hambi i meso gawo nha gali gebatwe na nhongo.

Matayo 6:10

U wutemi wako wuze yono wukuhila yitumwe kononze nha vyono ku wulanga.

Maluko 14:36

Yakatya, “Gwe Baba, kuligwe zose nha zisumice. Ale wumbusizaje icikombe cicino ce magazo. Ninga si vyono nyendile nene, langa yiwe nha vyono wendile gwegwe.”

Luka 22:42

“Baba, hono wende, umbusize cikombe cici co Wusungu, ninga si wuhile wangu, langa wuhile wako witumwe.” [

Yohana 6:38

Hambi nha natima kulawa ku wulanga, si vyono nitume wuhile wangu, langa ho fisilize u wuhile wa mono yanhuma.

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.