Matayo 16:19 - I CILAGANE CIPYA 1991

¹⁹ Nane nokupela gwegwe zifunguwo zo wutemi wa ku wulanga, na yowa, co cose cono kocidindila mononze, cowa cadindilwa nha vivyo na ku wulanga, na co cose cono kocidigulila mononze, naco cowa cadigulilwa nha vivyo na ku wulanga.”

Luganuzi Luswanu Kuli Wanhu Wose 2002

¹⁹ Nane nokupela gwegwe zifunguwo zo wutemi wa ku wulanga, na yowa, co cose cono kocidindila mono'nze, cowa cadindilwa nhavivyo na ku wulanga, na co cose cono kocidigulila mono'nze, naco cowa cadigulilwa nhavivyo na ku wulanga.”

Matayo 16:19 ပူးပေါင်းရင်းမြစ်များ

Matayo 18:18

“Ane nghumulonjelenyi mbeka, vyono co cose cono mocidindila mononze, cowa cadindilwa nha vivyo na ku wulanga, na co cose cono mocidigulila mononze, ale nha vivyo na ku wulanga cowa cadigulilwa.

Yohana 20:23

Hono muwanenele wanhu wubi wawo, wowa wanenelwa, na hono mulece kuwanenela, si wonenelwa.”

Metumo ge Watumwa 15:7

Na gaza kuwa mawuzo menji, Petelo yakenuka yakawatya, “Nye wandugu zangu nha mumanyile vyono ha mwamulizo, u Mulungu yakenda kuhagula nene muli nyenye, ho niluganule Luganuzi Luswanu, ho wanhu we makungugo wahulice no kwihuwila.

2 Wakolinto 2:10

Hono mumunenele munhu cinji, ale nane nghumunenela nha vivyo u munhu yuyo. Hambi ane hono nghulavya wunenezi, hono mbeka cili baho cinhu co kunenela, ale nghunenela kusoko yenyu hali Kilisito,

1 Watesalonike 4:8

Holeka mono yakugabedegala i mejizo gago, si yakumubedegala munhu, langa yakumubedegala u Mulungu mweneco mono yakumupelenyi u Muhe wakwe Mono Yelile.

Wugubule 1:18

Ane yo nene mono nili mumi! Nali fwiye, ningaʼlu nili mumi cibitilila ne cibitilila. Nina wulajilize we lifwa sunga na wa muyinze ye wafu.

Wugubule 11:6

Wawo wena vilungo vyo kuwudindila wulanga, ne mvula ho yilece kutonya mu cidaha cono wakuyiganula nghani yo Mulungu. Kanyhi wena vilungo vyo kuyipitula i mivwilo yose ye malenga yiwe sakami, sunga ne vilungo vyo kusuma kuleta magayo ge liwala lyo lyose mononze mwipango lyo lyose lyono weneco wendile.

Wugubule 3:7

“Kuli malayika we likanisa lya Filadelifiya wandice nhavi, “Ayi yo nghani yono yikulawa kuli mwene mono yelile kanyhi we mbeka, mono yena funguwo ya Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.

Wugubule 9:1

Hanyuma malayika we hano nayo yakayitowe ndulele yakwe. Nane nghayiwona nyelezi yono yali yigwiye mono yisi, yilawiliye ku wulanga. Nayo nyelezi yiyo yikapegwa funguwo ye likombo lyo wuninyina.