Matayo 10:22 - I CILAGANE CIPYA 1991

²² Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

Luganuzi Luswanu Kuli Wanhu Wose 2002

²² Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

Matayo 10:22 ပူးပေါင်းရင်းမြစ်များ

Matayo 10:39

Nayo mono yakuwibatiliza u wumi wakwe, yo kowajiliza, langa mono yakuwajiliza u wumi wakwe ku soko yangu, yuyo langa kowutuga.

Matayo 24:13

Ninga u munhu wo wose mono kolokangalila sunga ko ku ndumo, yuyo langa yo kolopona.

Matayo 24:9

“Kanyhi nawo wolomulavyenyi ho mutamiswe no kuwulagwa. Ne makungugo gose kono galila, golomusulenyi anye, ku soko ye litagwa lyangu.

Matayo 5:11

“Muli wamoti nyenye, kolo wanhu wakumulijenyi, no kumugazenyi, no kumusulenyi, kanyhi no kumulonjenyi makani mabi ku soko vyono muli watyatyi wangu.

Maluko 13:13

Ne wanhu wose wolomusulenyiʼnye, ku soko ye litagwa lyangu. Ninga mono kolokangalila sunga ko ku ndumo, ale, yuyo yo kolopona.

Luka 21:17

Ne wanhu wose womusulenyi ku soko ye litagwa lyangu.

Luka 21:19

Mu wukangalizi wenyu, moponya wumi wenyu.

Luka 6:22

“Muli wamoti nye, kolo wanhu wakumusulenyi, na kolo wakumusiwanulenyi, no kumulijenyi, no kuliviza litagwa lyenyu nha wetuma vibi, ku soko yo Mwana wo Munhu.

Luka 8:15

Nazo zono zalagala mu muhangha muswanu wo wanhu wono wakuyihulika nghani, no kuyikamisa kwa nhumbula swanu na ye cihuliko. Nawo wakuleta mikalo mu wukangalile.

Yohana 17:14

Ane niwapela inghani yako, nawo we yinze wakawasula, hambi wene nha si we yinze, nha vyono ane nane si nili we yinze.

Yohana 7:7

Sunga na wanhu wa mononze, si wosuma kumusulenyi anye, langa ane wasulile, kusoko nghuwalonjela, vyono i metumo gawo mabi.

Metumo ge Watumwa 9:16

Nane no mweneco, nomulajila zi nyinji zono zimunojeye yagazwe ku soko ye litagwa lyangu.”

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

2 Wakolinto 4:11

Heya, vyono mu mikalile yetu yose, cili mu mbali ye lifwa ku soko ya Kilisito, u wumi wakwe Yesu ho wanzalikwe mu muwili wetu wuwu wono wukufwa.

Wagalatiya 6:9

Holeka mulece kukatala mu wituma ziswanu, ku soko hono cilece kukatala, codudula i nhwanga mu cipango cayo.

Wahebelaniya 3:14

Hambi ase nha ceza cili hamonga na Kilisito, soko ciwe ciwukamise muno muno u witumbilo wetu wono cali cina nawo hamwamulizo.

Wahebelaniya 6:11

Hambi u wuhile wetu kuli nyenye nha wowu, cikumusacenyi wose muli nyenye, munhu yalajile u wuhijilile wuwo du, sunga ko ku mudumo wo wumemelecele wo witumbilo wenyu.

Yakobo 1:12

Mumoti munhu mono yakukangalila wujelwe, hambi kolo yeza yasuma nha kopegwa i cihumbilizwa co wumi cono Mulungu yawatemezezya wawalya wono wamwendile.

1 Yohana 3:13

Holeka wandugu zangu, mulece kwizina lono i yinze yikumusulenyi.

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwalajila wanji wayenyu mu jela, nanye motuga magayo mu vilo ikumi. Holeka, mwene muli wehuwilwa kuliʼne, sunga ko ku wufwe, nane nomupelenyi wumi, co cihumbilizwa cenyu co wusume wenyu.

Wugubule 2:17

“Mono yena makutu go kuhulicila, ale yazihulikaje zono u Muhe yakugalonjela i Makanisa! “Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe itagwa yipya, lyono munhu yunji sikosuma kulimanya, langa wawo du wono wolibocela.

Wugubule 2:26

Wono wosuma no kukamisa sunga ko ku ndumo, hamonga no kwituma zo wuhile wangu, wawo nowapela wulajilize muli makungugo.

Wugubule 2:3

Agwe wuli ngola, kanyhi wakangalila mu wugaye winji muno, ku soko ye litagwa lyangu, hamba kukatala yaye.

Wugubule 2:7

“Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, ale, nowapela i lingʼani yo kulye mana go mubici wo wumi, wono wuli mu mugunda wo Mulungu.”

Wugubule 3:21

“Wono wosuma, ale wawo nowekaza hamonga nane mwigoda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.