Matayo 10:28 - I CILAGANE CIPYA 1991

²⁸ Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mumoto we gehena.

Luganuzi Luswanu Kuli Wanhu Wose 2002

²⁸ Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mu moto we gehena.

Matayo 10:28 ပူးပေါင်းရင်းမြစ်များ

Matayo 10:26

“Holeka anye mulece kuwogopa iwanhu we liwala lilyo. Hambi co cose cono cigubicizwe, nha cologubulwa, na co cose cono cihundicizwe nha cololawila kuzelu.

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yalingʼanizwe. Nayo mono yakumubedegala unduguye, ale yuyo kotegulwa ku wulingʼanizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Yohana 5:29

nawo wolawila, mu vitenjelo, nawo wono wetumaga viswanu, wozuka no kuwumipa, na awalya wono wetumaga wubi, wozuka no kulingʼanizwa.

Metumo ge Watumwa 21:13

Ninga mwene Pawulo yakapitula yakatya, “Alo mukusaka kunoza cici? Mukulila no kunyenyanga mutima wangu? Hambi ne nha nilumbiye si kuwopwa du, langa no kufwila kuko ku Yelusalemi, kusoko ye litagwa lyo Muwaha Yesu.”

Wahebelaniya 10:31

Ku wugwila mu miwoko yo Mulungu mumi yo nghani ya kogofya muno muno.

Wahebelaniya 11:35

Ne wacekulu wono wali wehuwiye, wakagomolelwa wakondya kuzukulwa i wafu wawo. Wanji muli wene wakalema kuwopolelwa, wakatamiswa vibi sunga wakafwa, ho watuje u wuzuce no kwinjila mu mikalile imiswanu yono yicizize muno.

Yakobo 4:12

Hambi nha Mulungu yali wene du yo kawikaga wulajilize no kulingʼaniza. Yo mweneco yali wene du mono yasumile kuponya no kongomeza. Ale, wuli nani gwegwe mono wukumulingʼaniza u munhu muyago?

1 Petelo 3:14

Ninga, hamba yiwe yimunojelenyi kugazika ku soko yo wituma ziswanu, ale, mowa wamoti. Kanyhi mulece kumogopa munhu wo wose, hamba mulece kuvumila kwinjizwa mu mahwele.

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwalajila wanji wayenyu mu jela, nanye motuga magayo mu vilo ikumi. Holeka, mwene muli wehuwilwa kuliʼne, sunga ko ku wufwe, nane nomupelenyi wumi, co cihumbilizwa cenyu co wusume wenyu.