Matayo 11:11 - I CILAGANE CIPYA 1991

¹¹ Nane nghumulonjelenyi mbeka, vyono mu wana wose we wanhu, yakali si yanejela mono muwaha yamucizize Yohana Mubaputizi. Hamba nha vivyo, ayulya mono yakwijela nha yo mudodo muno mu wutemi wa ku wulanga, yo muwaha yamucizize yuyo Yohana.

Luganuzi Luswanu Kuli Wanhu Wose 2002

¹¹ Nane nghumulonjelenyi mbeka, vyono mu wana wose we wanhu, yakali nejela mono muwaha yamucizize Yohana Mubaputizi. Hamba nhavivyo, ayulya mono yakwijela nha yo mudodo muno mu wutemi wa ku wulanga, yo muwaha yamucizize yuyo Yohana.

Matayo 11:11 ပူးပေါင်းရင်းမြစ်များ

Matayo 11:10

“Yuyu yo yalongwa mu Mandiko Gono Gelile vyono, Lanjenyi ta, nghumutuma u mutumwa wangu, vyo yakutya u muwaha ho yakulongolele no kukunozelezeza i nzila yako.”

Matayo 11:12

Kuwulawilila mu vilo vya Yohana sunga nalu, u Wutemi wa ku wulanga wukwinjilwa kwe vilungo muno muno, ne wanhu i wahidimbazi, wo wakujela kuwutuga kwe vilungo.

Matayo 3:1

Na mu vilo vivyo Yohana u Mubaputizi yakalawila, yakawa kwamula kuganula ku nyika ya Yudiya, yakutya,

Matayo 3:11

Ane nghumubaputizenyi mu malenga, kulajila nha vyono mwanena. Ninga ayulya mono yakuza mu nyuma yangu, yo we vilungo yanyhizize na nene. Hamba ane si nghwiliye kuwudinghula ne malatu gakwe. U Mwene ko mubaputizenyi ko Muhe Mono Yelile no ko moto.

Matayo 5:19

Holeka muli wose mono kobena ililajilizo hambe lidodo du sinha gose, no kuwejiza ne wanji wetume nha vivyo, yuyo yo kowa mudodo muno mu wutemi wa ku wulanga. Ninga mono kosuma kuzibata, sunga no kuwejiza iwanji, yuyo kowa muwaha mu wutemi wa ku wulanga.

Luka 1:15

Kowa muwaha hali Muwaha, si kolowa kungʼwa divayi hamba cingʼwegwa co wugale,

Luka 7:28

Yesu yakatya, “Mu wana wose we wanhu, hasina mono yamucizize Yohana u Mubaputizi. Hamba nha vivyo, u mudodo muno mu wutemi wo Mulungu yo muwaha si nho mwene.”

Luka 9:48

Yakawatya. “Muli wose, mono komubocela mwana yuyu mudodo mwitagwa lyangu, yakumbocela nene: na muli wose mono yakumbocela nene, yakumubocela mono yanhuma, hambi u mudodo muno muli nyenye nha yo muwaha wa wose.”

Yohana 1:15

Yohana yakawalonjela wanhu zinghani zakwe, yakawalonjela kwa izi yakutya, “Ayu yo mwene mono namulonga, lono natya, Yakuza munhu munyuma yangu, mono yo muwaha yanyhizize nene, kusoko mwene yali yalibaho na lono ane nali nghali nalelwa.”

Yohana 1:27

Yo yuyo mono yakuza munyuma yangu, mono ane sinojeye hamba kuyiwopola imikowa ye malatu gakwe.”

Yohana 10:41

Ne wanhu wenji wakamubitila, wakatya, “Yohana si yanoza citanjilo co cose. Ninga zose zono Yohana yalonga za muli munhu ayu, za mbeka.”

Yohana 3:30

Yinojeye Mwene yalawilicile, nane ndodomhe.”

Yohana 5:35

Yohana yali yenha tala yono yikwaka no kumulika, nanye mukawa mwiwikanize kuwusangalalila u wuzelu wuwo kwa cidaha.

Yohana 7:39

(Yalonga zizo, yakulonga zo Muhe Mono wolomubocela wono wamwihuwiye mwene. Mu cipango cico u Muhe yali yakali si naza, vyono Yesu yali yakali si nakumywa.)

1 Wakolinto 15:9

Hambi ane nha nili mudodo muno muno muli watumwa wose, mono singhwiliye hamba kucemwa mutumwa, kusoko vyono naligaza muno i likanisa lyo Mulungu.

1 Wakolinto 6:4

Alu anye lono mwatuga mazozo nyenye wose, muli ze mikalile ye nhondo zose, hanyuma kanyhi mukuwacema i wahakimu, i wanhu wono si wakulikumya hamba likanisa wo wawe wahakimu wenyu?

Waefeso 2:3

Hamba na sese cali cinha cinya wawo, cawutyatyaga u wusulumizi wetu we ciyinze yinze, no kwituma zinghani zizilya zono zayendezaga imiwili yetu ne mahala getu, kuciyinze yinze, vyono wenha wene nha vivyo na sese, ilikuwo lyo Mulungu lyali licinojeye licagane.

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu we makungugo u wugoli wa Kilisito wono wusina cipimo,

2 Timoteyo 1:10

Ninga alu cakondya kugubulilwa so wuze wo Mukombozi wetu Yesu Kilisito, u mwene yakondya kuvidumizya lukulu i vilungo vye lifwa, nayo yakawanzalika u wumi wono wusina lifwa, mu nzila yo Luganuzi Luswanu.

Wahebelaniya 11:40

hambi u Mulungu nha yali yehwesize i nghani swanu muno kuciza ku soko yetu; wo wutya wene ho waze wawutuje u wukwilanicizwe hamonga na sese.

1 Petelo 1:10

Iwawizi walondola londola muno, no kutikula zo wukombozwe wuwo, wakawila ze lihewa lilyo, lyono anye mwali mupegwe.