Matayo 24:7 - I CILAGANE CIPYA 1991

⁷ Likungugo lyokwihoma ne likungugo liyagwe, no wutemi nawo wokwihoma no wutemi wuyagwe. Ne mazala nago gokuza ako na ako, sunga ne matulo ge yisi nago gokuza.

Luganuzi Luswanu Kuli Wanhu Wose 2002

⁷ Likungugo lyokwihoma ne likungugo liyagwe, no wutemi nawo wokwihoma no wutemi wuyagwe. Ne mazala nago gokuza ako na ako, sunga ne matulo ge yisi nago gokuza.

Matayo 24:7 ပူးပေါင်းရင်းမြစ်များ

Luka 21:11

golowa matulo mawaha hanhu hose, kanyhi kolowa na nzala mbaha, ne matamwa go kwileceza. Kolowa ne vinhu vijenzi vya kogofya, ne vitanjilo viwaha vya ku wulanga.

Metumo ge Watumwa 11:28

Yakema muyawo yumonga litagwa lyakwe Agabo, na kwe vilungo vyo Muhe, yakalajila vyono yolowa nzala mbaha kononze kose. (Ne nzala yiyo yikawa mu vilo vyo mutemi Kilawudiyo.)

Metumo ge Watumwa 2:19

Kanyhi nololajila imezino ku wulanga kucanyha, Ne vitanjilo kononze hono hasi, kolowa na sakami, no moto ne nghungulyosi yizito.

Wahebelaniya 12:27

I nghani yiyi kanyhi yikucilajila vyono i vinhu vyose vyono vyawumbwa vyosinjiswa no kuwuswa, ho visigale avilya vyono si vikusinjiswa.

Wugubule 6:12

Nane nghawona lono Mwana we ngholo yakabena cinamatizo co mutandatu, kukawa neʼtulo yiwaha lye yisi, ne lizuwa likatukuwala nhe mwenda ititu no mwezi nawo, wukadunghuwala nha sakami.

Wugubule 6:5

Hanyuma kanyhi u Mwana we ngholo yakacinamatula cinamatizo ce kadatu. Nane nghahulika ci cilya ciwumbwa cumi ce kadatu cikutya, “Wuze!” Nane nghalanga baho nghawona kanyhi fwalasi yinji nhitu. Na mono yali yali mucanyha yayo, yali yena mu muwoko wakwe vipimilo vyejete vyo kupimila wuzito.

Wugubule 6:6

Nghahulika cinhu cinji kotya nha yizi lyono likulawilila kuli vi vilya viwumbwa vine vyumi. Nalyo lizi lilyo likatya, “Cibaba cimonga ca wusaje wa ngano, cogulwa dinali monga, na vibaba vidatu vya sayili, navyo vyogulwa dinali monga nha vivyo. Ninga wulanjilile, wulece kuhodanga mafuta hamba divayi!”

Wugubule 6:8

Nane nghalanga, nghawona baho fwalasi yinji ye liwala lye silu. Ne litagwa lyo mono yali yali mucanyha yayo, yacemagwa Wufwe na Ahela vityatizye nayo. Ale, wawo wakapegwa vilungo mwipinga limonga lye lipinga lye yinze ho wawawulaje wanhu ko mumaje, ne nzala, ne lihuhuji, na kwe malimu makali ga mononze.