Matayo 26:24 - I CILAGANE CIPYA 1991

²⁴ Heya u Mwana wo Munhu yakubita, nha vyono i Mandiko Gono Gelile gakulonga, ninga woyi he, kuli munhu yuyo yali yiwe yili ciba hono yali yalece kulelwa.”

Luganuzi Luswanu Kuli Wanhu Wose 2002

²⁴ Heya u Mwana wo Munhu yakubita, nha vyono i Mandiko Gono Gelile gakulonga, ninga woyi he, kuli munhu yuyo, yali yiwe yili ciba hono yali yalece kulelwa.”

Matayo 26:24 ပူးပေါင်းရင်းမြစ်များ

Matayo 18:7

Woyi he, kuli wenze ku soko ye mewajizo gono gakuwagwisa wanji. Imewajizo gago, heya ganojeye gawe gali baho, ninga woyi he kuli munhu yuyo mono yakugaleta.

Matayo 26:31

Hanyuma Yesu yakawatya, “Icilo cici ce zuwalili, anye wose motiza mondeka nili wene, hambi i Mandiko Gono Gelile nha gakutya, ‘Nomutowa u mudimi, Nazo izingholo zokwiyagala.’

Matayo 26:54

Ninga alu, ho goficilicila nhawule i Mandiko Gono Gelile, gono gakutya, nha vivyo vyo yinojeye yiwe?”

Matayo 26:56

Ninga azi zose ziwa nha vivi, ho i Mandiko ge wawizi gaficilicile.” Hanyuma iwejizwa wakwe wose wakamuleka wakatiza.

Maluko 14:21

Mbeka u Mwana wo Munhu nha kofwa nha vyono i Mandiko Gono Gelile gakulonga zomwene, ninga, woyi he, kuli munhu yuyo mono yakumugaluka Mwana wo Munhu! Yali yiwe yili ciba kuli munhu yuyo, yalece kulelwa!”

Maluko 9:12

Nayo yakawatya, “Heya, Eliya kokwamula kuza kuviwikaniza vyose. Ninga hamba nha vivyo, nhawule, lu, yandicigwe mu Mandiko Gono Gelile, vyono u Mwana wo Munhu kotuga magazo menji no kobedegalwa?

Luka 22:22

Heya mbeka, u Mwana wo Munhu yakubita kuwulagwa nha vyono yatemezezwa, ninga woyi he kuli munhu yuyo mono komugaluka.”

Luka 24:46

Yakawatya, “Vyo yandikwa, vyono yimunojeye Kilisito yatamiswe, na mwizuwa lye kadatu yimunojeye yazuce muli wafu.

Yohana 17:12

Lono nali nina nawo, nawakamisiza mwitagwa lyako lyono wamhela, ane nawacitila, hamba yunji muyawo si yajilila, langa u mwana wo wajilile, imandiko ho gafisilizwe.

Yohana 19:24

Holeka wakeyitya, “Cilece kuyidemula, langa ciyitowelaje kula, ho yejele mono koyisola.” Ne nghani yiyo yikanozwa nha vivyo, ho gafisilizwe mandiko gono gakutya, “Wakegawila myenda yangu Ne kanzo yangu wakayitowela kula.” Ale, nha vivyo, vyo wanoza wasilikale wawo.

Yohana 19:28

Hanyuma Yesu, vyono yali yamanyile vyono zose zamalika, imandiko ho gafisilizwe, yakatya, “Nakaluka.”

Metumo ge Watumwa 2:23

na mu wutemezwe no wumanye we katali wo Mulungu, yali yakondya kudumula nghani, vyono Yesu kowikwa mu miwoko yenyu, nanye mukamuwulaga mu nzila yo kuwalecela iwanhu wabi, wamutumbice mu musalaba

Metumo ge Watumwa 28:23

Hodu wakawa kupanga nayo lizuwa lyo kwitangʼanila, na wenji muno wakamubitila ku nyumba yakwe yono yekalaga. Nayo Pawulo ku wulawa hakali mitondo sunga lyoswa, yakawa yakuwasimuliziza no kuwaloloseza zo Wutemi wo Mulungu, yakajela muno kuwakwega ho walumbe izinghani za Yesu, yakwitumamila Wulajilize wa Musa ne mandiko ge wawizi.

Metumo ge Watumwa 4:28

Heya, wetangʼanila ho wanoze zizilya, zono wetemezezya no kuziwikaniza kwe vilungo vyako, na ko wendo wako, kuwulawa mwamulizo.

1 Wakolinto 15:3

Nane nghamupelenyi anye zinghani zi mbaha muno muno zono nazibocela nene no mweneco, nha vyono, Kilisito yafwa so wubi wetu, nha vyono gakutya i Mandiko Gono Gelile,