Matayo 18:24 - I CILAGANE CIPYA 1991

²⁴ Nayo yaza kwinjila mu wuwale, baho yakaletelwa munhu yunji mono yazijilagwa mapesa, talanta elufu ikumi.

Luganuzi Luswanu Kuli Wanhu Wose 2002

²⁴ Nayo yaza kwinjila mu wuwale, baho yakaletelwa munhu yunji mono yazijilwaga mapesa, talanta elufu yikumi.

Matayo 18:24 ပူးပေါင်းရင်းမြစ်များ

Matayo 18:23

Holeka u Wutemi wa ku wulanga, wukwihwana no mutemi yunji, mono yakahila kuwona iliwalo lye sawo yakwe kuli wetumami wakwe.”

Matayo 18:25

Nayo u munhu yuyo yakawa yasina cinhu co cose cono kosuma kulipa, holeka u muwaha wakwe, yakalajiliza vyono u munhu yuyo yaguzwe, u mwene no mugolece wakwe, ne wanagwe, sunga ne vinhu vyose vyono yali yena navyo, ho mugawa wuwo wulipwe.

Matayo 25:15

Nayo yakawapela munhu mu nghango ye mahala gakwe, u mulongozi yakamupela silinje elufu makumi mejete neʼhano, na we kejete yakamupela silinje elufu ikumi, nayo we kadatu, yakamupela silinje elufu yihano, hodu u mwene yakawa kutuluka.

Matayo 25:16

Ale, yuyulya mono yapegwa i zisilinje ze elufu makumi mejete neʼhano yakazinozeza wusuluza, sunga yakatuga cambuzi ca silinje zinji elufu makumi mejete neʼhano.

Matayo 25:20

Ale yuyulya u mwitumami mono yapegwa zisilinje ze elufu makumi mejete neʼhano, yakaza akuno yaleteleze hamonga na azilya ze elufu makumi mejete neʼhano zono yazituga ze cambuzi, yakamutya, ‘Muwaha, wamhela silinje makumi mejete neʼhano du, ninga wulanje, ahano nina zinji kanyhi elufu makumi mejete neʼhano ze cambuzi zono nazituga.’

Matayo 25:22

Ayulya nayo mwitumami mono yapegwa zisilinje elufu ikumi, nayo yakaza, nayo yakalavyaniza silinje zinji elufu ikumi ze cambuzi cono yatuga nayo, yakatya, ‘Muwaha ane wamhela silinje elufu ikumi, lanje azino zinji elufu ikumi ze cambuzi cono natuga.’

Matayo 25:24

Ninga ayulya mono yapegwa i silinje elufu yihano, nayo yakaza yakatya, ‘Muwaha ane manyile vyono agwe wuli munhu mukamu, agwe kududulaga hono si wuhadice, kanyhi, kukunyanjilaga hono si wamiza.

Luka 13:4

Hamba wanhu walya we likumi na munana wono wagwilwa no munala ku Silowami, wakawulagwa, mukuwona mbi wawo wali wabi, wacizize wose wono wekaye ku Yelusalemi?

Luka 16:5

Ale, yakawacema we migawa yo mutwawe wose, yakamutya mulongozi, “Ukuzijilwaci no mutwa wangu?”

Luka 16:7

Yaza kondya, yakamutya yunji, “Agwe ma nagwe, ukuzijilwaci?” Nayo yakatya, “Magunila igana limonga ga wuhemba.” Kalani yakamutya, “Sola ceti cako co mugawa, wandice makumi munana.”