Matayo 11:20 - I CILAGANE CIPYA 1991

²⁰ Baho yakawa kwanza kugatacila i makaya gono, hamba yawe yanoza mapoto menji mugati yago, ninga iwanhu wayo hamba si wasaka kuwukawaniza zo wuhile wawo wubi, yakutya,

Luganuzi Luswanu Kuli Wanhu Wose 2002

²⁰ Baho yakawa kwanza kugatacila i makaya gono, hamba yawe yanoza mapoto menji mugati yago, ninga iwanhu wayo hamba si wasaka kuwukawaniza zo wuhile wawo wubi, yakutya,

Matayo 11:20 ပူးပေါင်းရင်းမြစ်များ

Matayo 12:41

Ne wanhu wa Ninawi, wolokuza he zuwa lyo wulingʼanizwe nawo walaluhosa u lulelo lulu nha vyono lusutizye. Hambi Waninawi nha wanena, so wuganule wa Yona. Na kumbe yali baha mono yamucizize Yona!

Maluko 16:14

Na kundumilizo, Yesu yakejela kuli wejizwa we likumi na monga lono walizanaga ha meza. Nayo yakawatacila muno so wuleka kwihuwila kwawo no wukamu we zinhumbula zawo, hambi nha siwawehuwila wawalya wono wamuwona lono yali yazuka.

Maluko 9:19

Nayo Yesu yakapitula, yakutya, “Nye nyo lulelo lono lusina wihuwilo! alu cokwikalana nanye sunga nili? Alu nomukangalilenyi sunga nili? Ale ta, mundetelaje yuyo muzelelo.”

Metumo ge Watumwa 17:20

Vinhu vinji vyono cihulice co weneco ne makutu getu, vikijela nha vinhu vijenzi kuliʼse. Holeka cendile kumanya inhunizo ya zizi.”

2 Wakolinto 12:21

Kanyhi nghogopa, na lunji kolo neza kuza mu muhinzo wuwo wono nokuza, u Mulungu wangu komhela u wula nyemo hali nyenye, nane nolila ku soko ya wenji wa muli nyenye wono wetuma wubi hamba kunena wuwo wavu wawo, ne masulumizi gawo mabi, hamonga ne mawubi gawo go wusenyha wawo, gono wali wakondya kwituma.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose kwa winji, na kwe nhumbula swanu.

Wugubule 16:11

wakamuliga Mulungu wa ku wulanga ku soko yo wusungu wawo we malonda gawo. Ninga hamba si wagaleka i metumo gawo mabi.

Wugubule 16:9

Iwanhu wakanyanywa vibi muno muno, wakawa kumuliga Mulungu mono yena vilungo muli magazo gago mawaha. Ninga hamba si wawuleka u wubi wawo, no kumukumyo Mulungu.

Wugubule 2:21

Nimuleceye cipango co kunena wubi wakwe, ningo mwene ho si yakusaka kwilega no wusenyha wakwe.