Matayo 24:14 - I CILAGANE CIPYA 1991

¹⁴ Ninga i yinze yose yoganulilwa u Luganuzi Luswanu lo Wutemi wo Mulungu mu makungugo gose lono i ndumo yikali si naza, ho wuwe wuhomelezi kuli wene.

Luganuzi Luswanu Kuli Wanhu Wose 2002

¹⁴ Ninga i yinze yose, yoganulilwa u Luganuzi Luswanu lo Wutemi wo Mulungu mu makungugo gose, lono i ndumo yikali si naza, ho wuwe wuhomelezi kuli wene.”

Matayo 24:14 ပူးပေါင်းရင်းမြစ်များ

Matayo 10:7

Na lono mula mweza kubita, ale mweze kuganula mukutya nhavi, ‘U wutemi wo Mulungu wasejelela.’

Matayo 18:19

Kanyhi nghumulonjelenyi vyono wanhu wejete wa muli nyenye, hono welumbanize baha mononze, so nghani yono wolomba, u Sogo yangu wa ku wulanga, mbeka kowapela inghani yiyi.

Matayo 24:3

Nayo Yesu lono yali yekaye mwitunda lye Mizeyituni, i wejizwa wakwe wakamuziza cinyele, wakamuwuza wakutya, “Ale ta, wucilonjelaje, i zinghani zizi mwene zolowa za nili? U wuze wako nawo, wololajilwa na citanjilo cono cinha wule? Baho ha ndumilizo ye yinze.”

Matayo 24:6

Kanyhi molohulika muli zo wulugu, ne zinonga nonga zo wulugu, ninga anye mulece kwihwelela, hambi zizo, nha zinojeye zize, ninga ndumo yeneco yowa yikali si nawa.

Matayo 4:23

Yesu yapilimaga mose mu yisi ya Galilaya, yakwijiza mu matangʼanilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Matayo 9:35

Nayo Yesu yakagajendela i makaya gose ne vitumbi, yakawa kwijiza mu matangʼanilo gawo go wuhembelo akuno yakuluganula u Luganuzi Luswanu lo Wutemi wo Mulungu, hamonga no kuponya imatamwa gose go wusocele we mawala gose.

Maluko 13:10

Ninga yinojeye u Luganuzi Luswanu lwamule kuganulwa kuli makungugo gose.

Luka 2:1

Mu vilo vivyo lono Yohana yali yalelwa, Kayisali Awugusito, yakalajiliza vyono wanhu wose wono wali hasi yo wutemi wakwe wandikwe.

Luka 24:47

Na kanyhi yinojeye mwitagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.

Luka 4:5

Hanyuma Setani yakamutegula hacanyha, hanhu hono hali henucile, yakamulajila matemi gose ga kononze lwa kamonga. Setani yakamutya,

Metumo ge Watumwa 1:2

sunga mwizuwa alilya lyono yanyasulwa ku wulanga. Na lono yali yakali si nanyaswulwa ku wulanga, yawalajiliza mu Muhe Mono Yelile, wawalya iwatumwa wono yawahagula.

Metumo ge Watumwa 11:28

Yakema muyawo yumonga litagwa lyakwe Agabo, na kwe vilungo vyo Muhe, yakalajila vyono yolowa nzala mbaha kononze kose. (Ne nzala yiyo yikawa mu vilo vyo mutemi Kilawudiyo.)

Metumo ge Watumwa 17:31

Hambi nha yakondya kuwika lizuwa lyono koloyilingʼaniza yinze mu lingʼani, mu nzila ya muli munhu yumonga mono yamuhagula. No Mulungu yawapela wanhu wose wuhomelezi we nghani yiyi, ko kumuzukula munhu yuyo mu wafu!”

Metumo ge Watumwa 17:6

Ninga si wawatuga, holeka wakamukwejenha Yasoni, hamonga na we zindugu wanji, sunga hali wawaha we likaya, akuno wakuzoza wakutya, “Awa wanhu wono wayipituye yinze, naluno waza sunga na bahano.”

Metumo ge Watumwa 19:27

Holeka hoyili mbali, hambi uwukwawi wetu wuwu, nha si woleka kuwa ne tagwa yibi. Hamba si nhavivyo du, ninga nghani yiyi yosuma kuyinoza sunga ne nyumba yo wuhembelo ya Alitemi kuwa nha cinhu cono cisina nhunizo yo yose. Hanyuma ne lilumbo lyakwe yuyo mono Asiya, sunga ne yinze yose wakumuhemba, lyoduma.”

Metumo ge Watumwa 20:25

“Sunga na lulu, ane manyile vyono nyenye wose, mono nakola ako na ako mono mwenyu, nghuganula zo wutemi wo Mulungu. Si molombona wusu wangu kanyhi.

Walumi 10:18

Ninga nghutya, alo si wayihulika inghani yiyo? Mbeka wayihulika, nha vyono gakutya i Mandiko Gono Gelile. “Ilizi lyawo lificile mono yinze yose, Ne zinghani zawo zificile sunga ko ku ndumo ye yinze.”

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

Wakolosayi 1:6

No Luganuzi Luswanu, lukucila kulela mikalo, no kutandala mono yinze mose, nha vyono lwaza kwenyu nyenye, ku wulawa mwizuwa lililya lyono mwahulicila ze lihewa lyo Mulungu no kumanya vyono yili mbeka.

Wahebelaniya 1:6

Ninga u Mulungu lono yamutumila kononze u Mwanagwe mulelwa mulongozi, yatya nhavi, “Ne wamalayika wose wo Mulungu, yiwanojeye wamuhembe.”

Wahebelaniya 2:5

U Mulungu si yawawika Wamalayika ho wawe watemi mu yinze yilya yono cikuyilonga.

Wugubule 14:6

Hanyuma nghamuwona kanyhi malayika yunji yaguluce mu wulanga, yena no Luganuzi Luswanu lwe cibitilila lo Mulungu ho yaluganule kuli wanhu wose wono wekaye mononze, kuli makungugo gose, ne zimbeyu zose, ne wanhu we milonjele yose, na kuli wanhu wose we mawala gose.

Wugubule 16:14

Ayi yo myuhe ye masetani yono yinozaga mapoto. Yiyi myuhe midatu yo yiyo yono yiwabitilaga watemi we yinze yiyi yose, no kuwakonghola hamonga ho wehome wulugu wuwaha mwizuwa liwaha lyo Mulungu Mudaha vyose.

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.