Matayo 16:18 - I CILAGANE CIPYA 1991

¹⁸ Holeka nane nghukulonjela Petelo nghutya, yo gwegwe wuli italawe, na mucanyha ye litalawe lilino, nolizenga likanisa lyangu, hamba ne lifwa lyeneco du, si lyolisuma yaye.

Luganuzi Luswanu Kuli Wanhu Wose 2002

¹⁸ Holeka nane nghukulonjela Petelo nghutya, yo gwegwe wuli italawe, na mucanyha ye 'talawe lilino, nolizenga likanisa lyangu, hamba ne lifwa lyeneco du, si lyolisuma yaye.

Matayo 16:18 ပူးပေါင်းရင်းမြစ်များ

Matayo 10:2

Ne matagwa ga wawo iwatumwa we likumi na wejete nha gogano; u mulongozi yo Simoni, mono yakucemwa Petelo, na Andeleya u mwanakwawe, Yakobo u mwana wa Zebedayo, na Yohana u mwanakwawe,

Matayo 11:23

Nagwe go Kapelanawumi, wukwihwesa vyono kotegulwa sunga ku wulanga mbi? Aa, ngʼo, langa kovulumuswa sunga kono kowali wafu! Kusoko i mapoto gono ganozezwa kuliʼgwe, hono gali ganozezwe ku Sodoma, mhali likaya lilyo lilibaho sunga ne nzuwayi.

Matayo 18:17

Nayo hono yekale si yawahulice wawo ale, wulilonjelaje likanisa. Na hono yekale si yalihulice likanisa, ale hodu, kuliʼgwe yawe nhe wanhu wono si wamumanyile u Mulungu, ne watoweza kodi.

Matayo 4:18

Nayo Yesu lono yajendaga ha mwejelele we lilenga lya Galilaya, yakawawona wanhu wejete wanimula somba wana wa munhu monga, wali wa Simoni (mono kacemagwa Petelo) wena na Andeleya u mwanakwawe, wanimulaga zisomba mwilenga no lwavu lwawo.

Matayo 7:24

“Holeka ku soko yiyo, u munhu wo wose mono ya kuzihulika izinghani zangu no kuzibata, yuyo yehwanile u munhu we mahala, mono yayizenga ikaya yakwe mwitalawe.

Yohana 1:42

Hanyuma yakamutegula Simoni kuli Yesu. Nayo Yesu yakamulanga Simoni, yakatya, “Yo gwegwe Simoni u mwana wa Yona, alu kocemwa Kefa.” (Cigiliki wo wutya Petelo, hamba “Ibwe”.)

Metumo ge Watumwa 2:47

wakumulumba Mulungu, wakendwa ne wanhu wose. U Muwaha yakawa kuwonjelezeza nhondo zose iwanhu wono yawaponyaga.

Metumo ge Watumwa 20:28

Mwikamisaje mo weneco, mulikamisaje na lilyo i litewa lyose, lyono u Muhe Mono Yelile yamuwicenyi anye ho mulidime. Mulidimaje ilikanisa lyo Mulungu, lyono yaligula ne sakami yo Mwanagwe.

Metumo ge Watumwa 8:1

Izuwa lilyo wejela wugazwe wuwaha mwikanisa lyono lyali ku Yelusalemi. Wono wali wehuwila wose, wakeyagalila ku zisi za Yudiya na Samaliya, langa hono si watumwa du.

1 Wakolinto 15:55

“Alu gwe go wufwe, i cisumisumi cako cili hayi? I vilungo vyako vyo wusungu, vili hayi?”

Wagalatiya 2:9

Holeka wa Yakobo na Kefa hamonga na Yohana, wono wakwijela nha wo walongola wawaha, wali wamanyile vyono u Mulungu yo yamhela lihewa lilyo, holeka wakawa kucilamusa ane na Balanaba kwe miwoko yawo, wakulajila i citanjilo co wuhangane hamonga. Na yikawa yicinojeye ase ciketume u mulimo kuli wanhu we makungugo ganji, wene nawo kuli Wayahudi.

Waefeso 3:10

ho alu i wawaha ne vilungo vya ku wulanga vimanyizizwe mu nzila ye Likanisa, ho wasume kugamanya i mahala go Mulungu gono gena mihilimo minji.

Waefeso 5:32

Mu zinghani zizi moyili i mbeka yono yihundikwe mumo, nane nghuwona vyono yidomile kuli Kilisito ne Likanisa lyakwe.

Wakolosayi 1:18

U Mwene Kilisito wo mutwe wo muwili wakwe, nha cinji likanisa, u Mwene wo mwamulizo wo wumi wa wuwo umuwili. U Mwene yo Mwana mulongozi kulelwa mono yazukulwa muli wafu, u Mwene ho yawe mulongola du kutali muli vinhu vyose.

1 Timoteyo 3:15

Ninga hono nyhezwe muno, ale, ibaluwa yiyi yokumanyiza imikalile yono yicinojeye ciwe nayo mu mhuga yo Mulungu, lyono lyo likanisa lyo Mulungu mumi, lyono lye ʼsumbili no musinji we mbeka.

1 Timoteyo 3:5

Hambi hono munhu yawe si yakusuma kuyitonga viswanu i mhuga yakwe, mweneco, alu ho kosuma wule kulidima likanisa lyo Mulungu?

Wahebelaniya 12:28

Holeka ase yicinojeye cilumbe muno, vyono cikuwubocela u wutemi wono si wukusinjisika. Ciweze ne lilumbo no kumuhemba u Mulungu mu nzila yono yikumwendeza, hamonga no winenenyhezi ne cogopo;

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 21:14

Ne majinji gose ge likaya lilyo, gali mazenje mu mabwe ikumi na mejete go musinji, na mucanyha ye mabwe gago, mwali mwandikwe i matagwa ge watumwa ikumi na wejete wo Mwana we ngholo.