Matayo 24:11 - I CILAGANE CIPYA 1991

¹¹ Kanyhi mu vilo vivyo, wololawila iwawizi wenji wo wulambi, nawo wolowa kuwajiliza wanhu wenji.

Luganuzi Luswanu Kuli Wanhu Wose 2002

¹¹ Kanyhi mu vilo vivyo, wololawila iwawizi wenji wo wulambi, nawo wolowa kuwajiliza wanhu wenji.

Matayo 24:11 ပူးပေါင်းရင်းမြစ်များ

Matayo 24:12

Na vyono u wubi wowa kucila konjelezeka, ale nhavivyo no wendo we wanhu wenji wolopola.

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Matayo 24:5

Hambi nha wanhu wenji wono wolokuza, nawo walalitumamila litagwa lyangu wakutya, ‘Ane yo nene Kilisito nawo wolowajiliza wanhu wenji.’

Matayo 7:15

“Mwilanjililaje kuli iwawizi wo wulambi. Wono wakumuzizenyi, akuno wakwijela kunze nha ngholo, ninga mugati yawo ho maminzi makali.

Maluko 13:22

Hambi nha wolokwijela wanhu wo wulambi lambi wono wokwiyitya weneco yo Kilisito, ne wawizi wo wulambi lambi, nawo wolonoza vitanjilo ne mezino, ho wajilize i wahagulwa wo Mulungu, hono yisumice.

Metumo ge Watumwa 20:30

Na muli nyenye mo weneco, wolokwinuka wanhu wono wolonga zinghani zo wulambi ho wawajilize wanhu, ho wawatyatye weneco du.

1 Timoteyo 4:1

Ningo Muhe yakulonga ciwonelela vyono mu vilo vyono vikuza, iwanhu wanji wolowulecela lukulu u wihuwilo, nawo woloyihulicila i myuhe yo wukoci, no kwibata mafundo ge masetani.

2 Petelo 2:1

Wakalawila wawizi wo wulambi muli wanhu, nha vivyo kanyhi iwejizi wo wulambi wololawila sunga na muli nyenye. Ne wanhu we liwala lilyo wololeta i mafundo go wiwajize no kumukana Muwaha mono yakawakomboza, na mu nzila yiyo wokwiletela musunho u wongomezwe wawo weneco.

1 Yohana 2:18

Mo wanangu, alu ilipango lyo mudumo lyasejelela! Nanye mwali mwakondya kuhulika vyono u mulugu wa Kilisito yakuza, ne walugu wa Kilisito aluno wenji wakondya kuza, ku soko yiyo holeka cikumanya vyono lipango lyo mudumo lyeza lili behi.

1 Yohana 2:26

Nimwandicilenyi zi zino ku soko ya awalya wono wakuhila kumwajilizenyi nyenye.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.

Yuda 1:4

Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga zo wulingʼanizwe wono wuwalindiye i wanhu wawo kulawa katali.

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete wakagumilwa vyo womi du, mwilamba lyono lyakaga moto we cibiliti.