Matayo 12:32 - I CILAGANE CIPYA 1991

³² Kanyhi sunga na mono kolonga i nghani yo kumutovulo Mwana wo Munhu, yuyo nayo konenelwa, ninga langa mono kolonga i nghani ya kumutovulo Muhe Mono Yelile, yuyo langa si konenelwa hamba hadodo ku wulawa lulu sunga cibililila.

Luganuzi Luswanu Kuli Wanhu Wose 2002

³² Kanyhi sunga na mono kolonga i nghani yo kumutovulo Mwana wo Munhu, yuyo nayo konenelwa, ninga langa mono kolonga i nghani ya kumutovulo Muhe Mono Yelile, yuyo langa si konenelwa hamba hadodo ku wulawa lulu sunga cibitilila.”

Matayo 12:32 ပူးပေါင်းရင်းမြစ်များ

Matayo 11:19

Alu, u Mwana wo Munhu yakaza, yakulya no kungʼwa, nawo wakatya, “Mulanjenyi ta ayu munhu mubuguci, kanyhi mungʼwa divayi, mwendece we watoweza kodi ne wahodanji. Ninga hamba nha vivyo i mahala go Mulungu gakuhomelelwa vyono maswanu ku so i metumo gakwe.”

Matayo 12:31

Holeka nghumulonjelenyi, nghutya nhavi, i wanhu wosuma kunenelwa u wubi wawo, hamonga no wutovule wawo wose, ninga si wosuma kunenelwa hamba hadodo u wubi wo kumutovulo u Muhe Mono Yelile.

Matayo 12:8

Hambi u Mwana wo Munhu, nha yo Muwaha we Sabato.”

Matayo 13:22

I mbeyu ayilya nayo yono yagwila mu mabici ge mamivya, yihwanile u munhu mono yakuyihulika inghani, ninga i mahwele ga mononze yiyi hamonga ne masulumizi gayo ge zisawo, zikuyititiliza inghani yiyo, holeka u munhu yuyo si yakusuma kulela mikalo.

Matayo 13:39

No mulugu mono yagahadika gagalya i mabalwe, yo Setani. Ne ndudula nayo, wo u mudumo we yinze, ne waduduzi nawo, wo Wamalayika.

Matayo 13:40

Nha vyono i mabalwe, wagakunyanjilaga wawa gaticimiza mu moto, ale nha vivyo vyo yolowa ha mudumo we vilo,

Matayo 13:55

Ati, wulenyi, yuyu si yo mwana wa ayulya u muselemala? No nyina si yakucemwa Malyamu, ne wanduguze si wa Yakobo, Yusufu, Simoni na Yuda?

Matayo 8:20

Ninga Yesu yakamupitula yakamutya, “Imacewe, gena mamwina, ne zindeje nazo zina manhuli, ninga u Mwana wo Munhu, yasina hamba hanhu ho kuceha.”

Maluko 10:30

mu mapango gaga, kopegwa kali igana no kuciza, zikaya, wawahaze, walumbuze, nyina, wana ne migunda hamonga ne magazo, ne vilo vyono vikuza, kobocela wumi we cibitilila.

Maluko 3:28

“Mbeka nghumulonjelenyi, iwanhu wonenelwa wubi wawo wose hamonga ne matovulo gawo gose.

Maluko 3:29

Ninga mono komutovula u Muhe Mono Yelile, yuyo hamba sikonenelelwa lukulu, langa yeza yena isutya lyo wubi we cibitilila.”

Luka 12:10

Na muli wose mono kolonga nghani yono yili suta kuli Mwana wo Munhu, konenelwa; ninga mono yakumutovula u Muhe Mono Yelile si konenelwa.

Luka 16:8

Yuyo muwaha, yakamukumya yuyo mwitumami mono si mwihuwilwa, vyono yanoza ko wusugu. Hambi wanhu wa kononze yiyi, nha wasugu muno kuli zawo si nhe wanhu wo wuzelu.

