Matayo 22:13 - I CILAGANE CIPYA 1991

¹³ Hodu, u mutemi yakawalonjela iwetumami yakatya, ‘Ale mumusolaje yuyu, mumuwope migulu ne miwoko yakwe, hanyuma mukamutaje ku citi, kunze, nayo kuko kowa kulila no kugwezula meno.’ ”

Luganuzi Luswanu Kuli Wanhu Wose 2002

¹³ Hodu, u mutemi yakawalonjela iwetumami yakatya, ‘Ale mumusolaje yuyu, mumuwope migulu ne miwoko yakwe, hanyuma mukamutaje ku citi, kunze, nayo kuko kowa kulila no kugwezula meno.’ ”

Matayo 22:13 ပူးပေါင်းရင်းမြစ်များ

Matayo 12:29

“Hamba u munhu kosuma nhawule kwinjila kwa vilungo mu nyumba ya mono yali vilungo, ho yasume kumuboka i viya vyakwe, lono si yamuye kumuwopa yuyo u munhu we vilungo? Langa baho ho kosuma kumuboka i viya vyakwe.

Matayo 13:30

Holeka hodu muvilekaje viwilukane hamonga du, sunga mwizuwa lye ndudula. Mwipango lilyo langa ho nowalonjela i waduduzi, ale, mwamule mugakunyanjile i mabalwe mugawope madulu madulu, ho gaticimizwe mu moto. Ninga wuhemba muwututicilaje mu madongha gangu.’ ”

Matayo 13:42

no kuwalajila mwilamba lyo moto, na kuko wolowa kulila no kugwezula meno.

Matayo 13:50

Nokuwagumila i wabi mwilamba lyo moto. Na kuko wowa kulila no kugwezula meno.”

Matayo 24:51

Nayo kolo yakuza, kolomusanha yamulavye hejete, hanyuma komuwika mwipuga limonga ne wakoci. Na kuko kolowa cililo no wugwezula meno.

Matayo 25:30

No mwitumami yuyu mono yasina cambuzi, mumutagaje ku citi kunze! Kuko kowa kocili cililo no wugwezula meno.’

Matayo 8:12

Ninga wawo wono wali wawunojeye uwutemi wuwo, awo wotagwa ku citi kunze, ihanhu hono wowa kulila no kugwezula meno.”

Luka 13:28

Kuko kolowa cililo no kugwezula meno, baho mulaza wawona Abulahamu, Isaka na Yakobo ne wawizi wose, wali mu wutemi wo Mulungu, ninga anye mukutagwa kunze!

Yohana 21:18

Nghukulonjela mbeka, vyono “Lono wali wukali mudodo, wali wuzoweye kwiwopa musipi no kubita ko kose kono wasakaga. Ninga kolo weza kukombipa, kologolola mawoko gako, na yunji kolokuwopa, yakutegule kono si wendile.”

Metumo ge Watumwa 21:11

Nayo yakaza kuliʼse, yakasola musipi wa Pawulo, yakewopa mweneco mu magulu na mu mawoko, yakatya, “U Muhe Mono Yelile yakutya nhavi, Iwayahudi ku Yelusalemi wolomuwopa nhavivi u munhu munya musipi wuwu, nawo womutajila mu miwoko ye wanhu we makungugo!”

Metumo ge Watumwa 7:54

Wawo wanyamhala we libalaza, waza kuzihulika zizi, wakahomeka muno mu zinhumbula, wakamwikangʼanhilila kwe kuwo.

2 Watesalonike 1:9

No wulipicizwe wawo, wolowa wajilile we cibitilila, no kutemanulilwa lukulu no lukumyo lwakwe luwaha,

2 Petelo 2:17

Iwanhu wawo wenha mivwilo yono yinyalile, kanyhi wenha mavunde gono gapemhelusagwa ne mbeho mbaha, no wikalo wawo wono wawiciywe, nha hanhu hono howuli wutitu wuwaha.

2 Petelo 2:4

Na lono wamalayika wetumila u wubi, u Mulungu na langa yakawataga mu moto we Gehena, mono wafunjigwe walindiye Lizuwa lililya lyo wulingʼanizwe.

Yuda 1:13

I wanhu wawo wehwanile i mawingo ge lilenga gono gagalile, ne metumo gawo ge cevu, gejeye calinze nha mafulo ge mawingo. Wene wawo wehwanile i zinyelezi zono zikuyumbayumba, wono u Mulungu yawawiciye i hanhu hawo cibitilila ha wutitu wuwaha.

Yuda 1:6

Ne wamalayika wono si wawukamisa u wuwaha wawo, kanyhi wakayileka ne nyikala yawo yono yiwanojeye, u Mulungu yawawopile ne manyolo ge cibitilila mu citi, sunga mwizuwa Liwaha lyo wulingʼanizwe.

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjlia mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.