Matayo 11:3 - I CILAGANE CIPYA 1991

³ wamuwuze watye, “Alo yo gwegwe yulya mono yakuza, hamba cimulindilaje yunji?”

Luganuzi Luswanu Kuli Wanhu Wose 2002

³ wamuwuze watye, “Alo yo gwegwe yulya mono yakuza, hamba cimulindilaje yunji?”

Matayo 11:3 ပူးပေါင်းရင်းမြစ်များ

Matayo 11:10

“Yuyu yo yalongwa mu Mandiko Gono Gelile vyono, Lanjenyi ta, nghumutuma u mutumwa wangu, vyo yakutya u muwaha ho yakulongolele no kukunozelezeza i nzila yako.”

Matayo 11:4

Nayo Yesu yakawapitula yakatya, “Mubite mukamulonjele Yohana zose zono mukuzihulika no kuziwona,

Matayo 21:5

“Mulilonjele ilikaya lya Siyoni, Wulanje u Mutemi wako yakukuziza! Mupolo, kanyhi yali mucanyha ye ndogowe.”

Matayo 21:9

Ne mapuga ge wanhu wono wali wamulongoleye, sunga na walya wono wamutyatyaga, wakazoza ne mazi mawaha wakutya, “Yalumbwe u Mwana wa Dawudi! Yalugutwe yuyo mono yakuziza mwitagwa lyo Muwaha! Yalumbwe u Mulungu kucanyha!”

Maluko 11:9

Ne wanhu wose wono wali walongoleye na wawalya wono watyatyaga munyuma, wakazoza wakutya, “Yalumbwe Mulungu! Mumoti yuyo mono yakuziza mwitagwa lyo Muwaha!

Luka 19:38

wakutya, “Mumoti u Mutemi mono yakuziza mwitagwa lyo Muwaha, Mulamu ku wulanga, no lukumyo lweze kuli Mulungu.”

Yohana 11:27

Malita yakamutya, “Heya Muwaha! Ane nihuwiye vyono yo gwegwe Kilisito, u Mwana wo Mulungu u muza kononze.”

Yohana 12:13

ale wakasola i manhambi ge mitende, wakalawila, wakabita kumuhinjliiza, wakazoza wakutya, “U Mulungu yalumbwe! Mumoti mono yakuziza mwitagwa lyo Muwaha. Mumoti mutemi wa Isilayeli.”

Yohana 16:14

U mwene kolonghumya nene, hambi nha kolomulonjelenyi zono kozituga kulawa kwangu.

Yohana 4:21

Yesu yakamutya, “Gwe yaya unyihuwile, icipango cikuza, cono si molomuhemba u Sogo yo munhu, hamba mwitunda lili, hamba kuko ku Yelusalemi.

Yohana 6:14

Iwanhu wawo waza kuciwona citanjilo cono Yesu yanozize, wakatya, “Ayu he yo muwizi mbeka, mono yakuza kononze.”

Yohana 7:31

Wanhu wenji wa mwipuga lililya lye wanhu wakamwihuwila, wakatya, “Wulenyi ti, Kilisito kolo yakuza, konoza vitanjilo yicizize vyono yanozize yuyu?”

Wahebelaniya 10:37

Nha vyono gakutya i Mandiko: “Hambi nha cikali cidaha cidodo du, nayo mono yakuza, ho kokuza, hamba si kotinya yaye,