Matayo 13:52 - I CILAGANE CIPYA 1991

⁵² Nayo Yesu yakawatya, “Alu holeka u mwijizi wo wose wo Wulajilize mono yanozwa kuwa mwijizwa mu Wutemi wa ku wulanga, ale yuyo yehwanile u munhu munya kaya, mono kalavyaga mu viwutwa vyakwe i vinhu i vipya ne vihuma.”

Luganuzi Luswanu Kuli Wanhu Wose 2002

⁵² Nayo Yesu yakawatya, “Alu holeka u mwijizi wo wose wo Wulajilize, mono yanozwa kuwa mwijizwa mu Wutemi wa ku wulanga, yuyo yehwanile u munhu munya kaya, mono kalavyaga mu viwutwa vyakwe i vinhu i vipya ne vihuma.”

Matayo 13:52 ပူးပေါင်းရင်းမြစ်များ

Matayo 12:35

U munhu muswanu nha kalavyaga i zinghani ziswanu mu ciwutwa cakwe ciswanu, no munhu mubi nayo, nha kalavyaga izinghani zimbi mu ciwutwa cakwe i cibi.

Matayo 13:51

Yesu yakawawuza yakawatya, “Alu wulenyi mwezuka zizi zose?” Nawo wakamutya, “Heya.”

Matayo 13:53

Yesu yali yeza kukondya kuyilonga i vihwanicizo vivyo, hodu yakawa kuwuka i hanhu baho,

Matayo 23:34

Ku soko yiyo holeka ane nghumuletelenyi wawizi, ne wanhu we mahala, kanyhi ne wejizi, nanye mowawulaga no kuwatumbika wanji wa muli wene, na wanji mowakuna ne viboko mu matangʼanilo genyu go wuhembelo, no kuwalondola londola mu matumbi gose.

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Luka 11:49

Ku soko yiyo kanyhi, mahala go Mulungu gakutya, “Nolowatumila wawizi ne watumwa; ninga wolowawulaga wayawo wanji, na wanji wolowagaza.”

Yohana 13:34

Nghumupelenyi ilajilizo yipya, mwiyendaje, nha vyono nimwendilenyi anye, nanye vyo mwiyendaje.

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

Waefeso 3:4

nanye kolo mukuzisoma izinghani zangu, mosuma kuwutanga u wumanye wangu wa muli zono zihundicigwe za muli Kilisito.

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu we makungugo u wugoli wa Kilisito wono wusina cipimo,

Wakolosayi 1:7

Mweyijiza ze lihewa lyo Mulungu kulawa kuli Epafala u mwitumami muyetu, u mwitumami mwihuwilwa wa Kilisito ku soko yetu.

Wakolosayi 3:16

I nghani ya Kilisito yikalaje muli nyenye, hamonga no wugoli wayo wose. Mwiyijizaje nyenye wose munhu na muyagwe, akuno mukwiyilanjiziza mu mahala gose. Mwimbaje Zabuli, na nyimbo, no wimbe we cinya Muhe, mumwimbilaje u Mulungu mu zinhumbula zenyu kwelilumbo.

1 Timoteyo 3:6

Kanyhi u munhu mono yakali sinakangala mu wihuwilo, yalece kunozwa kuwa mulongola mwi kanisa, ho yalece kumema wiwoni, no kulingʼanizwa na vyono setani yakalingʼanizwa.

Tito 1:9

Yimunojeye kanyhi, yebatile lukulu i nghani huwilwa nha vyono wukwijizwa. Holeka kosuma kuwataza wanji so mafundo ge mbeka no kusuma kuwalajila i masutya gawo wono wakuwanga kuli ze mafundo gago.