Matayo 13:19 - I CILAGANE CIPYA 1991

¹⁹ U munhu wo wose mono yakuyihulika inghani yo Wutemi, hamba kuyizuka yaye, yuyo yo yehwanile i zimbeyu zizilya zono zagwa mu nzila, nayo u Mubi kazaga no kuyisukula ayilya yono yali yakondya kuhadikwa mu nhumbula ya yuyo munhu.

Luganuzi Luswanu Kuli Wanhu Wose 2002

¹⁹ U munhu wo wose mono yakuyihulika inghani yo Wutemi, hamba kuyizuka yaye, yuyo yo yehwanile i zimbeyu zizilya zono zagwa mu nzila, nayo u Mubi kazaga no kuyisukula ayilya yono yali yakondya kuhadikwa mu nhumbula ya yuyo munhu.

Matayo 13:19 ပူးပေါင်းရင်းမြစ်များ

Matayo 12:26

Holeka hono Setani yakumuwinga Setani, ale yakwitemanula mweneco. Alu u wutemi wakwe ho wokwima nhawule?

Matayo 13:20

Nayo i mbeyu yono yahadikwa hono hogali i mabwe, yihwanile u munhu mono yakuyihulika nghani yiyo, na hobaho yakuyibocela, na nyemo mbaha.

Matayo 13:38

Nawo u mugunda yo yinze. Nazo i zimbeyu zi zilya i ziswanu, wo wana wo wutemi. Ninga i mabalwe, wo wanhu wa ayulyo u Mubi.

Matayo 4:23

Yesu yapilimaga mose mu yisi ya Galilaya, yakwijiza mu matangʼanilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Matayo 5:37

Hono wutye ‘Heya’ ale yiweze ‘Heya du!’ Na hono wutye ‘Ngʼo’ ale yiweze mbeka ‘Ngʼo’. Na yo yose yono yitimile zizo, yilawaga kuli ayulya u Mubi.

Maluko 4:15

ne wanhu wa mu nzila wakuyihulika, ninga kolo wayihulika, Setani yakuza no kuyiwusa inghani yiyo yono yihadikwe muli wene.

Luka 10:9

Mukawaponye watamwa wono wali mumo, mukawatye, ‘U wutemi wo Mulungu wumusejelelenyi.’

Luka 9:2

Yakawatuma kuganula zo wutemi wo Mulungu, no kuponya watamwa.

Yohana 18:38

Pilato yakamutya Yesu, “Alo yiyo imbeka co cici?” Nayo Pilato yaza kukondya kuzilonga zizo, yakawabitila kanyhi Wayahudi kunze, yakawatya, “Ane si nghuwona lisutya lyo lyose muli munhu yuyu.”

Yohana 8:43

Alu kusokoci si mukwizuka zono nghulonga? Kusoko vyono si mwendile kuyihuliciza inghani yangu.

Metumo ge Watumwa 17:32

Waza muhulika Pawulo yakulonga ze nghani yo wuzuce we wafu, wanji wakamuseka, ninga wanji wakatya, “Cikwenda kukuhuliciza kanyhi mu nghani yiyi.”

Metumo ge Watumwa 18:15

Ninga hono gawe mawuzo ge zinghani ne matagwa no wulajilize wenyu, ko kwenyu, mulamule nyenye. Ane sinosuma kuwa mulingʼanizi we zinghani zizi.”

Metumo ge Watumwa 20:25

“Sunga na lulu, ane manyile vyono nyenye wose, mono nakola ako na ako mono mwenyu, nghuganula zo wutemi wo Mulungu. Si molombona wusu wangu kanyhi.

Metumo ge Watumwa 28:23

Hodu wakawa kupanga nayo lizuwa lyo kwitangʼanila, na wenji muno wakamubitila ku nyumba yakwe yono yekalaga. Nayo Pawulo ku wulawa hakali mitondo sunga lyoswa, yakawa yakuwasimuliziza no kuwaloloseza zo Wutemi wo Mulungu, yakajela muno kuwakwega ho walumbe izinghani za Yesu, yakwitumamila Wulajilize wa Musa ne mandiko ge wawizi.

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

Walumi 14:17

Hambi wutemi wo Mulungu nha si wuli mu wutye no wungʼwe, langa wuli mu wilingʼano, no mulamu, ne nyemo mu Muhe Mono Yelile.

Walumi 2:8

Ninga awalya wanji wono wakulema izinghani ze mbeka, langa wakutyatya izimbi, u Mulungu kolowamwajila ilikuwo no wukali wakwe.

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu we makungugo u wugoli wa Kilisito wono wusina cipimo,

2 Watesalonike 2:12

Ne ndumilizo yayo ho yiwe, wose wono si wakuyihuwila i mbeka, langa wakwiyendeza no wubi wolingʼanizwa.

Wahebelaniya 2:1

Holeka yicinojeye cicile kuzikamisa muno zose zono cazihulika, ho cilece kwajilizwa.

1 Yohana 3:12

Cilece kuwa nha Kayini mono yatongwa na ayulya u Mubi, yakawa kumuwulaga u mwanakwawe. Na ku sokoci yamuwulaga? Ku soko i metumo gakwe gali mabi, ninga i metumo go mwanakwawe gali maswanu!

1 Yohana 5:18

Ninga cimanyile vyono muli wose mono yakondya kuwa mwana wo Mulungu, siketumaga wubi, ku soko u Mwana wo Mulungu yakumukamisa. Na yuyo u Mubi si kosuma kumutamisa yaye.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.