Matayo 13:44 - I CILAGANE CIPYA 1991

⁴⁴ “U wutemi wa ku wulanga wihwanile ne ciwutwa cono cali cihundikwe mu mugunda. U munhu yunji yaza kuciwona, yakacihundika kanyhi. Nayo yasangalala muno, sunga yakawa kubita kuviguza i vinhu vyakwe vyose vyono yali yena navyo yakawa kuwugula u mugunda wuwulya.”

Luganuzi Luswanu Kuli Wanhu Wose 2002

⁴⁴ “U wutemi wa ku wulanga wihwanile ne ciwutwa cono cali cihundikwe mu mugunda. U munhu yunji yaza kuciwona, yakacihundika kanyhi. Nayo yasangalala muno, sunga yakawa kubita kuviguza i vinhu vyakwe vyose vyono yali yena navyo yakawa kuwugula u mugunda wuwulya.”

Matayo 13:44 ပူးပေါင်းရင်းမြစ်များ

Matayo 13:24

Yesu yakawalonjela i wanhu cihwanicizo cinji yakatya, “U wutemi wa ku wulanga, wihwanile no munhu mono yahadika i mbeyu swanu mu mugunda wakwe.

Matayo 13:46

Nayo yaza kuwa yayituga lulu monga yo wuguzi wukamu, ale, yakabita yakaviguza vyose vyono yali yena navyo, yakabita yakayigula i lulu yiyilya.”

Matayo 13:47

“Kanyhi U Wutemi wa ku wulanga wihwanile no lwavu lono lwagumilwa mwilenga, nalo lukebata somba nyinji ze mawala gose.

Matayo 19:21

Yesu yakamulonjela yakatya, “Ale, hono wukusaka wuwe munhu mono wukwilaniciye, ale wubite ukaviguze ivinhu vyose, wuwapele iwaciwa, nagwe ho kowa na ciwutwa ku wulanga, hanyuma ho wuze wunhyatye.”

Matayo 19:27

Nayo Petelo yakatya, “Alu ase nase ma? Hambi nha cavileka vyose, nase cikakutyatya, alu ho cotuga cinhuci?”

Matayo 19:29

Na muli wose mono yalecile nyumba yakwe, hamba wawahaze, hamba walumbuze, hamba u sogwe, hamba u nyina, hamba wanagwe, hamba migunda ku soko yangu, nayo kobocela kali igana na kuciza, na hanyuma kowutuga u wumi we cibitilila.

Matayo 6:21

Hambi hono hoyili isawo yako, nha vivyo no mutima wako nawo, wowa wuli baho.

Luka 14:33

Yesu ho yakawa malila yakutya, “Ale nha vivyo na muli nyenye, mono si yakuleka vyose vyono yena navyo, sikosuma kuwa mwijizwa wangu.”

Yohana 6:35

Yesu yakawatya, “Ane yo nene ndigwa yo wumi. Mono yakuza kwangu, si kodabucila lukulu. Na mono yakwihuwila kuli nene, si kokalucila lukulu.”

Walumi 15:4

Hambi zose zono zandikwa, nha zandikwa ho zicijize ase, nase ho cituje witumbilo mu wukangalile, na mu wusindamice wono cikupengwa ne Mandiko gago Gono Gelile, ho ciwe no witumbilo.

Wakolosayi 2:3

Muli mwene mo wuhundikwe u winji wose we mahala no wumanye.

Wakolosayi 3:16

I nghani ya Kilisito yikalaje muli nyenye, hamonga no wugoli wayo wose. Mwiyijizaje nyenye wose munhu na muyagwe, akuno mukwiyilanjiziza mu mahala gose. Mwimbaje Zabuli, na nyimbo, no wimbe we cinya Muhe, mumwimbilaje u Mulungu mu zinhumbula zenyu kwelilumbo.

Wahebelaniya 10:34

Mwahangana u wugazwe ne wafungwa, na lono mwabokagwa zisawo zenyu, mwakangalila na nyemo, hambi nha mwali mumanyile vyono mwina sawo yono swanu muno muno kanyhi yono yikalaga cibitilila.

Wugubule 3:18

Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.