Matayo 10:17 - I CILAGANE CIPYA 1991

¹⁷ Mwilanjililaje kuli wanhu, hambi nha womutegulenyi kuli mahakama, kanyhi womukunenyi viboko mu matangʼanilo gawo go wuhembelo.

Luganuzi Luswanu Kuli Wanhu Wose 2002

¹⁷ Mwilanjililaje kuli wanhu, hambi nha womutegulenyi kuli mahakama, kanyhi womukunenyi viboko mu matang'anilo gawo go wuhembelo.

Matayo 10:17 ပူးပေါင်းရင်းမြစ်များ

Matayo 10:18

Kanyhi motegulwa kuli wawaha ne watemi, kusoko yangu, ho musume kuluganula u Luganuzi Luswanu kuli wene na kuli makungugo.

Matayo 20:19

Womukombola kuli wanhu we makungugo ganji ho wamuzwajize no kumukuna viboko, no kutumbikwa, ninga mwizuwa lye kadatu kozukulwa.”

Matayo 23:34

Ku soko yiyo holeka ane nghumuletelenyi wawizi, ne wanhu we mahala, kanyhi ne wejizi, nanye mowawulaga no kuwatumbika wanji wa muli wene, na wanji mowakuna ne viboko mu matangʼanilo genyu go wuhembelo, no kuwalondola londola mu matumbi gose.

Matayo 26:59

Hodu i Wakohani wawaha ne libalaza lyose, wakalondola wuhomelezi wo wulambi kuli Yesu, ho wamuwulaje,

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yalingʼanizwe. Nayo mono yakumubedegala unduguye, ale yuyo kotegulwa ku wulingʼanizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Maluko 13:12

No munhu kolomukombola unduguye yawulagwe, nayo usogo yo munhu, kolomukombola umwanagwe, iwana nawo wolowatowanga iwalezi wawo no kuwawulaga.

Maluko 13:9

“Ninga nye musuguce. Hambi iwanhu nha wolomutegulenyi kuli mahakama, no kumutowenyi mu matangʼanilo go wuhembelo. Molotegulwa ha mwande ye walongola ne watemi ku soko yangu, ho muhomelele kuli wene.

Luka 12:11

Na kolo wakumutegulenyi mu matangʼanilo go wuhembelo, na kuli wawaha, ne watemi, muze mulece kwihwelela molopitula nhawule, hamba mololonga ci.

Yohana 11:47

Holeka i Wakohani wawaha, ne Wafalisayo wakekonghola hamonga, wakatya, “Alu conoza nhawule? Hambi munhu ayu nha yakunoza vitanjilo vinji muno.

Yohana 16:2

Wanhu wolowa kumuwinjenyi mu matangʼanilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

Metumo ge Watumwa 17:14

Nawo we zindugu wakamusindiciza Pawulo mbela mbela, yabite sunga ko kwilenga, ninga Sila na Timoteyo, wakekala ku Beloya.

Metumo ge Watumwa 22:19

Nane nghatya, ‘Muwaha, na weneco nha wamanyile vyono ane nawatajilaga mu jela no kuwatowanga mu matangʼanilo gose go wuhembelo, wose wono wali wakwihuwiye gwegwe.

Metumo ge Watumwa 26:11

Kali kenji nawatowaga mu matangʼanilo go wuhembelo gose, nghawa kuwadindimiza watovule wihuwilo wawo. Ne likuwo lyangu kuli wene likacila muno, holeka nghawa kuwalondelela sunga mu matumbi go kutali.

Metumo ge Watumwa 9:2

yakalomba yapegwe baluwa, zono zosuma kumumanyiza kuli matangʼanilo go wuhembelo ge Wayahudi ga ku Damesiki, kolo yakuwawona wanhu wono wakuyityatya i Nzila yo Muwaha i walume ne wacekulu, yawebate no kuwaleta ku Yelusalemi.

Wafilipi 3:2

Mwilegaje na wawo wono wetumaga wavu, wawo wono wenha mabwa, wanhu wono wakukangaza u witemanje mu muwili.

2 Timoteyo 4:15

Ale, wilanjililaje kuli mwene, hambi nha yayibezaga inghani yetu ko wukali muno.

Wahebelaniya 11:36

Wanji wakazwajizwa no kuwakunanga ne viboko, na wanji kanyhi wakawopwa ne manyolo no kutajilwa mu jela.