Matayo 10:19 - I CILAGANE CIPYA 1991

¹⁹ Holeka kolo wakumutegulenyi kuli mahakama, ale, anye mulece kuwa na mahwele kuli zono molonga hamba lunji molonga nyhici, hambi nha mopegwa yono molonga mu cipango cico.

Luganuzi Luswanu Kuli Wanhu Wose 2002

¹⁹ Holeka kolo wakumutegulenyi kuli mahakama, anye mulece kuwa na mahwele kuli zono molonga hamba lunji molonga nyhici, hambi nha mopegwa yono molonga mu cipango cico.

Matayo 10:19 ပူးပေါင်းရင်းမြစ်များ

Matayo 10:18

Kanyhi motegulwa kuli wawaha ne watemi, kusoko yangu, ho musume kuluganula u Luganuzi Luswanu kuli wene na kuli makungugo.

Matayo 6:25

“Si holeka nghumulonjelenyi nghutya, mulece kuwa na mahwele ku soko ye zindigwa mukutya, molya cici hamba mongʼwa cici, ku soko yo wumi wenyu, hamba muli ze vivwalo vyono mukuvisaka ku soko ye miwili yenyu. Alu mukwihwesa vyono u wumi wuli mu zindigwa du, hamba hocili cinji cono cicizize? No muwili nawo ma, si wuvicizize i vivwalo?

Matayo 6:31

Ale, mulece kuwa na mahwele yaye, mukutya, ‘Alu hamba colya cici, hamba covwala cici!’

Matayo 6:34

Holeka mulece kuwa na mahwele ku soko ye lizuwa lye mitondo, hambi imitondo nha yowa ne mahwele gayo nayo. Holeka hasina soko yo kutowelela u wugaye, vyono izuwa no wugaye wayo wukwiliye.

Luka 12:11

Na kolo wakumutegulenyi mu matangʼanilo go wuhembelo, na kuli wawaha, ne watemi, muze mulece kwihwelela molopitula nhawule, hamba mololonga ci.

Luka 12:12

Hambi u Muhe Mono Yelile nha kolomwijizenyi mu cipango cico zono mololonga.

Metumo ge Watumwa 6:10

Hamba si wamusuma ngʼo, kusoko ye mahala gakwe, na ku soko ya yuyo Muhe mono yamulongaga mwipango lono yalongaga.

Wafilipi 4:6

Mulece kwihwelela muli cinji co cose, langa mu wulombe wenyu, mumulombaje u Mulungu i visakwa vyenyu, mumulombaje akuno mukumulumba mu zinhumbula zenyu.

2 Timoteyo 4:17

Ningo Muwaha yali yali hamonga nane, yamhela vilungo, sunga nghasuma kuyiganula inghani nha vyono yinha, i wanhu we makungugo ho wayihulice, kanyhi nghaponywa mu walingʼanizwe wo kuwulagwa.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose kwa winji, na kwe nhumbula swanu.