Matayo 2:13 - I CILAGANE CIPYA 1991

¹³ Iwajenzi wawalya waza kuwuka, hobaho Malayika wo Muwaha yakamulawila Yusufu mu ndoto, yakamutya, “Ale, winuce! Wumusolaje mwana, hamonga no nyina, mutizize ku Misili. Mukekalaje kuko du sunga kolo neza kukulonjela, hambi Helode nha yakuhila kumuwulaga u mwana yuyu.”

Luganuzi Luswanu Kuli Wanhu Wose 2002

¹³ Iwajenzi wawalya waza kuwuka, hobaho Malayika wo Muwaha Mulungu yakamulawila Yusufu mu ndoto, yakamutya, “Ale, winuce! Wumusolaje mwana, hamonga no nyina, mutizize ku Misili. Mukekalaje kuko du sunga kolo neza kukulonjela, hambi Helode nha yakuhila kumuwulaga u mwana yuyu.”

Matayo 2:13 ပူးပေါင်းရင်းမြစ်များ

Matayo 1:20

Ninga lono yali yakali yakuyihwesa inghani yiyo, malayika wo Muwaha yakamulawila mu ndoto, yakamulonjela, yakatya, “Gwe Yusufu go mwana wa Dawudi, wulece kogopa kumusola Malyamu yawe mugolece wako, hambi u muda wuwo wono yena nawo, nha kawutuga kwe vilungo vyo Muhe Mono Yelile.

Matayo 10:23

“Iwanhu kolo wakumulanjenyi mwikaya ali, ale mutizize mwikaya linji. Ninga mbeka nghumulonjelenyi vyono, si mosuma kugajendela makaya gose ga Isilayeli mugamale, lono u Mwana wo Munhu yakali si naza.”

Matayo 2:12

Nayo u Mulungu yakawasugulila mu ndoto, ho walece kuwuya kanyhi kuli Helode, holeka nawo wakakolela nzila yinji wakawuya kwawo.

Matayo 2:14

Hobaho, Yusufu yakawa kwinuka, yakawa kumusola u mwana hamonga no nyina wakawa kutuluka cilo cose, wakabita ku Misili.

Matayo 2:16

Nayo Helode yaza kwizuka vyono wawalya we mahala go wizuce we zinyelezi wamukonga, yakakolwa ne likuwo muno muno. Hobaho yakawa kulajiliza vyono, iwana wose we cilume wono wali mumo mwikaya lya Betelehemu, sunga na mu mhelomhelo yayo, wono wena myaka myejete na hasi yayo, wose wawulagwe. Nayo yanoza nhavivyo, ku wutyatya ilipango lyono yazimanyila zizo ku wulawa kuli awalya we mahala go wizuce we zinyelezi.

Matayo 2:22

Ninga Yusufu yaza kuhulika vyono Alikelawo u mwana wa Helode yali yo mutemi wa Yudiya ihanhu ho sogwe Helode, baho yakogopa muno ku wubita kuko. Nayo yaza kuwa yasugulilwa mu ndoto, hobaho yakabita ku yisi ya ku Galilaya,

Metumo ge Watumwa 10:22

Wanhu wawo wakamutya, “Kolineliyo u muwaha we wasilikale igana, munhu mono yali lingʼani, kanyhi mwihuwilwa mono kamogopago Mulungu, kanyhi mono yena lilumbo mu nghungugo yose ye Wayahudi, kacituma. Yalonjelwa na Malayika mono yelile, yakuceme wubite ku kaya yakwe, ho yahulice nghani yo yose yono kowa wina nayo yo kumulonjela.”

Metumo ge Watumwa 10:7

Yuyo Malayika mono vyalonganaga nayo, yaza wuka, Kolineliyo yakawacema iwetumami wakwe wejete, no musilikale mwihuwilwa, muyagwe na wono wamwitumamilaga nhondo zose,

Metumo ge Watumwa 12:11

Nayo Petelo ho yezucila baho zono zijeye, yakatya, “Alu he mbeka, ho namanya vyono u Muwaha katuma Malayika wakwe kamhonya kulawa mu muwoko wa Helode, na muli zose zono wanhu wa Isilayeli wali walawiliye.”

Metumo ge Watumwa 12:7

Kumbe, Malayika wo Muwaha yakema nhinicizo hali mwene, no wuzelu wukabulila mu nyumba yiyilya ye jela. Malayika yakamusinhusa Petelo, yakamutya “Winuce mbela.” Ho baho imanyolo gakadumuka mu mawoko gakwe.

Metumo ge Watumwa 16:36

U musilikale mulindilize jela, yakamusimuliziza Pawulo zinghani zizi, yakutya, “Iwahakimu watumwa, wakutya muwopolelwe. Holeka mulawile mubite mupolile.”

Metumo ge Watumwa 5:19

Ninga ne cilo, Malayika wo Muwaha yakadigula milango ye jela, yakawalavya kunze, yakatya,

Metumo ge Watumwa 7:19

Yuyo yakawagaza muno wasetu, no kuwatendela vibi, ko kuwatya, wawataje kunze wana wawo wagalika walece kuwumipa.

Wugubule 12:14

Ninga mucekulu yuyo, nayo yakapegwa mabawa mejete ga numba, ho yaguluce yabite yakekale kutali ne lizoka lilyo, yabite yakekale ku nyika, hanhu hakwe hono kosuma kudimwa viswanu mu myaka midatu na myezi mutandatu.

Wugubule 12:4

Lizoka lilyo likazikwejenha zinyelezi za mu mwanya, ibimha lye kadatu, no mucila walyo, no kuzigumila kononze. Nalyo likema behi no mucekulu yuyo mono yali yeza behi no kusawo mwana, nalyo likawa liwikanizize lukulu ho limumelo mwana yuyo baho du yalakulelwa.

Wugubule 12:6

Yuyo mucekulu nayo, yakamanyhila ku nyika, kono Mulungu yali yamuwiciye hanhu ha wutule, hanhu hono kosuma kudimwa mu vilo elufu monga, na magana mejete, na makumi mutandatu.