Matayo 12:26 - I CILAGANE CIPYA 1991

²⁶ Holeka hono Setani yakumuwinga Setani, ale yakwitemanula mweneco. Alu u wutemi wakwe ho wokwima nhawule?

Luganuzi Luswanu Kuli Wanhu Wose 2002

²⁶ Holeka hono Setani yakumuwinga Setani, ale, yakwitemanula mweneco. Alu u wutemi wakwe ho wokwima nhawule?

Matayo 12:26 ပူးပေါင်းရင်းမြစ်များ

Matayo 13:19

U munhu wo wose mono yakuyihulika inghani yo Wutemi, hamba kuyizuka yaye, yuyo yo yehwanile i zimbeyu zizilya zono zagwa mu nzila, nayo u Mubi kazaga no kuyisukula ayilya yono yali yakondya kuhadikwa mu nhumbula ya yuyo munhu.

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Matayo 9:34

Ninga i Wafalisayo wakawa kutya, “Ayu yakulavizye macisi mu vilungo vyo muwaha we macisi mabi.”

Yohana 12:31

Alu co cipango co kulingʼanizwa iyinze yiyi, alu muwaha we yinze yiyi kotagwa kunze.

Yohana 14:30

Si nomulonjelenyi muno kanyhi, hambi u muwaha we yinze yiyi nha yakuza, nayo hamba si kosuma cinji kuliʼne.

Yohana 16:11

wasutizye kuli ze ningʼaniza yo Mulungu, ku soko vyono muwaha we yinze yiyi yalingʼanizwa yakondya.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

1 Yohana 5:19

Cimanyile vyono ase cili wo Mulungu, hamba yiwe i yinze yose yili mu vilungo vya ayulya u Mubi.

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemagwa Ibilisi hamba Setani, mono kawakongaga we yinze wose. Heya likagumilwa kononze hamonga ne wamalayika walyo wose.

Wugubule 16:10

Malayika we hano nayo yakalijidila libakuli lyakwe mu wikalo wuwaha we lililya lilimu. Uwutitu wukawa kudinda mu wutemi walyo, wanhu wakawa kwilumanga i zinimi zawo ku soko yo wusungu,

Wugubule 9:11

Kanyhi zene zina no mutemi mono yazitemile, nayo yo malayika wa ku wuninyina, ne litagwa lyakwe ku nonga ye Cihebelaniya, wamucemaga, Abadoni, na kunonga ye Cigiliki kacemagwa, Apoliyoni, nha cinji “Muwulaji.”