Matayo 2:11 - I CILAGANE CIPYA 1991

¹¹ Hobaho wakawa kwinjila mu nyumba, wakamuwona u mwana yuyo, yali hamonga no nyina Malyamu, ale wakawa kufugama, wakamuhemba. Waza kukondya, wakawa kuwopola izisawo, wakawa kulavyaniza ivipegwa vyawo wakawa kumupela zahabu, wubani ne manemane.

Luganuzi Luswanu Kuli Wanhu Wose 2002

¹¹ Hobaho wakawa kwinjila mu nyumba, wakamuwona u mwana yuyo, yali hamonga no nyina Malyamu, wakawa kufugama, wakamuhemba. Waza kukondya, wakawa kuwopola izisawo, wakawa kulavyaniza ivipegwa vyawo, wakawa kumupela zahabu, wubani ne manemane.

Matayo 2:11 ပူးပေါင်းရင်းမြစ်များ

Matayo 1:18

Ale, no wulelwe wakwe Yesu Kilisito wali nhavi. U nyina Malyamu yali yakondya kubanywa na Yusufu. Ninga lono wali wakali si nekalana hamonga nha vyono yinha u mulume no mucekulu, Malyamu yakejela yena muda wono yawutuga kwe vilungo vyo Muhe Mono Yelile.

Matayo 12:46

Nayo Yesu lono yali yakali yakulonga ne mapuga ge wanhu, u nyina, hamonga ne wanduguze wakawa waza, no kwima hanze, wakuhila kulongana nayo.

Matayo 14:33

Na wose wono wali wali mu ngalawa, wakamuhemba, wakatya, “Mbeka agwe yo gwegwe go Mwana wo Mulungu.”

Matayo 2:10

Nawo waza kuyiwona yiyo i nyelezi, wakasangalala muno muno.

Matayo 2:2

wakawa kuwuza wakutya, “Yalihayi mwana, u Mutemi we Wayahudi mono yaleligwe? Hambi nha ciyiwona i nyelezi yakwe lono yilawiye kulubavu lwa kucilima, alu nase ciza ho cimuhembe.”

Luka 2:16

Wakabita lumangho, wakawagana wa Malyamu na Yusufu, no mugalika yagonile mu ciya co wulilo we mitugo.

Luka 2:38

Na mu cipango cico Ana yakalawila, nayo yakanza kumulumba Mulungu, nayo yakalonga zo mwana yuyo kuli wose wono walanjililaga wukombozi wa Yelusalemi.

Yohana 19:39

Nikodemo nayo yakaza, yo yuyulya mono ha mwamulizo yamuziza Yesu ne cilo. Nayo yakaleta vihanza hanzwe vye manemane na wudi, kotya nha kilo makumi madatu.

Wugubule 19:10

Ale, nane nghagwa hasi funama ha magulu gakwe nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, yo yikuwamulicila wawizi.

Wugubule 5:8

Nayo yaza kucisola citabu cico du, avilya viwumbwa vine hamonga na walya wawaha wanzehe makumi mejete na wane, wakagwa funama hamwande yo Mwana we ngholo. Nawo wose wali wena visumbi na bakuli za Zahabu, zono zali zimemile wuvumba, go malombo ge wanhu wo Mulungu.