Matayo 13:39 - I CILAGANE CIPYA 1991

³⁹ No mulugu mono yagahadika gagalya i mabalwe, yo Setani. Ne ndudula nayo, wo u mudumo we yinze, ne waduduzi nawo, wo Wamalayika.

Luganuzi Luswanu Kuli Wanhu Wose 2002

³⁹ No mulugu mono yagahadika gagalya i mabalwe, yo Setani. Ne ndudula nayo, wo u mudumo we yinze, ne waduduzi nawo, wo Wamalayika.

Matayo 13:39 ပူးပေါင်းရင်းမြစ်များ

Matayo 12:32

Kanyhi sunga na mono kolonga i nghani yo kumutovulo Mwana wo Munhu, yuyo nayo konenelwa, ninga langa mono kolonga i nghani ya kumutovulo Muhe Mono Yelile, yuyo langa si konenelwa hamba hadodo ku wulawa lulu sunga cibililila.

Matayo 13:22

I mbeyu ayilya nayo yono yagwila mu mabici ge mamivya, yihwanile u munhu mono yakuyihulika inghani, ninga i mahwele ga mononze yiyi hamonga ne masulumizi gayo ge zisawo, zikuyititiliza inghani yiyo, holeka u munhu yuyo si yakusuma kulela mikalo.

Matayo 13:25

Ninga lono wanhu wali wagona, u mulugu wakwe yakawa kuza, yakawa kugahadika mabalwe muciligati yo wuhemba, yakawa kubita.

Matayo 13:28

Nayo yakawapitula yakawatya, ‘U mulugu yo yanozize zizo.’ Nawo i wetumami wakwe wakamuwuza wakatya, ‘Alu wule, kokwenda cibite cikagakule?’

Matayo 13:40

Nha vyono i mabalwe, wagakunyanjilaga wawa gaticimiza mu moto, ale nha vivyo vyo yolowa ha mudumo we vilo,

Matayo 13:49

Nha vivyo vyo yolowa ha mudumo we vilo, i wamalayika wolokuza nawo wolowatemanula i wanhu wabi ne waswanu.

Matayo 24:3

Nayo Yesu lono yali yekaye mwitunda lye Mizeyituni, i wejizwa wakwe wakamuziza cinyele, wakamuwuza wakutya, “Ale ta, wucilonjelaje, i zinghani zizi mwene zolowa za nili? U wuze wako nawo, wololajilwa na citanjilo cono cinha wule? Baho ha ndumilizo ye yinze.”

Matayo 25:31

“Mu cipango cono kolokuziza u Mwana wo Munhu mu lukumyo lwakwe yena hamonga ne wamalayika wakwe, ale baho ho yalekala mwigoda lyakwe lye nhojo, lyo lukumyo.

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko kundumilizo ye vilo.”

1 Wakolinto 10:11

Ale, zinghani zizo zono zawejelela wene, zaweza ifundo kuli wanji, nazo zandikwa ho zicisugule sese, mono cili behi ne vilo vya ku ndumo.

2 Wakolinto 11:3

Ninga nghogopa yilece kuwa nhe lizoka lyono ko wusugu walyo wo wulambi, likamukoca Hawa, i mahweso genyu gadahile kwajilizwa no kuwuleka u wihuwilwa wenyu we mbeka kuli Kilisito.

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

Waefeso 2:2

Na mwipango lilyo mwekalilaga mu mikalile mibi ya mononze yiyi, nanye mukawa mukumuhulika u muwaha wo muhe mubi we vilungo wa mu mwanya, wo muhe wono wuwatemile alu, iwanhu wono si wakumuhulika u Mulungu.

Wahebelaniya 1:2

ninga mu vilo avi vyo mudumo, kalongana nase mu nzila yo Mwanagwe. Na muli mwene, u Mulungu mo yayiwumbila yinze, kanyhi yakamuwika ho yaviteme vinhu vyose.

Wahebelaniya 9:26

hambi nha hono yali yiwe nha vivyo, nha yali yimunojele Kilisito yagazwe kali kenji ku wulawa mu mwamulizo wo wuwumbwe we yinze. Ninga alu vipango avi lono vikusejelela ku mudumo wayo, u mwene yejela kamonga du, ho yawuwuse u wubi mu wilavya mweneco kuwa ikumbiko.

1 Petelo 5:8

Mwikalaje meso, kanyhi mweze musujile. Hambi umulugu wenyu Setani, yakupilima pilima nha simba yikukoloma, yikulondola yunji yimuhawanje.

Yuda 1:14

Nayo Enoci u kuku yetu wo mupunghati vyono yalawa Adamu, yawawilila i wanhu wawo yakutya, “Langa ta, u Muwaha yaza na maelufu ga wamalayika wakwe wono welile,

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemagwa Ibilisi hamba Setani, mono kawakongaga we yinze wose. Heya likagumilwa kononze hamonga ne wamalayika walyo wose.

Wugubule 13:14

Likawajiliza wanhu wenji wono wekaye mononze, ku so mapoto gago gono lyapegwa liganoze ha mwande ya alilya lilimu lilongozi. Nalyo lilimu lilyo likawalonjela wanhu wono wekaye mononze, wanoze cihwani so kulipela yilumbo lilyo lilimu lyono lyali lina likomele yiwaha muno lyono lyatemangwa no mumaje, ninga alu likuwumipa kanyhi.

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete wakagumilwa vyo womi du, mwilamba lyono lyakaga moto we cibiliti.