Maluko 9:17 - I CILAGANE CIPYA 1991

¹⁷ Baho munhu yunji wa mwipuga lililya lye wanhu yakapitula, yakutya, “Go Mwijizi, ndeta mwanangu kuli ʼgwe, yena icisi lyono likamunoza yawe cibwibwi.

Luganuzi Luswanu Kuli Wanhu Wose 2002

¹⁷ Baho munhu yunji wa mwipuga lililya lye wanhu yakapitula, yakutya, “Go Mwijizi, ndeta mwanangu kuli 'gwe, yena licisi lyono likamunoza yawe cibwibwi.

Maluko 9:17 ပူးပေါင်းရင်းမြစ်များ

Matayo 12:22

Baho i wanhu wakamuletela u munhu yunji mono yali yali cibofu kanyhi yali cibwibwi, ku soko vyono yali yebatwe ne licisi. Yesu yakawa kumuponya, nayo yakasuma kulonga no kuwona kanyhi.

Matayo 17:15

yakatya, “Gwe Muwaha, wumuwonelaje lusungu mwanangu, hambi nha yena cinzilisa, kanyhi yakugazika muno, na kali kenji mwene kagwizaga mu moto na mu malenga.

Matayo 9:32

Ne wanhu lono weyagalaga wakubita ku zikwawo, wanji wakamuletela Yesu, u munhu monga mono yali yali cibwibwi, ku soko vyono yali yebatwe ne licisi.

Maluko 10:13

Iwanhu wakamuletela Yesu iwana wadodo ho yawapamize, ninga wene iwejizwa wakawatacila.

Maluko 5:23

yakumunena muno yakutya, “Umuhinza wangu mudodo yatamigwe, yali behi no kufwa. Cibite nghukunena, wukamuwicile miwoko yako, ho yapone no kuwumipa!”

Maluko 7:26

Nayo umudala yuyo yali Mugiliki, we mbeyu ye Wasilofoyinike. Ale, yakamulomba Yesu yalilavye licisi lyavu muli muhinza wakwe.

Maluko 9:16

Nayo Yesu yakawawuza yakutya, “Alu mukwiwuza cici nawo?”

Maluko 9:18

Na nhondo zose kolo lyeza kumwibata, limugwisaga hasi, no kumunoza yalavye cifulo mu mulomo, akuno yakugwezula ne meno gakwe, kanyhi yakuganda muwili wose. Nane nghawalomba iwejizwa wako walilavye licisi lilyo, ninga hamba siwalisuma ngʼo.”

Maluko 9:25

Nayo Yesu yaza kuliwona lipuga lye wanhu lyeza kumwikongholela lumangho hamwande yakwe, yakalitacila lililya licisi lyavu yakulitya, “Agwe go licisi mono wukumunoza u mwana yuyu yawe cibwibwi kanyhi yawe ciziwi, nghukutya, ulawe muli mwana yuyu, hamba wulece kwinjila muli mwene kanyhi!”

Luka 11:14

Mwizuwa linji Yesu yalavyaga icisi lyono lyali limunozize munhu yumonga kuwa yali cibwibwi. Kukawa licisi lyaza kulawa, munhu yuyo yakawa kulonga; ne mapuga ge wanhu wakezina.

Luka 9:38

Na munhu yunji wa mwipuga lilyo, yakabalaluka yakutya, “Gwe Mwijizi, nghukunena umulanje mwanangu, mwanangu we ciwene.

Yohana 4:47

Hodu, yuyo muwaha we likulu, yaza kuhulika vyono Yesu kalawa ku Yudiya, kafika ku Galilaya, yakamubitila, yakamulomba yamuponye mwanagwe mono yali mutamwa muno muno, yali behi no kufwa.