Matayo 2:23 - I CILAGANE CIPYA 1991

²³ yakahamila mwikaya lyono likucemwa lya Nazaleti. Nha vivi vyo zaficilicila izinghani zono zalonjelwa mu nzila ye wawizi, zono zikutya vyono, “Kocemwa Munazalayo.”

Luganuzi Luswanu Kuli Wanhu Wose 2002

²³ yakahamila mwi'kaya lyono likucemwa lya Nazaleti. Nhavivi vyo zaficilicila izinghani zono zalonjelwa mu nzila ye wawizi, zono zikutya vyono, “Kocemwa Munazili.”

Matayo 2:23 ပူးပေါင်းရင်းမြစ်များ

Matayo 1:22

Na zizi zose zikejela, ho yifisilizwe inghani yiyilya yono u Muwaha yayilonga mu nzila ye wawizi, yono yatya,

Matayo 21:11

Iwanhu wanji wa mwipuga lililya lye wanhu wakatya, “Ayu yo muwizi Yesu, mono yakulawilila ku Nazaleti mu yisi ya Galilaya.”

Matayo 26:71

Nayo Petelo lono yalawilaga ha mulango, u mwitumami yunji kanyhi we cicekulu yakamuwona, nayo yakawalonjela awalya wono wali wali baho, yakawatya, “U munhu ayu nye, yali yali hamonga na Yesu wa ku Nazaleti.”

Maluko 1:24

yakazoza, yakutya, “Alu wina nghanici nase, agwe Yesu wa Nazaleti? Alo kuza ho wucongomeze? Nghumanyile vyono wuli nani, yo gwegwe mono welile wo Mulungu!”

Maluko 1:9

Mu vilo vivyo, Yesu yakaza yakulawa ku Nazaleti, kwi kaya lya Galilaya, nayo yakabaputizwa na Yohana mwikolongo lya Yoludani.

Luka 1:26

Mu mwezi wo mutandatu wo muda wa Elizabeti, malayika Gabuliyeli yatumwa no Mulungu, yabite kwi tumbi lyono likucemwa Nazaleti ya ku Galilaya.

Luka 18:37

Wakamutya, “Yesu wa Nazaleti yakupuluta.”

Luka 2:39

Nawo walezi waza kondya kufisiliza zose za mu Wulajilize wo Muwaha, wakawuya kwawo ku Nazaleti mu yisi ya Galilaya.

Yohana 18:5

Nawo wakamupitula wakatya, “Cikumulondola Yesu wa Nazaleti.” Nayo Yesu yakawatya, “Ane yo Nene.” Nayo Yuda mono yamugaluka, yali yemile baho hamonga nawo.

Yohana 18:7

Yesu yakawawuza kanyhi, yakatya, “Alo mukumulondola nani?” Nawo wakamutya, “Yesu wa Nazaleti.”

Yohana 19:19

Pilato yakandika mandiko yakagawicila mu musalaba. Nago gali gandicigwe nhavi, “Yesu wa Nazaleti u Mutemi we Wayahudi.”

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Metumo ge Watumwa 24:5

Hambi nha camuwona ayu vyono yo munhu wa mbali muno, mwene yo muwusa wuma muli Wayahudi wose kononze kose na, kanyhi mwene yo mulongola mu mhuga ye Wanazalayo.