Luka 18:30

kopegwa zono zicizize kenji mu myaka yiyi ya lulu, no kubocela wumi we cibitilila mu yinze yono yikuza.”

Luka 23:34

Yesu yakatya, “Baba, uwanenele, hambi nha si wamanyile yono wakwituma. Hanyuma wakagawana vivwalo vyakwe kwa kutowa kula.”

Luka 7:34

U Mwana wo Munhu nha yaza yakulya no kungʼwa, nanye mukatya, Langa ta munhu yu mubuguci, na mungʼwa divayi mwendece we watoweza kodi na wanyo wubi!

Yohana 7:12

Kukawa na lupwepwe muli wanhu ku soko yakwe, wanji watezaga “Munhu muswanu.” Wanji wakatya, “Aa, ngʼo yakuwakonga wanhu.”

Yohana 7:39

(Yalonga zizo, yakulonga zo Muhe Mono wolomubocela wono wamwihuwiye mwene. Mu cipango cico u Muhe yali yakali si naza, vyono Yesu yali yakali si nakumywa.)

Yohana 7:52

Nawo wakamupitula wakumutya, “Alu nagwe nhavivilya kulawa ku Galilaya? Ale wulondole, wulanje mu Mandiko Gono Gelile, nagwe kowona vyono, muwizi si kolawa ku Galilaya hamba nhavi.”

Metumo ge Watumwa 3:19

Alenyi muyikawanizaje mikalile yenyu imibi, mumuwuyile u Mulungu, nayo ho yawupate wubi wenyu,

Waefeso 1:21

Na kuko Kilisito yatemile muli walongola wose, no wuwaha, ne vilungo, ne cisumisumi cose, nayo yatemile mu wutambule wo wose wono wudahile kuwa mono yinze yiyino, sunga na mu yinze yono yikuza.

1 Timoteyo 1:13

hambe bahalya halulongozi nene no mweneco nghamuliga no kumugaza no kumugalila. Ninga mwene Mulungu yakambonela lusungu, ku soko nali nghali sina wihuwilo, na holeka si nali manyile cono netumaga.

1 Timoteyo 1:15

No wulonje wuwu nha we mbeka, na kanyhi wunojeye wuvumilwe muno muno, vyono Kilisito Yesu yaza kononze kuwaponya wanyo wubi. Nane nha nili mubi kuciza wawo wose.

1 Timoteyo 4:8

Hambi wizoweleze wo muwili nha wina cambuzi cayo, ninga wizoweleze we cimuhe, wina cambuzi ce mawala gose, hambi nha wukucihuwiza zo wumi we vilo vivi na wuwo kanyhi we vilo vyono vikuza.

1 Timoteyo 6:17

Uwalonjelaje iwanhu wagoli we vinhu vye mikalile ya lulu, walece kwidunhumula, hamba kuwika u witumbilo wawo mu sawo yono siyidahile kwitumbilwa, langa wamwitumbilaje Mulungu, mono ko wuswanu wakwe, kacipela i vinhu vyose civisangalalile.

2 Timoteyo 4:10

Hambi Dema nha yandeka, mwene yenda ze yinze ya lulu, yakabita ku Tesalonike. Kileseke nayo yabita ku Galatiya, na Tito yabita ku Dalumatiya.

Tito 2:12

Ne Uhewa Hiyo likucijiza ciwulekaje wavu wose no wusulumizi wose wa mononze, ciweze no wiyimizi, ho cikale mu mikalile ye lingʼani yo kumogopa u Mulungu mono yinze yiyi ya lulu,

Yakobo 1:27

Hambi dini yono yelile na yono yisina manamha manamha ha mwande yo Mulungu u Sogo yo munhu nha yoyi: Kuwataza wana wono wasina walezi wawo, ne wacekulu wafwile mu wugaye wawo, no kwiyilanjilila go mweneco ho wulece kutipizwa ne yinze yiyi.