Matayo 20:19 - I CILAGANE CIPYA 1991

¹⁹ Womukombola kuli wanhu we makungugo ganji ho wamuzwajize no kumukuna viboko, no kutumbikwa, ninga mwizuwa lye kadatu kozukulwa.”

Luganuzi Luswanu Kuli Wanhu Wose 2002

¹⁹ Womukombola kuli wanhu wono si Wayahudi ho wamuzwajize no kumukuna viboko, no kutumbikwa, ninga mwi'zuwa lye kadatu kozuka.”

Matayo 20:19 ပူးပေါင်းရင်းမြစ်များ

Matayo 12:40

Nha vyono Yona yakekala munda ye lisomba liwaha vilo vidatu cilo na misi, ale nha vivyo u Mwana wo Munhu nayo, si koleka kwikala vilo vidatu cilo na misi mugati ye yisi.

Matayo 16:21

Na vyono kulawa baho, Yesu yakawa kuwamanyiza cagalanze du i wejizwa wakwe, yakawatya, “Yinojeye ane mbite ku Yelusalemi ho nghatuje wugazwe winji wono wolawilila muli wanyamhala ne Wakohani wawaha, hamonga ne wejizi wo Wulajilize. Nane nowulagwa na mwizuwa lye kadatu, nozukulwa.”

Matayo 17:23

Womuwulaga, ninga mwizuwa lye kadatu, kozukulwa.” Nawo wejizwa wakakalala muno muno.

Matayo 27:26

Hodu, Pilato yakawa kuwawopolela Balaba, kulawa mu jela, ninga yakawa kumulavya Yesu ho yatumbikwe mu musalaba.

Matayo 27:63

wakamutya, “Gwe muwaha, cikumbuciye vyono ayulya u mukonji yalonga lono yakali mumi vyono ati, ‘Vilaza kupuluta vilo vidatu, nozuka kanyhi.’

Maluko 14:65

Ale ho baho baho du, wanji wa muli wene, wakanza kumufunyila mate, wakamugubika wusu, wakamutowanga makofi no kumutya, “Ale wutambule ta, nani mono yakutowile!” Sunga ne wetumami wakamusola, nawo wakamutowanga makofi.

Maluko 15:1

Wali weza kwela hakali mitondo muno muno, iwakohani wakalaganila kumonga, hamonga ne wanyamhala ne wejizi wo Wulajilize, hamonga ne libalaza lyose, wakamuwopa Yesu ne manyolo, wakamutegula no kumukombola kuli Pilato.

Maluko 15:15

Nayo Pilato vyono yahila kulyendeza i lipuga lye wanhu, ale hodu, yakamuwopolela Balaba kuwulawa mu jela. Yakalajiliza vyono Yesu yakunwe ne viboko, na hanyuma yayo, yakamukombola yatumbikwe mu musalaba.

Luka 18:32

Hambi nha kolavywa kuli wanhu we makungugo, nawo womutendela vibi, no kumufunyila mate.

Luka 23:11

Helode hamonga ne Wasilikale wakwe, wakamukoza cevu Yesu, no kumuzwajiza; hanyuma wakamuvwika mwenda we citemitemi, wakamugomola kuli Pilato.

Luka 24:46

Yakawatya, “Vyo yandikwa, vyono yimunojeye Kilisito yatamiswe, na mwizuwa lye kadatu yimunojeye yazuce muli wafu.

Metumo ge Watumwa 2:23

na mu wutemezwe no wumanye we katali wo Mulungu, yali yakondya kudumula nghani, vyono Yesu kowikwa mu miwoko yenyu, nanye mukamuwulaga mu nzila yo kuwalecela iwanhu wabi, wamutumbice mu musalaba

Metumo ge Watumwa 21:11

Nayo yakaza kuliʼse, yakasola musipi wa Pawulo, yakewopa mweneco mu magulu na mu mawoko, yakatya, “U Muhe Mono Yelile yakutya nhavi, Iwayahudi ku Yelusalemi wolomuwopa nhavivi u munhu munya musipi wuwu, nawo womutajila mu miwoko ye wanhu we makungugo!”

Metumo ge Watumwa 4:27

“Kwaco mbeka, Helode na Pontiyo Pilato, wena ne Makungugo ne zimhuga za Isilayeli, nha wekongholela baha mu kaya yiyi ku soko yo mwitumami wako mono yelile, Yesu mono wamunoza yawe Kilisito.