Matayo 19:29 - I CILAGANE CIPYA 1991

²⁹ Na muli wose mono yalecile nyumba yakwe, hamba wawahaze, hamba walumbuze, hamba u sogwe, hamba u nyina, hamba wanagwe, hamba migunda ku soko yangu, nayo kobocela kali igana na kuciza, na hanyuma kowutuga u wumi we cibitilila.

Luganuzi Luswanu Kuli Wanhu Wose 2002

²⁹ Na muli wose mono yalecile nyumba yakwe, hamba wawahaze, hamba walumbuze, hamba u sogwe, hamba u nyina, hamba wanagwe, hamba migunda ku soko yangu, nayo kobocela kali yigana na kuciza, na hanyuma kowutuga u wumi we cibitilila.

Matayo 19:29 ပူးပေါင်းရင်းမြစ်များ

Wafilipi 3:8

Heya, hamba si nha vivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene ane navumila kugaleka gose, nane nghagawona gago gose nha takataka, ho nimutuje Kilisito,

Luka 14:26

Munhu wo wose mono yakuza kuli nene, si kowa mwijizwa wangu, langa sunga yawe yanyendile nene si nha vyono yawendile u sogwe, no nyina, ne walumbuze, heya, sunga no wumi wakwe mweneco.

Matayo 16:25

Ku soko u munhu mono yakusaka kuwuponya u wumi wakwe mweneco, alu yuyo yo kowajiliza,

Matayo 6:33

Ninga hamonga na zizo zose, mwamule kuwulondola u Wutemi wo Mulungu, na zose zono u Mulungu yakuzihila, holeka na zizo zose mokonjelezwa.

1 Petelo 4:14

Hambi nha muli wamoti, hono muliʼgwe ku soko ye litagwa lya Kilisito, ne nghani yiyo, yikulajila vyono Muhe Mono Yelile, yuyo Muhe wo Mulungu kekalaga muliʼnye.

Matayo 10:22

Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

Yohana 15:19

Mhali muwe muli wanhu we yinze, mhali we yinze wali wamwendenyi anye mo wanhu wawo. Ninga alu vyono si muli we yinze, nane nimwihajenyi kulawa mu yinze, holeka we yinze wakumusulenyi.

Luka 6:22

“Muli wamoti nye, kolo wanhu wakumusulenyi, na kolo wakumusiwanulenyi, no kumulijenyi, no kuliviza litagwa lyenyu nha wetuma vibi, ku soko yo Mwana wo Munhu.

Matayo 5:11

“Muli wamoti nyenye, kolo wanhu wakumulijenyi, no kumugazenyi, no kumusulenyi, kanyhi no kumulonjenyi makani mabi ku soko vyono muli watyatyi wangu.

1 Wakolinto 2:9

ninga nha vyono gakulonga i Mandiko Gono Gelile, “Izinghani zono hamba liso likali si naziwona, hamba i likutu kuzihulika izinghani zono, hamba munhu yakali si nazihwesa mu nhumbula yakwe, ale, zizo zo u Mulungu yawawikaniziza wa walya wono wamwendile.”

Metumo ge Watumwa 9:16

Nane no mweneco, nomulajila zi nyinji zono zimunojeye yagazwe ku soko ye litagwa lyangu.”

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa kuwulawa wuwumbwe we yinze.

Matayo 19:16

U munhu yunji yakamuziza Yesu, yakamuwuza, yakutya, “Ati Mwijizi, alu yinojeye noze cinhuci ciswanu, ho niwutuje u wumi we cibitilila?”

Matayo 13:23

Nayo i mbeyu yono yagwila mu muhangha u muswanu, yihwanile u munhu mono yakuyihulika inghani yiyo no kuyizuka, no munhu yuyo kalelaga i mikalo, ne mbeyu monga yilavyaga mhece igana limonga, na yinji yikulavya makumi mutandatu, na yinji makumi madatu.”

2 Wakolinto 5:16

Holeka ku wulawa lulu, ase si comumanya munhu wo wose mu nzila ye cimunhumunhu. Hamba yiwe camumanyila Kilisito mu nzila ye cimunhumunhu, ninga alu si nha vivyo kanyhi.

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Matayo 13:8

Ninga zinji zikalagala hono howuli u muhangha u muswanu, nazo zikota, no kulela, zinji zikalela mhece igana limonga, zinji makumi mutandatu, na zinji nazo makumi madatu.

3 Yohana 1:7

Hambi nha wakwanziza u muhinzo wawo mu witumami wa Kilisito hamba si wobecela wutazi wo wose kulawa kuli wanhu wono si wehuwiye.

Luka 5:11

Nawo waza kuzileta zingalawa zawo kwi sangha, wakaleka vyose, wakamutyatya.

Yohana 4:36

Mono yakutwanga, yakubocela u musahala wakwe, nayo yakukonghola i nhwanga, ku soko yo wumi we cibitilila, mono yakuhadika na mono yakutwanga, ho wasangalalane hamonga.