Matayo 23:23 - I CILAGANE CIPYA 1991

²³ Woyi he kuliʼnye mo wejizi wo Wulajilize ne Wafalisayo mo wakoci! Mono muwalifyaga iwanhu, ilipinga lye likumi, sunga na mu mahamha ge mhunjile swanu, ne binzali, ne zi nyanya, na akuno mukuzileka izinghani zimbaha zono zili mu Wulajilize, nha vyono ilingʼani, lusungu no wihuwilo. Azi zo zali zinojeye anye muzikamise muno muno, hamba kuzisemwa azilya zinongozi.

Luganuzi Luswanu Kuli Wanhu Wose 2002

²³ Woyi he kuli'nye mo wejizi wo Wulajilize ne Wafalisayo mo wakoci! Mono muwalifyaga iwanhu, zaka sunga na mu mahamha ge mhunjile swanu, ne binzali, ne zi nyanya, na akuno mukuzileka izinghani zimbaha zono zili mu Wulajilize, nha vyono iling'ani, lusungu no wihuwilo. Azi zo zali zinojeye anye muzikamise muno muno, hamba kuzisemwa azilya zinongozi.

Matayo 23:23 ပူးပေါင်းရင်းမြစ်များ

Matayo 12:7

Mwali muwe mumanyile du, yinhunizo ye zinghani zizi zono zikutya, ‘Nghusaka lusungu, hamba si yikumbiko,’ si mwali muwahose i wanhu wono wasina masutya.

Matayo 23:13

“Woyi he kuliʼnye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

Matayo 9:13

Holeka mwiyijizizaje mu nhunizo ye zinghani azino, ‘Ane nghusaka lusungu du, hamba si makumbiko.’ Hambi ane nha si naza ho niwaceme iwanhu waswanu, ngʼo, langa iwanhu wabi.”

Luka 11:42

“Ninga woyi he nyo Wafalisayo! Hambi nha mulifyaga wanhu ipinga lye likumi, sunga na mu hati yose yo kutajila mu zindigwa, sunga na mu fwene, ne zimboga zinji, kuno mukuleka lingʼani no wendo wo Mulungu. Ninga zizi cinojele mwali muzitume hamba kuleka zinji.

Luka 18:12

Mu vilo mupunghati ndekaga kulya kejete, ndavyaga zaka, cipinga ce likumi muli vyono sawaga vyose.”