Matayo 10:1 - I CILAGANE CIPYA 1991

¹ Yesu yakawacema iwejizwa wakwe we likumi na wejete, yakawapela wulajilize wo kulavizya imacisi mavu, no kuponya imatamwa, no wusocele wo wose.

Luganuzi Luswanu Kuli Wanhu Wose 2002

¹ Yesu yakawacema iwejizwa wakwe we likumi na wejete, yakawapela wulajilize wo kulavizya imacisi mavu, no kuponya imatamwa, no wusocele wo wose.

Matayo 10:1 ပူးပေါင်းရင်းမြစ်များ

Matayo 19:28

Yesu yakawalonjela, yakatya, “Ane nghumulonjelenyi mbeka, vyono u Mwana wo Munhu yalaza kwikala mwigoda lye nhojo, lyo lukumyo lwakwe, mu yinze yimhya, nanye mono mukunhyatya, molokwikala mu magoda ikumi na mejete, akuno mukuzilingʼaniza izinghungugo ikumi na nyejete za Isilayeli.

Matayo 26:20

Na lono yali yeza kuwa cinyamihe, Yesu yakekala ha meza, hamonga ne wejizwa wakwe ikumi na wejete.

Matayo 26:47

Nayo Yesu lono yali yakali kulonga nawo, hobaho nayo Yuda yakawa kuza u muyagwe na awalya we likumi na wejete. Wakaza wanhu wenji wali hamonga nayo, nawo wali wena, ne mimaje ne zinhumbi, wono watumwa kulawa kuli wakohani wawaha ne wanyamhala we wanhu.

Matayo 4:23

Yesu yapilimaga mose mu yisi ya Galilaya, yakwijiza mu matangʼanilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Matayo 6:13

Wulece kucitegula mu wujelwe, Langa wuciponye na yulya u Mubi.’

Matayo 9:35

Nayo Yesu yakagajendela i makaya gose ne vitumbi, yakawa kwijiza mu matangʼanilo gawo go wuhembelo akuno yakuluganula u Luganuzi Luswanu lo Wutemi wo Mulungu, hamonga no kuponya imatamwa gose go wusocele we mawala gose.

Matayo 9:38

Holeka mumulombaje munya mugunda, ho yatume iwaduduzi mu mugunda wakwe.”

Luka 10:19

Alenyi, nimupelenyi nyenye u wulajilize wo kukanyaga zinzoka ne zinje, no Wulajilize wa muli vilungo vyose vya ayulya mulugu hamba hasina cinji co cose cono comutamisenyi.

Luka 21:15

hambi nha nomupelenyi mahala no wizuce wo kulonga, vyono walugu wenyu wose si wosuma kuvimila hamba kupinga.

Luka 24:49

Nane nomuletelenyi yuyo mono Baba yehuwiza vyono komutuma, ninga mulindilize mumo mwikaya, sunga muvwikwe i vilungo avilya vya kucanyha.”

Luka 6:13

Waza kwela, yakawacema wejizwa wakwe, yakahagula muli wene, wanhu ikumi na wejete, wawo yakawacemela itagwa lye “Watumwa.”

Yohana 17:2

Hambi nha wamupela wulajilize muli wanhu wose, ho yawapele u wumi we cibitilila wawo wose wono wamupela.

Yohana 3:27

Yohana yakapitula yakatya, “Munhu si kosuma kuwa na cinji, hono yalece kupegwa no Mulungu.

Yohana 3:35

U Sogo yo munhu yamwendile Mwana, Nayo yamupelile vinhu vyose.

Yohana 6:70

Yesu yakawatya, “Alo si namuhagulenyi nyenye mo we likumi na wejete, hamba nha vivyo muyenyu monga muli nyenye yo setani!”

Metumo ge Watumwa 1:8

Ninga mopegwa vilungo, kolo yakumuzizenyi u Muhe Mono Yelile, nanye mowa wahomelezi wangu mu Yelusalemi, na mu yisi yose ya Yudiya, na Samaliya, sunga ko ku mhelo ye yinze.”

Metumo ge Watumwa 19:15

Ninga ilicisi lyavu likawapitula likatya, “Yesu nimumanyile, na Pawulo nayo nimumanyile nha vivyo, ninga lu nyenye wa nani?”

Wugubule 12:1

Hanyuma cikejela citanjilo ciwaha ku wulanga. Baho hali hoyuli mucekulu mono yali yavwicigwe lizuwa, no mwezi wukawa wuli hasi ye magulu gakwe, no mukumbo we zinyelezi ikumi na nyejete zikawa mucanyha mu mutwe wakwe!