Maluko 9:21 - I CILAGANE CIPYA 1991

²¹ “Alu zizino zamwijelela ku wulawa nili?” Nayo yakapitula, yakatya, “Kulawa wudodo wakwe.

Luganuzi Luswanu Kuli Wanhu Wose 2002

²¹ “Alu zizino zamwijelela ku wulawa nili?” Nayo yakapitula, yakatya, “Kulawa wudodo wakwe.

Maluko 9:21 ပူးပေါင်းရင်းမြစ်များ

Maluko 5:25

Na muli wene mwali moyuli mucekulu yunji mono yali yena wutamwa wo wuzaze we sakami kwa myaka ikumi na myejete.

Maluko 9:20

Wakamuleta kuli mwene. Lo lulolulo licisi lilyo lyeza kumuwona Yesu, likamuzuganga umwana yuyo, nayo mwana yuyo yakagwa hasi, yakegalagaza no kulavya cifulo mu mulomo wakwe. Yesu yakamuwuza usogwe yo mwana yuyo, yakutya.

Maluko 9:22

Na kali kenji licisi lilyo, limugwisizaga mu moto na mu malenga, ho limongomezeze lukulu. Ale, holeka hono wusume, wuciwonele lusungu no kucitaza.”

Luka 13:16

Alu yuyu, nayo mwana wa Abulahamu, mono Setani yali yamulemaze mu myaka yiyi ikumi na munana, wulenyi, si vyali viswanu kumuponya mu wutamwa wakwe wuwo mwizuwa lye Sabato?”

Luka 8:43

Na mumo mwipuga lye wanhu, mwali na mucekulu yunji mono yali yena wutamwa wo wuzaze we sakami kwa myaka ikumi na myejete, nayo hamba yawe yali yetumamila sawo yakwe yose mu Waganga, ninga hasina hamba yumonga mono yasuma kumuponya.

Yohana 9:1

Nayo Yesu lono yapulutaga, yakamuwona munhu yunji, mono yali yali cibofu kulawa vyono yalelwa.

Metumo ge Watumwa 14:8

Kwali na munhu yunji kuko ku Lusitela, mono yali yali citewe kulawa vyono yalelwa, nayo yali yakali si yanajenda hamba hadodo.

Metumo ge Watumwa 3:2

Na baho behi no mulango we Nyumba yo Mulungu, wono wucemagwa “Mulango muswanu,” hali hoyuli munhu yumonga, mono yali yali citewe kulawa vyono yalelwa. Wanhu wamudinghulaga nhondo zose, no kumuwika baho, ho yelombeleze vye lihewa kuli wanhu wono wenjilaga mu Nyumba yo Mulungu.

Metumo ge Watumwa 4:22

Nayo u munhu yuyo mono yaponywa nha yali yaficile myaka makumi mane no musapu.

Metumo ge Watumwa 9:33

Na kuko yakagana munhu yunji litagwa lyakwe Ayineya, mono yali yagona mu citanda myaka munana, hambi nha yali yadejepe.