Matayo 13:23 - I CILAGANE CIPYA 1991

²³ Nayo i mbeyu yono yagwila mu muhangha u muswanu, yihwanile u munhu mono yakuyihulika inghani yiyo no kuyizuka, no munhu yuyo kalelaga i mikalo, ne mbeyu monga yilavyaga mhece igana limonga, na yinji yikulavya makumi mutandatu, na yinji makumi madatu.”

Luganuzi Luswanu Kuli Wanhu Wose 2002

²³ Nayo i mbeyu yono yagwila mu muhangha muswanu, yihwanile u munhu mono yakuyihulika inghani yiyo no kuyizuka, no munhu yuyo kalelaga i mikalo, ne mbeyu monga yilavyaga mhece igana limonga, na yinji yikulavya makumi mutandatu, na yinji makumi madatu.”

Matayo 13:23 ပူးပေါင်းရင်းမြစ်များ

Matayo 12:33

“U mubici hono wuwe muswanu, ale sunga ne mikalo yayo nayo yowa miswanu, na hono wuwe mubi, ne mikalo yayo yowa mibi. No mubici nawo wumanyicilaga mu mikalo gayo.

Matayo 13:8

Ninga zinji zikalagala hono howuli u muhangha u muswanu, nazo zikota, no kulela, zinji zikalela mhece igana limonga, zinji makumi mutandatu, na zinji nazo makumi madatu.

Matayo 3:10

Hambi inhemo nha yikondizye kuwikanizwa so wutemanga imilela yo mubici, holeka u mubici wo wose wono si wulelaga mikalo miswanu, ale, wodumulwa no kutagwa mu moto.

Matayo 3:8

Ale, alu, mulajile mu metumo genyu, vyono mwanena mbeka mbeka.

Maluko 10:15

Nane nghumulonjelenyi mbeka, vyono munhu wo wose mono siyakuwubocela u Wutemi wo Mulungu kotya mwana mudodo, hamba sikokwinjila mu wutemi wuwo ngʼo.”

Maluko 4:20

Ninga iwanhu wanji, wehwanile nhe zimbeyu zilya zono zamizwa mu muhangha muswanu. Awa wo wakuyihulika i nghani yiyo, wakuyibocela, no kulela mikalo: wanji makumi madatu, na wanji makumi mutandatu na wanji igana limonga.”

Luka 13:9

nawo hono wulele mikalo hanyuma, viswanu; ninga hono wulece kulela, langa ho kowutemanga.”

Luka 8:15

Nazo zono zalagala mu muhangha muswanu wo wanhu wono wakuyihulika nghani, no kuyikamisa kwa nhumbula swanu na ye cihuliko. Nawo wakuleta mikalo mu wukangalile.

Luka 8:8

Zimbeyu zinji zikalagala mu muhangha muswanu, zikawiluka, zikalela mhece igana.” Yaza kukondya kulonga zizo, yakalonga na izi iwaha, yakatya “Holeka muhulice, hono mwina makutu.”

Yohana 15:16

Anye si mwanyihaga ane, langa ane yo namwihajenyi nyenye, kanyhi nghawa kumuwagulenyi ho mubite mukalele mikalo, i mikalo yono yikalaga, nayo Baba ho yasume kumupelenyi co cose cono mukumulomba mwitagwa lyangu.

Yohana 8:47

Wo Mulungu nha kahulikaga zinghani zo Mulungu. Ninga anye si mukuhulika, vyono anye, si muli wanhu wo Mulungu.”

Metumo ge Watumwa 16:14

Mucekulu yunji wa muli wawo wono wacihulicizaga, litagwa lyakwe Ludiya, mono yamogopago Mulungu, wa mwikaya lya Tuwatila, mono yaguzaga myenda ye bafuta, ye liwala lyo lugandu. U Muwaha yayidigula inhumbula yakwe, yakazibocela zinghani zono Pawulo yazilongaga.

Metumo ge Watumwa 17:11

Wanhu wa kuko wali waswanu muno, wacizize awalya wa ku Tesalonike. Wayibocela nghani na nhumbula yono yina nyhilu mbaha, wakalondolalondola nhondo zose mu Mandiko Gono Gelile, ho wawone zono wazilongaga wa Pawulo na Sila hono zali za mbeka.

2 Wakolinto 9:10

Nayo u Mulungu mono kamupelaga mbeyu mulimi, no kumupela i ndigwa yo kulya, komupelenyi nanye zimbeyu zono mukuhila, nayo kozicindisa no kuziwilusa, hamonga no kumupelenyi ndundula mbaha ku soko yo weza mutima wenyu.

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

Wafilipi 4:17

Mulece kwihwesa nha vyono nyendile kubocela vipegwa du, langa nghusaka i cambuzi conjelezwe mu viwutwa vyenyu.

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wumumanyo u Mulungu.

Wakolosayi 1:6

No Luganuzi Luswanu, lukucila kulela mikalo, no kutandala mono yinze mose, nha vyono lwaza kwenyu nyenye, ku wulawa mwizuwa lililya lyono mwahulicila ze lihewa lyo Mulungu no kumanya vyono yili mbeka.

1 Watesalonike 4:1

Ze ndumilizo wandugu zangu, nha vyono mweyijiza kuli sese vyono munojeye mwikale ho mumwendeze u Mulungu. Nayo yili mbeka vyo mwikalaga. Alu cikumulombenyi kanyhi cikumunenenyi mwitagwa lyo Muwaha Yesu, vyono alu ho mucile muno kuwituma viswanu.

2 Watesalonike 2:10

nayo kokwitumamila u wulambi we mawala gose kuli awalya wono wali mu wajilile. Wawo nawo wolokwajilila ku soko vyono si wawubocela hamba si wayenda yiyilya i mbeka ho wapone.

Wahebelaniya 4:2

Hambi nha caganulilwa u Luganuzi Luswanu nha vyono lwaganulwa kuli wawo wanhu we katali. Ninga i nghani yiyo si yawakwila cinji, hamba wawe wayihulika, ninga si wasuma kuyibocela ko wihuwilo.

Wahebelaniya 6:7

U Mulungu kawulugutizaga u muhangha wono wuyibocelaga i mvula yono yikuwutonyela kenji na kenji, no kucindya i zimbeyu zono zina cambuzi kuli wono walimilwa.

Wahebelaniya 8:10

Ne cilagane cono nonoza ne wanhu wa Isilayeli mu vilo vyono vikuza nha cocino; Nologenjiza i malajilizo gangu mu mahala gawo, Kanyhi nologandika mu zinhumbula zawo. Nane nolowa Mulungu wawo Nawo wolowa wanhu wangu.

2 Petelo 3:18

Ninga mujendelele kuwilucila mwihewa no muwumanyo Mutwa wetu no Mukombozi Yesu Kilisito. U lukumyo lweze kuli mwene, kulawa lulu na ku cibitilila Heya.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.