Matayo 16:21 - I CILAGANE CIPYA 1991

²¹ Na vyono kulawa baho, Yesu yakawa kuwamanyiza cagalanze du i wejizwa wakwe, yakawatya, “Yinojeye ane mbite ku Yelusalemi ho nghatuje wugazwe winji wono wolawilila muli wanyamhala ne Wakohani wawaha, hamonga ne wejizi wo Wulajilize. Nane nowulagwa na mwizuwa lye kadatu, nozukulwa.”

Luganuzi Luswanu Kuli Wanhu Wose 2002

²¹ Na vyono kulawa baho, Yesu yakawa kuwamanyiza cagalanze du i wejizwa wakwe, yakawatya, “Yinojeye ane mbite ku Yelusalemi ho nghatuje wugazwe winji wono wolawilila muli wanyamhala ne Wakohani wawaha, hamonga ne wejizi wo Wulajilize. Nane nowulagwa na mwi'zuwa lye kadatu, nozuka.”

Matayo 16:21 ပူးပေါင်းရင်းမြစ်များ

Matayo 12:40

Nha vyono Yona yakekala munda ye lisomba liwaha vilo vidatu cilo na misi, ale nha vivyo u Mwana wo Munhu nayo, si koleka kwikala vilo vidatu cilo na misi mugati ye yisi.

Matayo 16:22

Baho Petelo yakamusola Yesu, yakamuteza hamhelo hadodo, yakamutacila, yakutya, “Gwe Muwaha, yilece kuwa nhavivyo! Inghani yiyi si yo kwijelela ngʼo.”

Matayo 16:28

Nane nghumulonjelenyi mbeka, vyono howali wanji wono wali bahano wono si wolofwa, sunga waze wamuwone u Mwana wo Munhu yakuza mu Wutemi wakwe.”

Matayo 17:12

“Ninga nghumutyenyi, vyono Eliya yakondya kuza, ninga iwene hamba si wamutanga yaye, langa wene wakamunoza nha vyono wasakaga iweneco. U Mwana wo Munhu nayo, kogazwa nha vivyo mu miwoko yawo.”

Matayo 17:9

Nawo lono watimaga wakulawa mwitunda, Yesu yakawakongʼonheza muno, yakutya, “Alu mulece kumulonjela yunji muli zono muziwene sunga kolo u Mwana wo Munhu yakuzukulwa kulawa muli wafu.”

Matayo 20:28

Na vyo nha vivyo, u Mwana wo Munhu nayo, si yaza ho yetumamilwe, langa ho yetumame, no kuwulavya u wumi wakwe ho wuwe wukombozwe wa wanhu wenji.”

Matayo 26:2

“Mumanyile vyono, vilawa vyeza kupuluta vilo vyejete cowa mwizuwa lye sikukuu ya Pasaka, no Mwana wo Munhu kolavywa ho yatumbikwe mu musalaba.”

Matayo 26:47

Nayo Yesu lono yali yakali kulonga nawo, hobaho nayo Yuda yakawa kuza u muyagwe na awalya we likumi na wejete. Wakaza wanhu wenji wali hamonga nayo, nawo wali wena, ne mimaje ne zinhumbi, wono watumwa kulawa kuli wakohani wawaha ne wanyamhala we wanhu.

Matayo 27:12

Ninga i wakohani wawaha, hamonga ne wanyamhala lono wamusitakaga u mwene Yesu, hamba si yapitula cinji co cose.

Matayo 27:63

wakamutya, “Gwe muwaha, cikumbuciye vyono ayulya u mukonji yalonga lono yakali mumi vyono ati, ‘Vilaza kupuluta vilo vidatu, nozuka kanyhi.’

Matayo 28:6

Ninga alu, yali hasina ahano, hambi nha kazuka nha vyono yalonga mweneco. Ale muze muhawone ihanhu hono wali wamuwicile.

Maluko 8:31

Yesu yakanza kuwejiza iwejizwa wakwe, yakutya, “Yimunojeye u Mwana wo Munhu yatuje magazo menji no kulemwa ne wanyamhala, ne wakohani wawaha ne wejizi wo Wulajilize. Kowulagwa na hanyuma ye vilo vidatu, kozuka.”

Maluko 9:12

Nayo yakawatya, “Heya, Eliya kokwamula kuza kuviwikaniza vyose. Ninga hamba nha vivyo, nhawule, lu, yandicigwe mu Mandiko Gono Gelile, vyono u Mwana wo Munhu kotuga magazo menji no kobedegalwa?

Luka 17:25

Ninga lono zikali si nawa zizo, sikoleka kwamula kutamiswa vibi, no kulemwa no lulelo alu.

Luka 24:46

Yakawatya, “Vyo yandikwa, vyono yimunojeye Kilisito yatamiswe, na mwizuwa lye kadatu yimunojeye yazuce muli wafu.

Luka 9:31

wono wejela mu nhojo, wakawa kulongana nayo zo wufwe wakwe wono wofisilizizwa ku Yelusalemi.