Matayo 26:3 - I CILAGANE CIPYA 1991

³ Na mwipango lilyo i Wakohani wawaha hamonga ne wanyamhala we wanhu, waketangʼanila hamonga mwikumbo lya Kayafa, Mukohani Muwaha.

Luganuzi Luswanu Kuli Wanhu Wose 2002

³ Na mwi'pango lilyo i Wakohani wawaha hamonga ne wanyamhala we wanhu, waketang'anila hamonga mwi'kumbo lya Kayafa, Mukohani Muwaha.

Matayo 26:3 ပူးပေါင်းရင်းမြစ်များ

Matayo 26:69

Nayo Petelo yali yekaye hadeha mwikumbo. Hobaho u mwitumami yunji we cicekulu, yakamubitila, yakamutya, “Agwe nagwe wali wuli hamonga na Yesu wa ku Galilaya.”

Matayo 27:27

Hanyuma iwasilikale wo muwaha we yisi, wakamwinjiza Yesu mwikulu, wakamwikongholela ciwumbi cose.

Maluko 14:54

Nayo Petelo yali yamutyatyizye Yesu, akuno yakujendela kutali, Petelo yakenjila mwikumbo lyo Mukohani Muwaha, yakekala hamonga ne walindilizi, yakawa yakota moto.

Maluko 14:66

Na lono Petelo yali yakali he kumbo, yunji wa muli wetumami we cicekulu wo Mukohani Muwaha yakaza.

Maluko 15:16

Ale iwasilikale wakamutegula Yesu ku gati, kwikumbo lye likulu, wakekonghola i liwumbi lyose lye wasilikale.

Luka 22:55

No moto wali mupembwe haciligati ye likumbo lya kunze, nawo wakekala hamonga, na Petelo yakekala mu ciligati yawo.

Luka 3:2

na Anasi na Kayafa wali wo Wukohani wuwaha. Mu cipango cico, i nghani yo Mulungu yikamuziza Yohana u mwana we cilume wa Zakaliya ku nyika.

Yohana 11:57

Iwakohani wawaha hamonga ne Wafalisayo, wali walajilize vyono, hono munhu yawe yamanyile Yesu hono hoyuli, ale yawalonjelaje, ho wamwibate.

Yohana 18:24

Baho, Anasi yakamutegula Yesu muwope kuli Kayafa Mukohani muwaha.

Yohana 18:28

Ale waza kwela hakali mitondo muno muno, wakamusola Yesu kulawa kwa Kayafa, wakamutegula kwikulu. Ninga wene i walongola we Wayahudi, vyono wahilaga kuyilya Pasaka, si wenjila mwikulu mugati, ho walece kwitipiza.