Matayo 20:22 - I CILAGANE CIPYA 1991

²² Yesu yakapitula, yakatya, “Anye si mucimanyile cono mukulomba yaye. Alu mosuma kucingʼwela icikombe ce magazo cono nocingʼwela nene?” Nawo wakamupitula wakatya, “Heya cosuma.”

Luganuzi Luswanu Kuli Wanhu Wose 2002

²² Yesu yakapitula, yakatya, “Anye si mucimanyile cono mukulomba yaye. Alu mosuma kucing'wela icikombe ce magazo cono nocing'wela nene?” Nawo wakamupitula wakatya, “Heya cosuma.”

Matayo 20:22 ပူးပေါင်းရင်းမြစ်များ

Matayo 26:35

Nayo Petelo yakamutya, “Hamba hono yiwe yinojeye nifwe hamonga nagwe, ane langa, hamba si nokulecela lukulu.” Ne wejizwa awalya wanji wose, nawo wakalonga nha vivyo.

Matayo 26:39

Hanyuma yakatela tela hamwande hadodo, yakagwa funama, yakalomba, yakutya, “Gwe Baba, hono yiwe yisumice, ale icikombe cicino co wusungu cimhulutaje, ninga yilece kuwa nha vyono nyendile nene ngʼo, langa yiwe nha vyono wendile du gwegwe.”

Matayo 26:42

Yakabita kanyhi lwe kejete yakalomba yakutya, “Baba hono yiwe si yisumice icikombe cicino co wusungu cimhulute ndece kucigʼwa, ale, hodu, u wuhile wako witumwe.”

Matayo 26:56

Ninga azi zose ziwa nha vivi, ho i Mandiko ge wawizi gaficilicile.” Hanyuma iwejizwa wakwe wose wakamuleka wakatiza.

Maluko 14:36

Yakatya, “Gwe Baba, kuligwe zose nha zisumice. Ale wumbusizaje icikombe cicino ce magazo. Ninga si vyono nyendile nene, langa yiwe nha vyono wendile gwegwe.”

Luka 12:50

Nina wubaputizo wono yinojeye niwubocele; alu mwene vyono nghugazika sunga niwufisilize!”

Luka 22:42

“Baba, hono wende, umbusize cikombe cici co Wusungu, ninga si wuhile wangu, langa wuhile wako witumwe.” [

Yohana 18:11

Yesu yakamutya Petelo, “Gomole umumaje hanhu hayo. Alo ndece kungʼwa i cikombe co wusungu cono yamheye Baba?”

Walumi 8:26

Nha vivyo no Muhe nayo yakucitaza mu wusocele wetu. Hambi nha si cimanyile vyono yicinojeye kulomba, ninga u Muhe mweneco, yakuwa kucilombela kuli Mulungu, ko wulilanzice no wukalale si wakulonga.

Yakobo 4:3

Kanyhi kolo mukulomba simupegwaga, vyono mulombaga ko wuhile wubi hambi nha mulombaga ho mwigutye imasulumizi genyu.