Matayo 12:15 - I CILAGANE CIPYA 1991

¹⁵ Ninga Yesu yaza yeza yayimanya i nghani yiyo, yakawuka i hanhu baho. Ne wanhu wenji wakamutyatya, nayo yakawaponya i watamwa wose.

Luganuzi Luswanu Kuli Wanhu Wose 2002

¹⁵ Ninga Yesu yaza yimanya nghani yiyo, yakawuka i hanhu baho. Ne wanhu wenji wakamutyatya, nayo yakawaponya watamwa wose.

Matayo 12:15 ပူးပေါင်းရင်းမြစ်များ

Matayo 10:23

“Iwanhu kolo wakumulanjenyi mwikaya ali, ale mutizize mwikaya linji. Ninga mbeka nghumulonjelenyi vyono, si mosuma kugajendela makaya gose ga Isilayeli mugamale, lono u Mwana wo Munhu yakali si naza.”

Matayo 19:2

Ne wanhu wenji wakamutyatya kuko, nayo yakawaponya.

Maluko 6:56

Na ko kose kono Yesu yabitaga, mu vikaya na mu makaya, hamba mu migunda, iwanhu wakawawika iwatamwa mu zisokoni, wakamunena wapamize hamba icindo lye civwalo cakwe du. Nawo wose wono wamupamiza, wakapona.

Luka 5:22

Ninga Yesu yakawalanga mahweso gawo, yakapitula yakawatya, “Alo mukwihwesa cici mu zinhumbula zenyu?”

Luka 6:12

Lizuwa linji Yesu yakabita kwitunda, kulomba; yakekala kuko cilo cose sunga wukela, yakumulombo Mulungu.

Luka 9:11

Ninga i wanhu waza kumanya kono yabitile, wakamutyatya: Yesu yakawabocela yakawaganulila zo wutemi wo Mulungu, nawo wono wasakaga kuponywa, yakawaponya.

Yohana 11:54

Holeka nayo Yesu si yasuma kujenda ciwonelela hamwande ye Wayahudi Ninga yakawuka kuko, yakabita sunga ku yisi yono yili behi na ku nyika, kwitumbi lyono lyacemagwa Efalemi. Yakekala kuko hamonga ne wejizwa wakwe.

Yohana 7:1

Hanyuma ya zizi, Yesu yajendaga mu Galilaya, hamba si yendaga kujenda mu Yudiya, vyono i walongola we Wayahudi wahilaga kumuwulaga.

Yohana 9:4

Yicinojeye ciwitume u mulimo wa mono yanhuma lono hakali misi, hambi i cilo nha cikuza, lono munhu si kosuma kwituma.

Wagalatiya 6:9

Holeka mulece kukatala mu wituma ziswanu, ku soko hono cilece kukatala, codudula i nhwanga mu cipango cayo.

1 Petelo 2:21

Na zizo zo mwacemelwa, hambi Kilisito mweneco nha yagazwa ku soko yenyu, yakamulecelenyi musambo, ho muyityatye i mikalile yakwe.