Matayo 10:15 - I CILAGANE CIPYA 1991

¹⁵ Mbeka nghumutyenyi, Mwizuwa lye ningʼaniza, ilikaya lilyo lyolotuga wulipicizwe wuwaha muno kuciza, si nho wulipicizwe wulya wono galipicizwa i makaya ga Sodoma na Gomola.

Luganuzi Luswanu Kuli Wanhu Wose 2002

¹⁵ Mbeka nghumutyenyi, Mwizuwa lye ning'aniza, ilikaya lilyo lyolotuga wulipicizwe wuwaha muno kuciza, si nho wulipicizwe wulya wono galipicizwa i makaya ga Sodoma na Gomola.”

Matayo 10:15 ပူးပေါင်းရင်းမြစ်များ

Matayo 12:36

“Holeka ane nghumulonjelenyi, nghutya, Mwizuwa lyo wulingʼanizwe i wanhu si wololeka kupitula muli ze zinghani zose zono si zinojeye zono wakuzilonga.

Matayo 5:18

Nghumulonjelenyi mbeka, vyono sunga u wulanga ne yinze zilapuluta, ninga hasina hamba nghani ndodo, hamba cipinga cidodo co Wulajilize cono cowuswa, sunga kolo zose zakondya kufisilizwa.

Matayo 7:22

Wenji wono wolononjela mwizuwa lyo wulingʼanizwe wakutya, ‘Muwaha, Muwaha! Mwitagwa lyako, cayiganulaga inghani yako, na mwitagwa lyako calavyaga macisi, no kunoza vitanjilo vinji.’

Maluko 6:11

Ne hanhu hose hono iwanhu wolema kumubocelenyi hamba kumuhulicenyi, ale muwuce baho, ninga mukungʼunhe manghundi gono gali mu magulu genyu, ho yiwe wuhomelezi kuli wene.”

Yohana 12:48

Nayo mono si yakwibata zinghani zangu, yali baho mono yakumulingʼaniza, Inghani yiyilya yono nalonga, yo yolomulingʼaniza Mwizuwa lya ku Ndumo.

Yohana 6:39

No wuhile wa mono yanhuma nha wowu, “Ndece kumwajiliza hamba yumonga muli wose wono napegwa nayo, langa niwazukule wose mwizuwa lya ku ndumo.”

Yohana 6:40

Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwizuwa lya ku ndumo.

Metumo ge Watumwa 17:31

Hambi nha yakondya kuwika lizuwa lyono koloyilingʼaniza yinze mu lingʼani, mu nzila ya muli munhu yumonga mono yamuhagula. No Mulungu yawapela wanhu wose wuhomelezi we nghani yiyi, ko kumuzukula munhu yuyo mu wafu!”

1 Wakolinto 3:13

Na yiwe vyo vyose du, vyono yowa yinha, ninga u wuswanu wo mulimo wa yumonga yumonga, wolokwijelela Mwizuwa lilyo lya Kilisito, lilawa kuyanzalika i milimo yose. Hambi Lizuwa lilyo nha lyolokuza lina no moto, no moto wuwo nawo, wolowujela u mulimo wo wose, no kusuma kuwulajila u wuswanu wayo.

1 Watesalonike 5:4

Ninga anye nyo wandugu zangu si muli mu citi yaye, holeka ne lizuwa lilyo si linojeye limuzizenyi nhinicizo nho muhizi.

Wahebelaniya 10:25

Cilece kuwuleka u wityatye wuwulya wo witangʼanila hamonga, nha vyono wanozaga wanji. Kanyhi yicinojeye kwiyitaza sese wose, nha vyono mukuwona, i lizuwa lilya lyo Muwaha lyeza lili behi.

2 Petelo 2:6

Kanyhi Mulungu yakagalipiciza makaya ga Sodoma na Gomola, yakagaticimiza no moto ticitici, yakaganoza gawe nha suguzi kuli wanhu wono siwamogopago Mulungu.

2 Petelo 2:9

Ale, holeka, Muwaha yamanyile kuwaponya mu wulipicizwe sunga Mwizuwa lililya lyo wulingʼanizwe.

2 Petelo 3:7

Ninga wulanga ne yinze za lulu mbikwe ne nghani yo Mulungu, ziwiciywe moto. Ziwicigwe ku soko ye lizuwa lililya lono wanhu wono siwamogopile Mulungu wololingʼanizwa no kongomezwa.

1 Yohana 4:17

U wendo wukwilaniciye muli sese, ho cisume kuwa cisina woga kwizuwa alilya lyo wulingʼanizi vyono mikalile yetu ya baha hononze nha yihwanile na ayilya ya Kilisito.

Yuda 1:6

Ne wamalayika wono si wawukamisa u wuwaha wawo, kanyhi wakayileka ne nyikala yawo yono yiwanojeye, u Mulungu yawawopile ne manyolo ge cibitilila mu citi, sunga mwizuwa Liwaha lyo wulingʼanizwe.

Yuda 1:7

Kanyhi mukumbucile za ku Sodoma na Gomola, ne matumbi ga mu mhelo mhelo yayo, i wanyawusi wayo wanoza nha vyono wanoza wamalayika, weyinjiza mu wusenyha, na mu makani gono gasutane ne mumbwa, wakawa kutemezezwa u wulipicizwe wo moto we cibitilila, ho yiwe suguzi kuli wanhu wose.