Matayo 13:47 - I CILAGANE CIPYA 1991

⁴⁷ “Kanyhi U Wutemi wa ku wulanga wihwanile no lwavu lono lwagumilwa mwilenga, nalo lukebata somba nyinji ze mawala gose.

Luganuzi Luswanu Kuli Wanhu Wose 2002

⁴⁷ “Kanyhi u Wutemi wa ku wulanga wihwanile no lwavu lono lwagumilwa mwilenga, nalo lukebata somba nyinji ze mawala gose.

Matayo 13:47 ပူးပေါင်းရင်းမြစ်များ

Matayo 13:44

“U wutemi wa ku wulanga wihwanile ne ciwutwa cono cali cihundikwe mu mugunda. U munhu yunji yaza kuciwona, yakacihundika kanyhi. Nayo yasangalala muno, sunga yakawa kubita kuviguza i vinhu vyakwe vyose vyono yali yena navyo yakawa kuwugula u mugunda wuwulya.”

Matayo 13:46

Nayo yaza kuwa yayituga lulu monga yo wuguzi wukamu, ale, yakabita yakaviguza vyose vyono yali yena navyo, yakabita yakayigula i lulu yiyilya.”

Matayo 13:48

Nalo lwaza kuwa lwamema, i wanhu wakalukwejela ha nhumbi ye lilenga, wakekala, wakawa kwamula kuzihagula i zisomba ziswanu wakazitajila mu zinhoto zawo, na azilya i zimbi wakazitaga.

Matayo 4:19

Yesu yakawatya, “Muze munhyatye, nane nomunozenyi muwe wanimula wanhu.”

Maluko 1:17

Yesu yakawatya, “Munhyatyaje nane nomunozenyi muwe wanimula wanhu.”

Luka 5:10

Yakobo na Yohana nawo nhavivyo, wana we cilume wa Zebedayo, wono wali wahanjlie na Simoni. Yesu yakamutya Simoni, “Ulece kogopa, vyono ukulawa lulu kowa kuwanimula wanhu.”

Yohana 15:2

Mwene kaliwusaga muliʼne ilinhambi lyo lyose lyono si lilelaga mikalo, ne linhambi lyono lilelaga, kalidumulilaga ho licile kulela muno.

Yohana 15:6

Munhu wo wose hono yalece kwikala muli nene, yakutagwa kunze kotya inhambi vyono walitagaga, nalyo liwa kunyala. Nawo wanhu wakuwa kulikongholeza, wakulitajila mu moto, nalyo liwa kutakamila.

Metumo ge Watumwa 20:30

Na muli nyenye mo weneco, wolokwinuka wanhu wono wolonga zinghani zo wulambi ho wawajilize wanhu, ho wawatyatye weneco du.

1 Wakolinto 11:19

hambi nha vyo yinojeye mahweso gono gesimajiye gawe gali muli nyenye ho wasume kwijela wono wakamile.

2 Wakolinto 11:26

Kenji na kenji mu mihinzo yangu netangʼanilaga na mbali nyinji, zimbali zo wulapuce we malenga mu makolongo, zimbali ze malimu makali, zimbali ze wahizi, zimbali zono zalawaga kuli wanyawusi wayangu Wayahudi, na zono zalawaga kuli wanhu we makungugo ganji, ne zimbali za mu makaya mawaha, zimbali za mu mbago, zimbali za mwilenga, ne zimbali zono zikulawa kuli wandugu wo wulambi!

Wagalatiya 2:4

hamba yiwe hali howali wandugu wo wulambi wono wali wahijiliye Tito yalame. I wanhu wawa weyinjiza ko wusugu, wakawa kuwulondola u welecele wetu wono cina nawo muli Kilisito Yesu, ho wacinjize mu wuwanda.

Wugubule 3:1

“Kuli malayika we likanisa lya Salidisi wandice nhavi. “Ayi yo nghani yono yikulawa kuli mwene mono yena myuhe mupunghati yo Mulungu, hamonga ne zinyelezi mupunghati. Nigamanyile i metumo gako gose, manyile vyono wumanyice nha wuli mumi, kumbe ho wufwiye!