Matayo 11:29 - I CILAGANE CIPYA 1991

²⁹ Mwiwicilaje u lubano lwangu, mwiyijize kuliʼne, hambi ane nha nili mupolo, kanyhi nili mwinenenyhezi mu nhumbula, nanye motuga wutuzwe mu zinhumbula zenyu.

Luganuzi Luswanu Kuli Wanhu Wose 2002

²⁹ Mwiwicilaje u lubano lwangu, mwiyijize kuli'ne, hambi ane nha nili mupolo, kanyhi nili mwinenenyhezi mu nhumbula, nanye motuga wutuzwe mu zinhumbula zenyu.

Matayo 11:29 ပူးပေါင်းရင်းမြစ်များ

Matayo 17:5

Nayo lono yali yakali kulonga nha vivyo du, livunde yizelu likawa kuwagubika, ne lizi likahulikwa likulawilila mwivunde lilyo, likutya, “Ayu yo Mwanangu, u mwendece wangu, mono nyendezwe nayo, holeka mumuhulikaje.”

Matayo 21:5

“Mulilonjele ilikaya lya Siyoni, Wulanje u Mutemi wako yakukuziza! Mupolo, kanyhi yali mucanyha ye ndogowe.”

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko kundumilizo ye vilo.”

Matayo 7:24

“Holeka ku soko yiyo, u munhu wo wose mono ya kuzihulika izinghani zangu no kuzibata, yuyo yehwanile u munhu we mahala, mono yayizenga ikaya yakwe mwitalawe.

Luka 8:35

Wanhu wakaza wazilanje zono ziweye; wakafika kuli Yesu, wakamuwona munhu mono yali yalavywa macisi, yavwalile myenda, yena ne mahala gakwe; yekaye ha magulu ga Yesu, wakogopa muno.

Yohana 13:15

Hambi nha nimupelenyi luzu, nanye ho muwe kunoza nha vyono nimutendelenyi nyenye.

Yohana 13:17

Holeka hono muwe mwayimanya i mbeka yiyi, mowa wamoti hono muyitume.

Metumo ge Watumwa 7:37

Yo mwene yuyo Musa mono yawatya wana wa Isilayeli, ‘U Mulungu kolomwinulilenyi Muwizi kulawa mu wandugu zenyu yenha nene.’

1 Wakolinto 9:21

Na kuli awalya nawo wono wali kunze yo Wulajilize, nako nane nghuwa nhe weneco, kunze yo Wulajilize, ho sume kuwatuga wawo nawo wono wali kunze yo Wulajilize. Ninga si vyono ane no mweneco si niwutyatyaga u Wulajilize wo Mulungu, hambi nha mbopigwene lilajilizo lya Kilisito.

2 Wakolinto 10:1

Ane yo nene no mweneco Pawulo, mono nghwijela nili mupolo lono nili hamonga nanye, ninga ho nili mukali lono nili kutali nanye, nghumunenenyi ko lusungu no wuswanu wa Kilisito.

2 Wakolinto 10:5

no kuvikumulanga vimizi vyose vyo wiwoni vyono vikwimila u wumanyo Mulungu, cikugakwega i mahweso gose no kuganoza gamuhulice Kilisito.

Wafilipi 2:5

Muweze no wuwe wuwulya wono yali yena nawo Kilisito Yesu.

1 Watesalonike 4:2

Hambi nha mumanyile i malajilizo gono camupelelenyi mu wulajilize wo Muwaha Yesu.

2 Watesalonike 1:8

hamonga ne malambi go moto, ho yawalipicize wawalya wose wono wakumulema u Mulungu, na wawalya wono si wakuluhulika u Luganuzi Luswanu lo Muwaha wetu Yesu.

Wahebelaniya 5:9

Nayo yaza kukwilanicizwa, yakawa wo mwamulizo wo wukombozi we cibitilila kuli wose wono wakumuhulika,

1 Yohana 2:6

u munhu wo wose mono yakutya yali muli Mulungu, yimunojeye yawe yena i mikalile, nhe mikalile ya Yesu Kilisito.